<p>បុរសចំណាស់ Walter Samaszko អាយុ ៦៩ ឆ្នាំបានស្លាប់ដោយសារជម្ងឺគាំងបេះដូងកាលពីខែ<br />មុនដោយបានបន្សល់ទុកប្រាក់ចំនួន ២០០ ដុល្លាអាមេរិក នៅក្នុងគណនីធនាគាររបស់គាត់។<br />បើតាមមើលទៅគាត់ម្នាក់នេះគឺជាមនុស្សក្រីក្រម្នាក់ ដែលរស់នៅតែឯងប៉ុន្តែអ្វីដែលគេបានរក<br />ឃើញនៅក្នុងផ្ទះរបស់គាត់នោះគឺមិនមែនដូចជាការគិតនោះទេ។<br /><a class="thickbox" title="" href="/FileManager/Commons/2012/9/19/orig-gold-reserves-1-522x293-19-09-2012--14-44-34.jpg"><img style="display: block; margin-left: auto; margin-right: auto;" src="/FileManager/Articles/mce/2012/9/19/orig-gold-reserves-1-522x293-19-09-2012--14-44-34.jpg" alt="" /></a><br />ព័ត៌មានមួយនេះត្រូវបានល្បីពេញសារព័ត៌មាន Los Angeles Times ដោយគេបានរកឃើញមាស<br />សុទ្ធទាំងដុំៗ នៅក្នុងផ្ទះរបស់បុរសចាស់ដែលបានស្លាប់នេះ ដែលមានតម្លៃសរុបជាង ៧ លាន<br />ដុល្លាអាមេរិក។ បុរសម្នាក់នេះគឺជាអ្នកជិតខាងរបស់គេគ្រប់គ្នាដែលគេដឹងថា គាត់បានរស់នៅក្នុង<br />ផ្ទះនេះមកតាំងពីឆ្នាំ ១៩៦០ មកម្លះដោយលោកបានរស់នៅជាមួយម្ដាយរបស់លោករហូតដល់<br />ម្ដាយលោកចែកឋានទៅនាឆ្នាំ ១៩៩២។<br /><a class="thickbox" title="" href="/FileManager/Commons/2012/9/19/goldcoinsnowritingcopy-19-09-2012--14-49-25.jpg"><img style="display: block; margin-left: auto; margin-right: auto;" src="/FileManager/Articles/mce/2012/9/19/goldcoinsnowritingcopy-19-09-2012--14-49-25.jpg" alt="" /></a><br />មាសទាំងអស់នេះត្រូវបានរកឃើញដោយកម្មករសម្អាតផ្ទះក្រោយពេលគាត់ស្លាប់បានមួយខែគឺ<br />នៅពេលដែលគេមកសម្អាតផ្ទះនេះទុកដាក់លក់ ហើយគេបានរកឃើញមាសដុំ និងកាក់មាសជា<br />ច្រើន មានទាំងកាក់មាសសល់ពីសម័យ ១៨០០ ជាងមកម្លះ សរុបទៅមានតម្លៃជា ៧ លានដុល្លា<br />មាសទាំងអស់នេះនឹងត្រូវបានប្រគល់អោយសាច់ញាតិជិតបំផុតរបស់ម្ចាស់ទ្រព្យតាមដែលរដ្ឋ<br />អាចរកបាន ហើយគេបានរកឃើញនារីម្នាក់ជាជីដូនមួយនឹង ម្ចាស់ទ្រព្យដែលសព្វថ្ងៃកំពុងរស់នៅ<br />San Rafael រដ្ឋ California ដែលប៉ូលីសបានរកឃើញតាមរយៈបញ្ជីឈ្មោះសាច់ញាតិដែលបាន<br />មកចូលរួមបុណ្យសព្វរបស់ម្ដាយរបស់ ម្ចាស់ទ្រព្យកាលពី ២០ ឆ្នាំមុន។<br /><br />នៅរស់អាចរកទ្រព្យមកបាន គឺដើម្បីចាយប៉ុន្តែស្លាប់ទៅហើយមិនអាចយកទ្រព្យទៅជាមួយ<br />បានឡើយ៕ </p>
<p style="text-align: right;">ដោយ៖ ម៉ូកា<br />ប្រភពពី៖ Skynew </p>