<p><span style="color: #000000;"><strong>(ភ្នំពេញ)៖</strong> រហូតមកដល់ថ្ងៃនេះ បន្ទាប់ពីរូបភាពអាក្រាតកាយ របស់តារាចម្រៀង ប្រចាំក្នុងផលិតកម្ម ភ្លេងរីខដ កញ្ញា វ៉ាន់ នីឡា នៅតែបន្តបែកធ្លាយ និងចែកចាយបន្តឥតឈប់ឈរ ពីសំណាក់ជនអនាមិកនោះ អ្នកសិល្បៈល្បីៗជាច្រើនដួង ទាំងស្រីទាំងប្រុស បានធ្វើការស្នើសុំ និងទទូចដល់មហាជន ក៏ដូចជាអ្នកលេងបណ្ដាញសង្គម Facebook ទាំងអស់មេត្តាបញ្ឈប់នូវការចែកចាយរូបស្រាតរបស់ វ៉ាន់ នីឡា បន្តទៀត ព្រោះជាទង្វើមួយមិនសមរម្យឡើង សម្រាប់យើងជាខ្មែរដូចគ្នា។</span></p>
<p><span style="color: #000000;">ក្នុងបណ្ដាញ Facebook របស់តារាល្បី ដូចជា តារាចម្រៀង ពេជ្រ សោភា, លោក ទិត្យ វិច្ឆិកា, លោក សន វិជ្ជបុត្រ, Dj ADDA, លោក សុះ ម៉ាច, បងប្រុសបង្កើតរបស់នាង គឺលោក សុខ ជំនោរ ព្រមទាំងតារាល្បីៗជាច្រើនដួងទៀត ក៏បានស្នើសុំឲ្យបញ្ឈប់នូវទង្វើចែកចាយរូបភាពនេះ ជាបន្ទាន់ផងដែរ។ </span></p>
<p><span style="color: #000000;">ជាមួយគ្នានេះ អ្នកសិល្បៈទាំងនោះ ក៏បានទទូចដល់ក្រសួងពាក់ព័ន្ធ មេត្តាចាត់វិធានការណ៍ ដល់អនាមិក ដែលបានទម្លាយរូបស្រាតរបស់កញ្ញា វ៉ាន់ នីឡា ដើម្បីឲ្យនាងទទួលបានយុត្តិធម៌ និងលុបលាងកេរ្តិ៍កិត្តិយសឡើងវិញ ក្នុងនាមជាស្រ្តីខ្មែរមួយរូប។</span></p>
<p><span style="color: #000000;">ក្នុង Facebook របស់តារាចម្រៀង ពេជ្រ សោភា ក៏នាងបានសរសេរថា <strong>«បងអាណិតប្អូនស្រីណាស់ ប្អូនជាមនុស្សល្អសង្ឃឹមថា បងប្អូនអ្នកដែលFB ឈប់យករូបនាងផុសទៀតទៅ នាងជាមនុស្សស្រី ហើយយើងក៏មានម្តាយ ជាមនុស្សស្រី ត្រូវអាណិត មនុស្សស្រីផង ពីរនាងខ្ញុំ ពេជ្រ សោភា..!»</strong>។</span></p>
<p><span style="color: #000000;">ដោយឡែកក្នុង Facebook របស់តារាចម្រៀង សន វិជ្ជបុត្រ បានសរសេរថា <strong>«ក្នុងនាមខ្ញុំបាទជាមិត្តសិល្បៈមួយរូប នៅពេលបានឃើញរូបអាក្រាតកាយ របស់តារាចម្រៀងវ័យក្មេង កញ្ញា វ៉ាន់ នីឡា ត្រូវគេបញ្ចេញ នៅលើប្រព័ន្ធសង្គមហ្វេសប៊ុក ជាបន្តបន្ទាប់ពិតជាអាណិតកញ្ញា ខ្លាំងណាស់ ដោយហេតុថា រឿងនេះនាង បានដាក់ពាក្យប្តឹងទៅហើយ តែអ្នកបញ្ចេញរូបនេះ ហាក់មិនញញើតនឹងច្បាប់ឡើយ គឺគេនៅតែបន្តបង្ហាញរូបអាក្រាត របស់នាងថ្មីៗបន្តទៀត»</strong>។</span></p>
