<p><span style="color: #000000;"><strong>ភ្នំពេញ៖</strong> ក្រសួងការងារ នឹង សហការជាមួយក្រុមហ៊ុន ឯកជន ដើម្បីបង្កើតគេហទំព័រមួយ សម្រាប់ផ្តល់ព័ត៌មាន នានា ជូនដល់ពលករនិងកម្មករខ្មែរ ទាំងក្នុងនិងក្រៅប្រទេស , នេះបើតាមការលើកឡើង របស់លោក អ៉ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ អំឡុងទស្សនកិច្ច នៅក្រុមហ៊ុន ខេមបូឌាន ស៊ូព្រីម ធេឡេខមម្ញូនីខេសិនមេឌា គ្រុបខូអូធីឌី (CTMG) នៅព្រឹកថ្ងៃទី២១ ខែមករា ឆ្នាំ២០១៥នេះ ។</span></p>
<p><span style="color: #000000;">លោករដ្ឋមន្ត្រីឲ្យដឹងថា កន្លងមកក្រសួងបានធ្វើការផ្សព្វផ្សាយ ស្តីពីព័ត៌មានទាក់ទិននឹងការងារ និងសេវាផ្សេងៗ នៅតាមបណ្តាស្ថានីយ៍ទូរទស្សន៍នានា ប៉ុន្តែការផ្សព្វផ្សាយនេះ នៅមិនទាន់គ្រប់គ្រាន់នៅឡើយទេ បើដាក់ នៅ តាមអនឡាញពលករនិងកម្មករ អាចមើលបានគ្រប់ពេល។ លោករដ្ឋមន្ត្រីបន្តទៀតថា «ជួនកាលពេល ដែល កម្មករនិងពលករ ជាប់រវល់ការងារមិនបានមើលទូរទស្សន៍ ពួកគេអាចមើល តាមអនឡាញ នៅពេលទំនេរ»។</span></p>
<p><span style="color: #000000;">លោករដ្ឋមន្ត្រីបានបន្ថែមថា ការដាក់បញ្ចូលវេបសាយក្រសួង ទៅក្នុងអនឡាញ របស់ក្រុមហ៊ុននេះ ពិតជា មានសារៈសំខាន់ណាស់ ក្នុងការបញ្ជួនព័ត៌មាន ដែលក្រសួង មាននិងសេវាផ្សេងៗ និងអត្ថប្រយោជន៍នានា ដែលបងប្អូនពលករ និងកម្មករទទួលបានទៅដល់ពួកគាត់ ទាំងក្នុង និងក្រៅប្រទេស។</span></p>
<p><span style="color: #000000;">ក្រសួងការងារ និងក្រុមហ៊ុន CTMG ក៏មានគំរោង ធ្វើការបណ្តុះបណ្តាលវិជ្ជាជីវៈ តាមអនឡាញ ដែលមាន ប្រទេសមួយចំនួន នៅលើពិភពលោកបានអនុវត្តរួចមកហើយៗ គំរោងនេះ ក្រុមហ៊ុន ក៏មានកិច្ចសហប្រតិបត្តិការ ចិន-អាស៊ានផងដែរ។</span></p>
<p><span style="color: #000000;">លោករដ្ឋមន្ត្រីបានបញ្ជាក់ថា តាមគំរោងក្រុមហ៊ុននឹងបង្កើតការសិក្សា តាមអនឡាញក្នុងក្រមខណ្ឌតំបន់អាស៊ាន តែម្តង ហើញនៅពេលដែលរៀនចំបណ្តានិស្សិត រៀននៅតាមប្រទេសអាស៊ាន អាចមកប្រលង នៅកម្ពុជា បាន ព្រោះថាក្រុមហ៊ុនមានគំរោងបង្កើត ជាមជ្ឈមណ្ឌលអនឡាញមួយនៅកម្ពុជា សម្រាប់ តំបន់អាស៊ានតែម្តង៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/22/1-22-2015-11-32-10-am-22-01-2015--11-35-52.png"><img src="/FileManager/Articles/mce/2015/1/22/1-22-2015-11-32-10-am-22-01-2015--11-35-52.png" alt="" /></a></span></p>
<p><a class="thickbox" title="" href="/FileManager/Commons/2015/1/22/1-22-2015-11-31-53-am-22-01-2015--11-36-09.png"><img src="/FileManager/Articles/mce/2015/1/22/1-22-2015-11-31-53-am-22-01-2015--11-36-09.png" alt="" /></a></p>
<p><a class="thickbox" title="" href="/FileManager/Commons/2015/1/22/1-22-2015-11-32-24-am-22-01-2015--11-36-21.png"><img src="/FileManager/Articles/mce/2015/1/22/1-22-2015-11-32-24-am-22-01-2015--11-36-21.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>