<p><span style="color: #000000;"><strong>(ពោធិ៍សាត់)៖</strong> ករណីលង់ទឹក៣ករណីផ្សេងគ្នា នៅស្រុកក្រគរ និងក្រុងពោធិ៍សាត់ បានបណ្ដាលឲ្យមនុស្សចំនួន៣នាក់ ស្លាប់បាត់បង់ជីវិតយ៉ាងអាណោចអាធ័ម ហើយក្នុងចំណោមនោះ ក៏មានកុមារអាយុ២ឆ្នាំម្នាក់ផងដែរ។</span></p>
<p><span style="color: #000000;">សេចក្តីរាយការណ៍ពីភ្នាក់ងារ Fresh News បានឲ្យដឹងនៅថ្ងៃទី០២ ខែមីនា ឆ្នាំ២០១៧ នេះថា ករណីលង់ទឹកលើកទី១ បានកើតឡើងនៅវេលាម៉ោង ៤៖៣០នាទីល្ងាច ថ្ងៃទី២៧ ខែកុម្ភៈ ឆ្នាំ២០១៧ នៅភូមិព្រែកស្តី សង្កាត់លលក ក្រុងពោធិ៍សាត់ ជនរងគ្រោះឈ្មោះ សុខ ហេង អាយុ៣៩ឆ្នាំ មានប្តីឈ្មោះ ហ៊ន រុំ អាយុ៤៧ឆ្នាំ ដែលករណីនេះ បណ្តាលមកពីជនរងគ្រោះ មានជំងឺតេតតាណុស (ជំងឺស្កន់ជាន់ជាប្រចាំ) ពេលទៅងូតទឹកស្រះខាងក្រោយផ្ទះ ក៏ប្រកាច់លង់ស្លាប់តែម្ដង។</span></p>
<p><span style="color: #000000;">ករណីទី២ បានកើតឡើងនៅវេលាម៉ោង១ រំលងអាធ្រាត្រ ឈានចូលថ្ងៃទី២៨ ខែកុម្ភៈ ឆ្នាំ២០១៧ នៅភូមិត្រពាំងស្មាច់ ឃុំក្បាលត្រាច ស្រុកក្រគរ ខេត្តពោធិ៍សាត់ ជនរងគ្រោះមានឈ្មោះ ជា ប៊ុននាង អាយុ៣២ឆ្នាំ មានប្រពន្ធឈ្មោះ រិទ្ធ បុណ្យ អាយុ៣៣ឆ្នាំ មានកូនក្នុងបន្ទុក៣នាក់ ប្រុស២នាក់ និងស្រី១នាក់។ ករណីនេះបណ្តាលមកពីជនរងគ្រោះផឹកស្រាស្រវឹង ទៅនេសាទត្រីពេលយប់ ពេលកំពុងតែរាយមង ស្រាប់តែខ្យល់គ ហើយធ្លាក់ទឹកលង់ស្លាប់ និងបានអណ្តែតឡើងលើ នៅវេលាម៉ោង៥៖៣០នាទីល្ងាច។</span></p>
<p><span style="color: #000000;">ករណីទី៣ កើតឡើងនៅវេលាម៉ោង១២ថ្ងៃត្រង់ ក្នុងថ្ងៃទី២៨ ខែកុម្ភៈ ឆ្នាំ២០១៧ នៅចំណុចស្រះទឹកក្រោយផ្ទះជនរងគ្រោះឈ្មោះ អ៊ុន ផល្លី ភេទស្រី អាយុ២ឆ្នាំ មានឪពុកឈ្មោះ អ៊ុន ធា អាយុ៤៩ឆ្នាំ និងម្តាយឈ្មោះ សន សុក អាយុ៣៨ឆ្នាំ បច្ចុប្បន្នរស់នៅភូមិក្រាំងវែង ឃុំស្នាអន្សា ស្រុកក្រគរ ខេត្តពោធិ៍សាត់។ ករណីនេះបណ្តាលមកពីឪពុកដេកលក់ ទុកកូនឲ្យនៅលេងក្រោយផ្ទះ លុះងើបឡើងបាត់កូន នាំគ្នាផ្អើលឆោឡោរក ក៏ប្រទះឃើញកូនស្រីរបស់ខ្លួន លង់ទឹកស្រះខាងក្រោយផ្ទះស្លាប់បាត់ទៅហើយ។</span></p>
<p><span style="color: #000000;">បច្ចប្បន្នសាកសពជនរងគ្រោះទាំង៣នាក់ផ្សេងគ្នានោះ ត្រូវបានក្រុមគ្រួសារ ស្រង់មកធ្វើបុណ្យតាមប្រពៃណីតាមផ្ទះរៀងៗខ្លួន ហើយករណីលង់ទឹកនេះ មិនមែនជាករណីឃាតកម្មឡើយ៕</span></p>
<p><span style="color: #000000;"><img src="http://image.freshnewsasia.com//fn-2017-03-02-14-50-24-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com//fn-2017-03-02-14-50-24-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com//fn-2017-03-02-14-50-24-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com//fn-2017-03-02-14-50-24-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com//fn-2017-03-02-14-50-32-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com//fn-2017-03-02-14-50-32-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com//fn-2017-03-02-14-50-32-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com//fn-2017-03-02-14-50-33-3.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>