<p><span style="color: #000000;"><strong>(ភ្នំពេញ)៖</strong> លោក ប៉ា សុជាតិវង្ស អភិបាលរាជធានីភ្នំពេញ បានថ្លែងថា យ៉ាងយូរ៦ខែទៀតប៉ុណ្ណោះ បញ្ហាសំរាមក្នុងរាជធានីភ្នំពេញ នឹងត្រូវបានកាត់បន្ថយ ជាបន្តបន្ទាប់ រាជធានីភ្នំពេញ ក៏កាន់តែ មានសោភ័ណភាពល្អឡើង។</span></p>
<p><span style="color: #000000;">ការលើកឡើងរបស់ អភិបាលរាជធានីភ្នំពេញ បានធ្វើឡើងក្នុង កិច្ចប្រជុំពិភាក្សា ស្ដីពីការវិនិយោគរោងចក្រកែច្នៃសំរាម ទៅជាថាមពលអគ្គីសនី នៅក្នុងរាជធានីភ្នំពេញ ជាមួយក្រុមហ៊ុនCNEPG របស់ចិន ជំនាញខាងកែច្នៃសំរាមទៅជាថាមពលអគ្គីសនី នៅព្រឹកថ្ងៃទី១៩ ខែឧសភា ឆ្នាំ២០១៦នេះ។</span></p>
<p><span style="color: #000000;">ក្នុងកិច្ចប្រជុំនេះដែល សាលារាជធានីភ្នំពេញ បានសម្រេចជា ២ជំហាន ដែលត្រូវធ្វើជាបន្ដទៀតគឺ ជំហានទី១ រដ្ឋបាលរាជធានីភ្នំពេញ នឹងសហការជាមួយក្រុមហ៊ុន CNEPG ដើម្បីបង្កលក្ខណៈងាយស្រួលជាមួយស្ថាប័នផ្សេងៗ សម្រាប់ការចាប់ផ្តើមមួយដ៏ប្រសើរ និងជំហានទី២ រដ្ឋបាលរាជធានីភ្នំពេញ និងតំណាងក្រសួង-ស្ថាប័នពាក់ព័ន្ធនានា ត្រូវទៅសិក្សាដោយផ្ទាល់នៅរោងចក្រក្រុមហ៊ុនCNEPG ប្រទេសចិន ដើម្បីមានមូលដ្ឋានក្នុងសម្រេចចិត្ត និងស្នើសុំគោលការណ៍ពីរាជរដ្ឋាភិបាល។</span></p>
<p><span style="color: #000000;">លោក ប៉ា សុជាតិវង្ស បានបន្ថែមថា <strong>«សាលារាជធានីភ្នំពេញ ប្តេជ្ញារៀបចំគ្រប់គ្រងបញ្ហាសំរាមនេះ ឲ្យបានល្អប្រសើរ ស្របតាមគោលការណ៍ ៣-២-១ របស់រដ្ឋបាលរាជធានីភ្នំពេញយើង»</strong>៕</span></p>
<p><span style="color: #000000;"><img src="http://image.freshnewsasia.com/2016/ID-020/L/fn-2016-05-19-18-11-40-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/L/fn-2016-05-19-18-11-40-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/L/fn-2016-05-19-18-11-40-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/L/fn-2016-05-19-18-11-40-3.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>