<div class="article-content">
<p><strong>-អធិការរង ហៀង ថារ៉េត ឆ្លើយថាមេ ប៉ុស្ដិ៍អត់រាយការណ៍ឱ្យពីករណីនេះ</strong><br /><br /><strong>ភ្នំពេញ ៖</strong> អាងខ្លួនជាមន្ដ្រី នគរបាល ក្រសួងមហាផ្ទៃ គ្រាន់តែបុរសម្នាក់យកកូន សោទៅចាក់<br />ច្រឡំ ម៉ូតូរបស់ខ្លួន ស្រាប់តែ មន្ដ្រីនគរបាល ដែលសមត្ថកិច្ចមិនបាន បញ្ជាក់ អត្ដសញ្ញាណរូប<br />នេះ ស្រែកថាចោរប្លន់ហើយ រត់ទៅវាយបុរសរូបនេះ មួយដៃ ថែមទាំង វាយខ្នោះ និងយកកាំ<br />ភ្លើងភ្ជង់ទៀតផង ធ្វើឱ្យមានការភ្ញាក់ផ្អើល និងជួយអន្ដរាគមន៍ភ្លាមៗ ពីសំណាក់កម្លាំងអាវុធហត្ថ<br /> និងសមត្ថ កិច្ចមូលដ្ឋាន ចុះទៅកន្លែងកើតហេតុ ដោយ នាំខ្លួនទាំងភាគីបង្ក និងបុរសដែលច្រឡំ<br />ម៉ូតូ យកទៅសួរនាំទៀតផង ។</p>
<p>ហេតុការណ៍គ្រាន់តែ យកកូនសោទៅ ចាក់ម៉ូតូច្រឡំ ធ្វើឱ្យមន្ដ្រីនគរបាលក្រសួង មហាផ្ទៃខឹង<br />ច្រឡោតតោតតូង រហូតដល់ ថ្នាក់ទៅវាយមួយដៃ និងវាយខ្នោះព្រមទាំង យកកាំភ្លើងភ្ជង់ខាង<br />លើនេះ បានកើតឡើង កាលពីវេលាម៉ោង ១២និង២០នាទី យប់រំលង អាធ្រាត្រឈានចូលថ្ងៃទី<br />១៧ ខែឧសភា ឆ្នាំ ២០១៣ ស្ថិតនៅហាងផឹកស៊ី យីហោបុបា្ផចំការមន តាមបណ្ដោយផ្លូវលេខ<br />១០៥ សង្កាត់ បឹងត្របែក ខណ្ឌចំការមន ។</p>
<p>យោងតាមសាក្សី ដែលបានចោមរោម មើលហេតុការណ៍ខាងលើនេះ បានឱ្យដឹងថា មុនពេល<br />កើតហេតុ ជនបង្កដែលជាមន្ដ្រីនគរ បាលក្រសួងមហាផ្ទៃ និងជនរងគ្រោះបាន ចូលទៅផឹកស៊ី<br /> នៅក្នុងហាងខាងលើ ដោយ ចតម៉ូតូចោលនៅខាងមុខហាងដូចគ្នា ។</p>
<p>សាក្សីបានបន្ដថា ក្រោយពីផឹកស៊ី រួច ហើយជនរងគ្រោះដែលគេមិនទាន់អត្ដសញ្ញាណ ផងដែរ<br />នោះ បានចេញមកមុន ក្នុងអាការៈ ស្រវឹងផងដែរ រួចក៏យកកូនសោម៉ូតូទៅចាក់ ចំម៉ូតូរបស់មន្ដ្រី<br />នគរបាលរូបនេះ ម៉ាកសេ ១១០ ពណ៌ខ្មៅ ពាក់ស្លាកលេខ នគរបាល ១-០០០៩ ដែលចតនៅមុខ<br />ហាងនិងចតនៅ ក្បែរម៉ូតូរបស់ជនរងគ្រោះ ។</p>
<p>នៅពេលដែល ជនរងគ្រោះយកសោទៅចាក់ច្រឡំ ភ្លាមៗ នោះមន្ដ្រីនគរបាលរូបនេះ បានខឹង<br />ច្រឡោត តោតតូង ហើយស្រែកថា ចោរប្លន់ ពេល នោះ បានរត់មក វាយជនរង គ្រោះមួយដៃ<br /> លើផ្ទៃមុខ បណ្ដាលឱ្យរងរបួស ។ មិនត្រឹម តែប៉ុណ្ណោះ មន្ដ្រីនគរបាលរូបនេះ បានយក កាំភ្លើង<br />ភ្ជង់ ហើយបានយកខ្នោះទៅវាយជន រងគ្រោះទៀតផង បង្កឱ្យមានការភ្ញាក់ផ្អើល ទើបកម្លាំង<br />អាវុធហត្ថខណ្ឌចំការមន និង កម្លាំងសមត្ថកិច្ចមូលដ្ឋាន បានចុះទៅអន្ដរាគមន៍ភ្លាមៗ ហើយនាំ<br />ពួកគេទាំងពីរនាក់ទៅ កាន់ប៉ុស្ដិ៍នគរបាលបឹងត្របែក ដើម្បីសួរនាំ បន្ដទៀត ។</p>
