<p><span style="color: #000000;"><strong>(ប៉ារីស)៖</strong> ក្រុមបាល់ទាត់មាន់គកបារាំង រំពឹងស្តារមុខមាត់ឡើងវិញ ក្នុងការទទួលបាន៣ពិន្ទុ ពេលជួបក្រុមភ្ញៀវបុលហ្គារី ក្នុងវគ្គជម្រុះ World Cup 2018 រាត្រីនេះ បន្ទាប់ពីលេងបានស្មើលទ្ធផល ០-០ ក្នុងទឹកដីរបស់បែលឡារុសក្នុង១ប្រកួត បើកឆាកពូល A ប្រចាំទ្វីបអឺរ៉ុប។</span></p>
<p><span style="color: #000000;">២ប្រកួតផ្លូវការរបស់ក្រុមម្ចាស់ជើងឯកពិភពលោក ឆ្នាំ១៩៩៨ ក្នុងទឹកដីរបស់ខ្លួនមួយនេះ ពុំទាន់ទទួលបានជ័យជំនះ ក្រៅពីប្រកួតបានស្មើ ០-០ ទល់នឹងក្រុមភ្ញៀវព័រទុយហ្គាល់ ក្នុងវគ្គផ្តាច់ព្រ័ត្រពានប្រចាំទ្វីបអឺរ៉ុប UEFA Euro 2016 ដែលជាការអាម៉ាស់បំផុត មុនមកលេងវគ្គជម្រុះស្មើ ០-០ ជាមួយនឹងម្ចាស់ផ្ទះបែលឡារុសថែមទៀតនោះ។</span></p>
<p><span style="color: #000000;">បារាំង ជាក្រុមមួយដែលសំបូរទៅដោយកីឡាករក្មេងៗលេងល្អជាច្រើន ជាមួយនឹងតម្លៃខ្លួនថ្លៃផងដែរដែលកំពុងប្រកប អាជីពនៅក្នុងក្លឹបល្បីក្នុងតំបន់អឺរ៉ុបបច្ចុប្បន្នមានដូចជា Bacary Sagna លេងឲ្យ Man City, Giroud លេងឲ្យ Arsenal, Antoine Griezmann លេងឲ្យ At.Madrid, Rafael Varane លេងឲ្យ Real Madrid និង Paul Pogba លេងឲ្យ Manchester United ជាដើម។</span></p>
<p><span style="color: #000000;">បច្ចុប្បន្នបារាំង ជាក្រុមស្ថិតនៅក្នុងលេខរៀងទី៨ ក្នុង FIFA Ranking របស់ពិភពលោក ដែលត្រូវប្រជែងទល់នឹងក្រុម ឈរនៅចំណាត់ថ្នាក់លេខ៧៤ បុលហ្គារី នាម៉ោង ១៖៤៥នាទីរំលងអាធ្រាត្រនេះ (ម៉ោងនៅកម្ពុជា) ក្នុងចំណោម ៨ប្រកួតផ្សេងដែលសុទ្ធសឹងតែចាប់ផ្តើមនាម៉ោងខាងលើដូចគ្នា៕</span></p>
<p><span style="color: #000000;"><img src="http://img.20mn.fr/FKGrClRXQ8G0A_dJL45Vug/2048x1536-fit_matchs-equipe-france-lors-euro-2016-retransmis-zenith-strasbourg-partir-8es-finale.jpg" alt="" width="730" /></span></p>
<p><span style="color: #000000;">ក្រុមជម្រើសជាតិបារាំង</span></p>
<p><span style="color: #000000;"><img src="http://i.dailymail.co.uk/i/pix/2014/11/20/2339622C00000578-0-image-1_1416500444577.jpg" alt="" width="730" /></span></p>
<p><span style="color: #000000;">ក្រុមជម្រើសជាតិបុលហ្គារី</span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xfp1/v/t1.0-9/14484666_1786548638251320_1761598658572048960_n.png?oh=bc2fb1818a8bb64f5462b86b21f0ceae&oe=58A7B114&__gda__=1487422276_d981783d8b3892ef2ea5c17305151a70" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>