<p>ព័ត៌មានអន្តរជាតិ ៖ សារព័ត៌មានអាម៉េរិក បានចេញផ្សាយនៅថ្ងៃពុធ ទី០៩ ខែកក្កដា ឆ្នាំ ២០១៤ នេះ ថា ប្រទេសអ៊ីរ៉ង់ បានឈានជើង ចូលកាន់តែជ្រៅថែមទៀត ក្នុងសង្គ្រាមនៅប្រទេស អ៊ីរ៉ាក់ ដោយខ្លួន បាន បញ្ជូនយន្តហោះចម្បាំង ផលិតនៅប្រទេសរុស្ស៊ីចំនួន៣គ្រឿង ប្រគល់ដល់រដ្ឋាភិបាលលោក ម៉ា លីគី ។</p>
<p>ចំពោះយន្តហោះទាំង ៣ គ្រឿងនេះ ត្រូវបានគេអះអាងថា ជាជំនួយដល់ការប្រយុទ្ធប្រឆាំង នឹងក្រុម សកម្មប្រយុទ្ធនិកាសសាន់នី ដែលកំពុងអុកឡុកប្រទេស អតីតស្ថិតក្រោមការត្រួតត្រា របស់អាម៉េរិក មួយនេះ។</p>
<p><a class="thickbox" title="" href="/FileManager/Commons/2014/7/10/03-10-07-2014--09-25-12.jpg"><img src="/FileManager/Articles/mce/2014/7/10/03-10-07-2014--09-25-12.jpg" alt="" /></a></p>
<p>ប្រភពមន្ត្រីរដ្ឋាភិបាលអាម៉េរិក និង អ៊ីរ៉ាក់ បានបញ្ជាក់ថា យន្តហោះចម្បាំងខាងលើនេះ មាន ឈ្មោះ Su-25 បានចាប់ផ្តើម យុទ្ធនាការរបស់ខ្លួន នៅភាគខាងត្បូងប្រទេសអ៊ីរ៉ាក់ រួចមកហើយ បន្ទាប់ពីអ៊ីរ៉ង់ បានសម្រេចផ្តល់វាមកវិញ ដើម្បីជួយដល់រដ្ឋាភិបាល លោកនាយករដ្ឋមន្ត្រី នួរី ខាម៉ាល អាល់ ម៉ាលីគី ប្រយុទ្ធប្រឆាំងជាមួយកងកម្លាំង នៃរដ្ឋឥស្លាមក្នុងប្រទេសអ៊ីរ៉ាក់ និង ស៊ីរី ( ISIS ) ជាពិសេសវា ក៏នឹង អាចជួយឲ្យដំណើរការ បង្កើតរដ្ឋាភិបាលថ្មីរបស់អ៊ីរ៉ាក់ កាន់តែប្រព្រឹត្តទៅដោយរលូនផងដែរ ។</p>
<p>គួរបញ្ជាក់ថា តាមមន្ត្រី អាម៉េរិកឲ្យដឹងថា តាមពិតទៅយន្តហោះខាងលើនេះ គឺជាកម្មសិទ្ធិរបស់ កង កម្លាំង ទ័ពអាកាសរបស់អ៊ីរ៉ាក់នោះទេ ដែលត្រូវបានគេបញ្ជូនទៅប្រទេសអ៊ីរ៉ង់កាលពី អំឡុង សង្គ្រាម ឈូង សមុទ្រពែក ឆ្នាំ ១៩៩១ ដើម្បីការពារសុវត្ថិភាព ហើយឥឡូវនេះវាត្រូវបាន បញ្ជូន មកឲ្យម្ចាស់ ដើមវិញ ហើយ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ញូវយ៉កថាម និង ដើមអម្ពិល</p>