<p><span style="color: #000000;"><strong>(ភ្នំពេញ)៖</strong> កម្លាំងនគរបាលខណ្ឌសែនសុខ បានឃាត់ខ្លូនជនសង្ស័យ៣នាក់ ដោយដកហូតបានកាំបិត១ ពាក់ព័ន្ធក្នុងករណីចាក់ស្រ្តីម្នាក់ បណ្ដាលឲ្យដាច់ខ្យល់ស្លាប់ គួរឲ្យអាណោចអាធ័ម គ្រាន់តែមានជម្លោះជាមួយគ្នាបន្តិចបន្តួចប៉ុណ្ណោះដោយសាររឿងចាក់ទឹក។ អំពើឃាតកម្មនេះ បានកើតឡើងនៅព្រឹកថ្ងៃទី៧ ខែកក្កដា ឆ្នាំ២០១៦នេះ ស្ថិតនៅចំណុចភូមិស្លែងរលើង សង្កាត់ទឹកថ្លា ខណ្ឌសែនសុខ។</span></p>
<p><span style="color: #000000;">អធិការនគរបាល ខណ្ឌសែនសុខ លោក ម៉ក់ ហុង ដែលបានបញ្ជាឲ្យកម្លាំងនគរបាលចុះទៅចាប់ជនដៃដល់ភ្លាមៗក្រោយកើតហេតុ បានប្រាប់អង្គភាព Fresh News ថា រឿងឃាតកម្មនេះ បានកើតឡើងដោយមុនពេលកើតហេតុ ស្រ្តីម្នាក់ឈ្មោះឆោម នឿន ត្រូវជាប្អូនស្រីរបស់ជនបង្កបានជះទឹក នៅក្បែរកន្លែងរកស៊ីរបស់ស្រ្តីរងគ្រោះ ពេលនោះនាំឲ្យ ជេរទៅវិញទៅមក។</span></p>
<p><span style="color: #000000;">ដោយសារតែឃើញប្អូនស្រីរបស់ខ្លួន កំពុងឈ្លោះជាមួយស្រ្តីរងគ្រោះនោះ ស្រាប់តែជនបង្កជាប្រពន្ធ បានរត់ទៅចាក់ស្រ្តីរងគ្រោះចំបំពង់ក ស្រាប់តែពេលនោះ បុរសជាប្តី មិនព្រមជួយឃាត់ ក៏រត់ទៅកាន់ដងកាំបិតចាក់រុកចូលកាន់តែជ្រៅ ថែមទៀត បណ្តាលឲ្យជនរងគ្រោះដាច់ខ្យល់ស្លាប់ភ្លាមៗ គួរឲ្យអាសូរយ៉ាងពន់ពេក។</span></p>
<p><span style="color: #000000;">លោក ម៉ក់ ហុង បានបញ្ជាក់ថា ជនសង្ស័យជាប្តីឈ្មោះ ឡឹង សុរ៉ា អាយុ៣៧ឆ្នាំ និងប្រពន្ធឈ្មោះ ឆោម ណៃ អាយុ៣៥ឆ្នាំ។ បន្ទាប់ពីធ្វើការឃាត់ខ្លួន ជនសង្ស័យទាំង៣នាក់ ត្រូវបានបញ្ជូនខ្លូនទៅកាន់ អធិការដ្ឋាននគរបាលខណ្ឌ ដើម្បីធ្វើការសួរនាំ។</span></p>
<p><span style="color: #000000;">ក្រោយសួរនាំរួច និងមានការឆ្លងយោបល់ពីព្រះរាជអាជ្ញារង ងិន ពេជ ទើបសមត្ថកិច្ចបានដោះលែងឈ្មោះ ឆោម នឿន ឲ្យប្រឡប់ទៅផ្ទះវិញ ព្រោះមិនជាប់ពាក់ព័ន្ ធក្នុងករណីនេះទេ។ បច្ចប្បន្នជនសង្ស័យទាំង២នាក់ជាប្តី-ប្រពន្ធ ត្រូវបានសមត្ថកិច្ចកសាងសំណុំរឿង ដើម្បីចាត់ការបន្ដតាមនីតិវិធី៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/7/7/1-07-07-2016--14-46-38.png"><img src="/FileManager/Articles/mce/2016/7/7/1-07-07-2016--14-46-38.png" alt="" /></a><br /></span></p>
<p><span style="color: #000000;"><img src="http://image.freshnewsasia.com//fn-2016-07-07-14-16-08-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com//fn-2016-07-07-14-16-08-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com//fn-2016-07-07-14-16-08-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>