<p><span style="color: #000000;">លោកសរសេរបន្តថា <strong>«ដោយសារតែរូបនាង នៅក្មេងទើបមានការថ្លោះធ្លោយ ធ្វើខុសឆ្គងនឹងរឿងស្នេហា រហូតធ្វើឱ្យមានរូបភាពអាក្រាតកាយ ដែលគេសង្ស័យ ចេញពីអតីតសង្សាររបស់នាង។ បញ្ហានេះធ្វើឲ្យខូចកេរ្តិ៍ឈ្មោះ កញ្ញាជាខ្លាំង។ មិនតែប៉ុណ្ណោះក៏ប៉ះពាល់ដល់វប្បធម៌ ប្រណៃជាតិជានារីខ្មែរ ព្រោះរឿងនេះមានព័ត៌មានថា ពាក់ព័ន្ធជាមួយកូនមន្រ្តីធំ មានទាំងអំណាច នឹងទឹកប្រាក់ម្នាក់.!»</strong>។</span></p>
<p><span style="color: #000000;">ចំណែកឯលោក ទិត្យ វិច្ឆិកា វិញ ក៏លោកបានសរសេរថា <strong>«ខ្ញុំតែងតែនិយាយថា អោយតែអ្នកសិល្ប: គឺជាបងប្អូនរបស់ខ្ញុំ ពេលនេះខ្ញុំ មានមតិបន្តិចទៅដល់បុគ្គលម្នាក់ ដែលជាបុរសជាអតីតគូស្នេហ៍របស់ កញ្ញា វាន់ នីឡា សូមគិតឡើងវិញ ព្រោះទង្វើដែលអ្នកកំពុងតែធ្វើនេះ កំពុងតែបំផ្លាញកិត្តិយសនារីខ្មែរ និងកំពុងតែជាន់ឈ្លី ប្រពៃណីនឹងវប្បធម៌របស់ជាតិខ្មែរ យ៉ាងធ្ងន់ធ្ងរហើយ ។ ក្នុងខណៈពេល នេះដែរ ខ្ញុំបាទសុំសំណូមពរដល់ក្រសួងវប្បធម៌ និងតុលាការក្រុងភ្នំពេញ ជួយចាត់វិធានការទៅលើបុគ្គលម្នាក់នោះ ដើម្បីផ្ដល់យុត្តិធម៌ ដល់នារីខ្មែរ និងសិល្បការីនីម្នាក់នេះផង ចូរកុំបណ្ដោយ ឲ្យពពួកមនុស្សអាក្រក់ មកធ្វើបាបពួកគាត់តាមរបៀប មិនថ្លៃថ្នូរបែបនេះទៀត</strong>» ។ លោកបន្តថា <strong>«សូមអ្នកចងចាំថា អ្នកដែលមានប្រាក់ មិនប្រាកដថាអ្នកអាចធ្វើបាបមនុស្សបាន តាមចិត្តនោះទេខ្ញុំបាទ ទិត្យ វិច្ឆិកា សុំសំណូមពរបងប្អូនខ្មែរ គ្រប់មជ្ឈដ្ឋានមេត្តាឈប់ស៊ែរ រូបរបស់ប្អូនស្រី វាន់ នីឡា ទៀតទៅ សូមអាសូរដល់រូបនាង ដែលជានារីទន់ខ្សោយ ហើយនាងក៏ជាជនជាតិខ្មែរយើងដូចគ្នា សូមមេត្តាដោយអនុគ្រោះពីខ្ញុំបាទផងចុះ.!»</strong>៕</span></p>
<p><span style="color: #000000;"><iframe src="https://www.youtube.com/embed/U3pvgmAW6U4" frameborder="0" width="500" height="410"></iframe></span></p>
<p><span style="color: #000000;"><img src="http://image.freshnewsasia.com/2016/ID-020/fn-2016-06-11-11-13-45-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/fn-2016-06-11-11-13-45-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/fn-2016-06-11-11-13-46-2.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>