<p><strong>ភ្នំពេញ៖</strong> លោក ទី រ៉ាណូ ជាតារាសម្តែងប្រុសរាងខ្ពស់ស្រឡះ កំពុងលេចពន្លឺក្នុងវិស័យសិល្បៈ ខណៈកេរ្តិ៍ឈ្មោះ និង ប្រជាប្រិយភាព កំពុងតែមានការលេចធ្លោសន្សឹមៗ តាមរយៈការសម្តែង កាយវិកាខារ៉ាអូខេ និង ថតស្បតពាណិជ្ជកម្ម។ តារាសម្តែងប្រុស កំពុងតែរះពន្លឺនៅលើវិថីសិល្បៈ លោក ទី រ៉ាណូ បន្ទាប់ពីឈានជើងចូលក្រឡូកនៅក្នុងសិល្បៈ អស់រយៈពេលជាង ១ ឆ្នាំកន្លងមកនេះ នឹងវិវឌ្ឍខ្លួនឲ្យ ក្លាយទៅជាតាសម្តែង មានឈ្មោះល្បីបោះសំឡេង ដូចតារាប្រុស- ស្រីផ្សេងទៀត។</p>
<p>ជួបសំណេះសំណាល ជាមួយភ្នាក់ងារ គេហទំព័រ LookingTODAY ដោយផ្ទាល់កាលពីពេលថ្មីៗ នេះ តារាសម្តែ ងប្រុសវ័យ២៤ ឆ្នាំ លោក ទី រ៉ាណូ បាននិយាយលាតត្រដាង អំពីខ្សែជីវិតក្នុងការងារសិល្បៈ របស់ខ្លួន ប្រាប់ឲ្យដឹងថា លោកបានចូលប្រឡូក ក្នុងវិថីសិល្បៈ កាលពីអំឡុង ចុងឆ្នាំ២០១២ តាមរយៈ ការសម្តែង កាយវិកាខារ៉ាអូខេ និង ថតម៉ូដសម្លៀកបំពាក់ ដាក់គម្របទស្សនាវដ្ដីក្នុងស្រុក និងបរទេស។</p>
<p>លោក ទី រ៉ាណូ បាននិយាយបន្តថា បន្ទាប់ពីថតឲ្យទស្សនាវដ្ដីក្នុងស្រុក (ថតម៉ូដសម្លៀកបំពាក់) លោក មានឱកាសចេញទៅថតឲ្យទស្សនាវដ្ដី នៅសាំងហ្គាពួរ ។ ក្រោយមកទៀត ក៏បានចូលខ្លួនសម្តែង កាយវិកាខារ៉ាអូខេ នៅផលិតកម្មធំៗក្នុងស្រុក មានដូចជា ផលិតកម្មសាន់ដេ និង ផលិតកម្មភ្លេងរីខត ជាមែកធាង របស់ផលិតកម្ម ហង្សមាស។</p>
<p>តារាសម្តែង លោក ទី រ៉ាណូ បានឲ្យដឹងទៀតថា បច្ចុប្បន្ននេះ គឺលោកមានឱកាសចេញមុខច្រើន ក្នុងការសម្តែង ឈុតកាយវិកាខារ៉ាអូខេ និង ថតស្ប៉តពាណិជ្ជកម្មជាដើម ។ ទន្ទឹមជាមួយគ្នានេះ សព្វថ្ងៃ រ៉ាណូ កំពុងមានផលិតកម្ម និង ក្រុមហ៊ុនក្នុងស្រុក មួយចំនួន ទាក់ទងហៅថត ខ្សែភាពយន្តជាបន្តបន្ទាប់៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-098/S_0212.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-098/S_0213.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-098/S_0214.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-098/S_0215.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-098/S_0216.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-098/S_0217.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-098/S_0218.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-098/S_0219.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/30434-2014-05-16-10-30-44.html" target="_blank">ផ្តល់សិទ្ធដោយ ៖ ដើមអម្ពិល</a></p>