<p><span style="color: #000000;">ព័ត៌មានអន្តរជាតិ ៖ អតីតនាយកប្រតិបត្តិក្រុមហ៊ុនអាកាសចរណ៍ បារាំង លោក Marc Dugain អះអាង អោយដឹងថា អាមេរិក អាចជាអ្នកបាញ់យន្តហោះ ក្រុមហ៊ុន អាកាសចរណ៍ ម៉ាឡេស៊ី ជើងហោះហើរ MH370 ទម្លាក់ រួចលុបចោលដានទាំងអស់រហូត រំលេចចេញនូវទ្រឹស្តីផ្សេងៗពីគ្នា ស្តីពីការបាត់ខ្លួន ដ៏ អាថ៍កំបាំងយន្តហោះខាងលើ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/17/52-17-04-2015--13-54-00.jpg"><img src="/FileManager/Articles/mce/2015/4/17/52-17-04-2015--13-54-00.jpg" alt="" /></a><br /></span></p>
<p><span style="color: #000000;">សម្រង់អត្ថបទ មានរហូតដល់ទៅ ៦ ទំព័រ ចេញ ផ្សាយ ជារៀងរាល់សប្តាហ៍ ទស្សនាវដ្តីបារាំង Paris Match លោក Dugain បំភ្លឺអោយដឹងថា ៖ យន្តហោះ ខាងលើ នៃក្រុមហ៊ុនអាកាសចរណ៍ ម៉ាឡេស៊ី ជា ប្រភេទយន្តហោះ Boeing 777 អាចនឹងប្រឈមចំពោះមុខ នូវបញ្ហាដែលមិនអាចគេចវេសបាន ខណៈ យន្តហោះខាងលើ ផ្លូវរថរបស់ខ្លួន គឺឆ្ពោះទៅកាន់មូលដ្ឋានយោធា សហរដ្ឋអាមេរិក មានទីតាំងនៅលើ ដីកោះ Diego Garcia ក្នុងសមុទ្រឥណ្ឌាភាគខាងត្បូង ។ ខណៈយោធា អាមេរិក មានភាពភ័យខ្លាចដូច ទៅនឹងការវាយប្រហារភារវកម្ម កាលពីថ្ងៃទី ១១ កញ្ញា ២០០១ កន្លងទៅនេះ យោធាអាមេរិក ទំនង ជា អ្នកបាញ់ទម្លាក់យន្តហោះខាងលើបាត់ទៅហើយ ។ </span></p>
<p><span style="color: #000000;">បន្ថែមពីលើនេះ លោក Dugain ក៏បានស្រាយបំភ្លឺបន្ថែម ខណៈ គេហទំព័រ The Local បានចុះផ្សាយ បន្តនៅថ្ងៃសុក្រនេះ អោយដឹងថា ៖ វាគឺជាមូលដ្ឋានយោធាមួយ ដ៏ មាន អនុភាពខ្លាំងណាស់ ។ ហើយ ប្រការនេះ វាពិតជាគួរអោយភ្ញាក់ផ្អើល ដែលសហរដ្ឋអាមេរិកខ្លួនឯង បាន បាត់បង់ដានទាំងអស់របស់ យន្តហោះមួយគ្រឿងនេះ ។ ដោយគ្មានចាត់ចូលទៅក្នុងទ្រឹស្តីរួមគំនិតផ្សេងៗ វាគឺជាលទ្ធភាពដែលថា អាមេរិកទំនងជា បញ្ឈប់យន្តហោះខាងលើ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/17/50-17-04-2015--13-54-12.jpg"><img src="/FileManager/Articles/mce/2015/4/17/50-17-04-2015--13-54-12.jpg" alt="" /></a><br /></span></p>
<p><span style="color: #000000;">លោក Dugain បន្ថែមអោយដឹងថា មិនត្រឹមតែប៉ុណ្ណោះ យើងក៏មានសាក្សីរស់ ពី កោះ Maldives ដែល ជាកោះមានទីតាំងជិត កោះ Diego Garcia ពោលមានរយៈចម្ងាយត្រឹមតែ៥០០ គ.ម ភាគខាងជើងតែ ប៉ុណ្ណោះ ដែលបានអះអាងថាំ គេបានឃើញយន្តហោះធន់ធំមួយគ្រឿង ហោះមាន រយៈកំពស់ទាបជា ខ្លាំង ជាមួយនឹង ស្លាកសញ្ញាមួយពណ៌ ក្រុមហ៊ុនអាកាសចរណ៍ ម៉ាឡេស៊ី ហោះ ឆ្ពោះទៅកាន់កោះ Diego Garcia ។ </span></p>
<p><span style="color: #000000;">គួរបញ្ជាក់ថា កាលពីអំឡុងខែ សីហា កន្លងទៅ នេះ សារ ព័ត៌មាន អង់គ្លេស the UK Daily Mirror ធ្វើ សេចក្តីរាយការណ៍អោយដឹងថា យន្ត ហោះ MH370 បានហោះឆ្ពោះទៅកាន់កោះតូចមួយ នៃមហា សមុទ្រឥណ្ឌា ភាគខាងត្បូង កោះ Diego Garcia ប៉ុន្តែស្ថានទូត សហរដ្ឋអាមេរិក ប្រចាំ ទីក្រុង កូឡា ឡាពួរ បានធ្វើការបដិសេធទៅនឹងការលើកឡើងខាងលើ។ អ្នកនាំពាក្យអោយស្ថានទូតអាមេរិក ប្រចាំ ប្រទេស ម៉ាឡេស៊ី ផ្តល់ជាកិច្ចសម្ភាសន៍ ដល់កាសែត local Star នៅពេលនោះអោយដឹងថា ៖ ពុំមាន សញ្ញាណច្បាស់ការណ៍ ណាមួយ អាចបញ្ជាក់ បាន ថា <em>MH370 </em>ពិតជាបានហោះកន្លែងណាមួយ ជិត កោះ Maldives ឬកោះ Diego Garcia នោះទេ ។ ច្បាស់ ណាស់ យន្តហោះ <em>MH370 </em>ពិតជាមិនបានចុះ ចតនៅលើកោះ Diego Garcia ៕</span></p>
<p><span style="color: #0000ff;"><a href="/News/Detail/51829/mh370-malaysia-declares-flight-disappearance-an-accident" target="_parent"><span style="color: #0000ff;">- អាន ៖ ម៉ាឡេស៊ី ប្រកាសជាផ្លូវការ បាត់ខ្លួនយន្តហោះ MH370 ជាគ្រោះថ្នាក់ ធ្លាក់យន្តហោះ សម្លាប់មនុស្សគ្មានសល់</span></a></span></p>
<p><span style="color: #000000;"><a class="thickbox" title="" href="/FileManager/Commons/2015/4/17/51-17-04-2015--13-54-21.jpg"><img src="/FileManager/Articles/mce/2015/4/17/51-17-04-2015--13-54-21.jpg" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ អ័រតេ </span></p>