<p>បើយោងតាមជនរងគ្រោះដែលប្រាប់ អ្នកយកព័ត៌មានក្រោយកើតហេតុថា មន្ដ្រីនគរបាលរូបនេះ<br /> បានវាយរូបគេ រួចហើយ វាយខ្នោះ និងយកកាំភ្លើងភ្ជង់ទៀតផង ដោយចោទប្រកាន់ថា ជាចោរ<br />ប្លន់និងចោរលួចម៉ូតូ ប៉ុន្ដែធាតុពិត ព្រោះតែអាការៈស្រវឹង ពេលចេញពីផឹកស៊ី ធ្វើឱ្យរូបគេច្រឡំ<br />ម៉ូតូរបស់ខ្លួន ឯងដែលចតនៅខាងមុខហាង ទើបយកសោ ទៅចាក់ចំម៉ូតូមន្ដ្រីនគរបាលរូបនេះ<br />តែម្ដង ។</p>
<p>ជុំវិញ ករណីប្រើអំណាចជាមន្ដ្រីនគរបាល យកខ្នោះនិងកាំភ្លើងទៅភ្ជង់ប្រជាពលរដ្ឋ គ្រាន់តែចាក់<br />សោច្រឡំម៉ូតូខាងលើនេះ អធិការរងនគរបាលខណ្ឌចំការមន ទទួលផែនព្រហ្មទណ្ឌ លោកហៀង<br /> ថារ៉េត ដែលមិនសូវចង់ ឆ្លើយប្រាប់រឿងរ៉ាវដល់មជ្ឈមណ្ឌលព័ត៌មានដើមអម្ពិល បាននិយាយថា<br /> ពុំមានការភ្ជង់ កាំភ្លើងនិងវាយខ្នោះនោះឡើយ ពីព្រោះមេ ប៉ុស្ដិ៍បឹងត្របែក មិនបានរាយការណ៍<br />ជូន លោក។</p>
<p>នៅពេលសួរថា តើជននេះត្រូវបាន ដោះលែងហើយឬនៅ អធិការរងនគរបាល លោក ហៀង <br />ថារ៉េត បានឆ្លើយថា បើអត់ ខុសអីផង មានតែដោះលែង ប៉ុន្ដែលោកឱ្យ ទៅសួរនាយនគរបាល<br />ប៉ុស្ដិ៍បឹងត្របែក៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0542.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0543.jpg" alt="" width="500" /></p>
<p style="text-align: center;"><strong>បុរសរូបពាក់អាវស ជាមន្រ្តីនគរបាល អាងអំណាច វាយខ្នោះ និងយកកាំភ្លើងភ្ជង់គេ</strong></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0544.jpg" alt="" width="500" /></p>
<p style="text-align: center;"><strong>ជនរងគ្រោះត្រូវមន្រ្តីនគរបាល វាយខ្នោះ តែលោក ហៀង ថារ៉េត ថាអត់មានទៀត</strong></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0545.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0546.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0547.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0548.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0549.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>