<p><span style="color: #000000;"><strong>(ភ្នំពេញ)៖</strong> តំណាងអយ្យការអមសាលាដំបូងរាជធានីភ្នំពេញ នៅថ្ងៃទី២ ខែឧសភា ឆ្នាំ២០១៦នេះ បានចេញសេចក្តីថ្លែងការណ៍បំភ្លឺ បន្ទាប់ពីមានការរិះគន់ រឿងដោះលែងទណ្ឌិតគ្រឿងញៀន ដែលក្រោយមកអតីតទណ្ឌិតនេះ បានក្លាយជាមេខ្លោងគ្រឿងញៀន ត្រូវបានសមត្ថកិច្ចបាញ់ស្លាប់ ក្នុងប្រតិបត្តិការបង្រ្កាបនៅទួលគោកកាលពីសប្តាហ៍មុន។</span></p>
<p><span style="color: #000000;">អតីតទណ្ឌិត លឹម គឹមតេង ដែលធ្លាប់ត្រូវបានតុលាការសម្រេចឱ្យជាប់ពន្ធនាគាររយៈពេល២ឆ្នាំ កាលពីឆ្នាំ២០១៣ តែទោសនេះ អនុវត្តក្នុងពន្ធនាគាររយៈពេល១ឆ្នាំ ទោសនៅសល់ត្រូវព្យូរធម្មតា ជាមួយនឹងការពិន័យជាប្រាក់ចំនួន៤លានរៀល ពីបទរក្សាទុកដោយខុសច្បាប់ នូវសារធាតុញៀន និងប្រើប្រាស់ដោយខុសច្បាប់នូវសារធាតុញៀន។</span></p>
<p><span style="color: #000000;">អតីតទណ្ឌិតនេះត្រូវបានដោះលែងទៅវិញ បន្ទាប់ពីជាប់គុកបានមួយឆ្នាំ ហើយក្រោយមកបានសមត្ថកិច្ចស៊ើបដឹងថា រូបគេបានក្លាយជាមេខ្លោង គ្រឿងញៀន នៅខណ្ឌទួលគោក រាជធានីភ្នំពេញ ដែលត្រូវបានបង្រ្កាបកាលពីថ្ងៃទី២៧ ខែមេសា ឆ្នាំ២០១៦។ បន្ទាប់ពីមានប្រតិបត្តិការបង្រ្កាបនេះ មជ្ឈដ្ឋានមួយចំនួនបានរិះគន់ចំ ពោះការដោះលែងជនគ្រឿងញៀននេះ ទើបបណ្តាលឱ្យរូបគេមិនរាងចាលហើយ ឈានដល់ការប្រព្រឹត្តល្មើសម្តងទៀត៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/2/zsfdsfdsgdf-02-05-2016--16-03-57.png"><img src="/FileManager/Articles/mce/2016/5/2/zsfdsfdsgdf-02-05-2016--16-03-57.png" alt="" /></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>