<div class="article-content">
<p><strong>ខេត្តបន្ទាយមានជ័យ ៖ </strong>អតីតនគរបាលស្រុកអូរជ្រៅ ខេត្តបន្ទាយមានជ័យ ទើបប្តូរទៅនៅខេត្ត<br /> កំពង់ឆ្នាំងម្នាក់ បានលង់ទឹកស្លាប់ ពេលឃើញគេលង់ទឹក លោតទៅជួយ ទីបំផុតគេរួចខ្លួន លង់<br /> ស្លាប់ខ្លួនឯងទៅ វិញ កាលពីវេលាម៉ោង១ និង៣០នាទី ថ្ងៃទី២៧ ខែសីហា ឆ្នាំ២០១៣ នៅចំណុច<br /> ប្រឡាយទឹក ស្ពានក្រឡ ភូមិបន្ទាយនាង ឃុំបន្ទាយនាង ស្រុកមង្គលបុរី។</p>
<p>ជនរងគ្រោះ ត្រូវបានគេស្គាល់ថា ឈ្មោះ ជន ហុងដា ភេទប្រុស អាយុ ៣៣ឆ្នាំ រស់នៅ ក្រុងប៉ោយ<br /> ប៉ែត ជានគរបាលពាក់ស័ក្កិ៣ នៅខេត្តកំពង់ឆ្នាំង ផ្នែកសណ្តាប់ធ្នាប់ និងជាកូនប្រសា លោក ឡុង<br /> សំណាង មេបញ្ជាការវរនគរបាល ការពារព្រំដែនគោកលេខ៨៩១។</p>
<p>ប្រភពពីប្រជាពលរដ្ឋ ឃើញហេតុការណ៍ បានឲ្យដឹងថា មុនកើតហេតុ ជនរងគ្រោះ និង ឈ្មោះ ប៊ី<br /> បាននាំគ្នា ទៅស្ទូចត្រីលេង និងលេងទឹកជំនន់ នៅប្រឡាយខាងលើ ភ្លាមនោះសន្ទូច របស់ឈ្មោះ<br /> ប៊ី បានជាប់នឹងសំរាស់ គេក៏បានចុះទៅដោះ ក៏បានលង់ ជនរងគ្រោះជានគរបាល ឃើញដូច្នោះ <br />បាន លោតទៅជួយ ក៏ត្រូវទឹកគួចបាត់ខ្លួនមួយសន្ទុះធំ ទើបអណ្តែត ពេលរកឃើញ ជនរងគ្រោះ<br />បានដាច់ ខ្យល់ស្លាប់បាត់ទៅហើយ។</p>
<p>គួរបញ្ជាក់ថា ទឹកជំនន់លិចខេត្តបន្ទាយមានជ័យ គិតចាប់ពីថ្ងៃទី២៨ ខែកក្កដា ដល់ថ្ងៃទី២៧ ខែ <br />សីហា ឆ្នាំ២០១៣ នេះមានមនុស្សស្លាប់ ដោយសារទឹកជំនន់ រហូតដល់ ១៣នាក់ហើយ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-014/that-0418.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>