<p><span style="color: #000000;"><strong>ភ្នំពេញ៖</strong> ម្ចាស់ដេប៉ូស្ថានីយសាំងតេឡាមួយកន្លែង នៅខណ្ឌពោធិ៍សែនជ័យ រាជធានីភ្នំពេញ បានប្រកាសនៅលើទំព័រ Facebook របស់ខ្លួន អំពាវនាវឱ្យម្ចាស់រថយន្ត Highlander ពណ៌ទឹកមាស ពាក់ស្លាកលេខ ភ្នំពេញ 2Y-1560 ចូលខ្លួនដោះស្រាយជាបន្ទាន់ ក្រោយពេលដែលម្ចាស់រថយន្តនេះ ចាក់សាំងហើយមិនឱ្យលុយ រួចបើករថយន្តគេចខ្លួនទៅបាត់។</span></p>
<p><span style="color: #000000;">តាមការរៀបរាប់របស់ម្ចាស់ដេប៉ូតេលាខាងលើ នៅលើគណនី Facebook មួយ ឈ្មោះ «Chiang Pq» បានឱ្យដឹងថា កាលពីព្រឹកម៉ោង ៨៖៣០នាទី ព្រឹកថ្ងៃទី២០ ខែមីនា ឆ្នាំ២០១៥ មានបុរសខ្មែរស្លៀកពាក់ខោខូវបយ ពាក់អាវយឺតខៀវ សាក់លើដៃស្តាំ បានបើករថយន្តហាយលែនឌើ ខាងលើ មកចាក់សាំងនៅក្នុងស្ថានីយរបស់ខ្លួន ប៉ុន្តែបន្ទាប់ពីចាក់រួច ជនខាងលើបានឡើងរថយន្តបើកទៅបាត់ ដោយមិនឱ្យលុយ ។ ករណីនេះ ម្ចាស់ដេប៉ូតេឡាខាងលើ បានយករូបថតចេញពីកាមេរាសុវត្ថិភាព ហើយបង្ហោះនៅលើ Facebook ទុកជាការព្រមាន។</span></p>
<p><span style="color: #000000;">ម្ចាស់ដេប៉ូតេឡា បានប្រកាសថា «បើបងប្អូនបានស្គាល់ យើងខ្ញុំនឹងជូនថវិកា លើកទឹកចិត្តចំនួន ៤០ដុល្លារ ស្មើនឹងចំនួន ដែលជននេះបានចាក់ប្រេង (មិនឱ្យលុយ) កាលពីព្រឹកមិញ» ។ ជុំវិញបញ្ហានេះ មជ្ឈមណ្ឌលព័ត៌មានដើមអម្ពិល មិនទាន់អាចទាក់ទង សុំការបកស្រាយពីម្ចាស់រថយន្ត Highlander ខាងលើនេះ បាននៅឡើយទេ៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/21/60-21-03-2015--10-32-47.jpg"><img src="/FileManager/Articles/mce/2015/3/21/60-21-03-2015--10-32-47.jpg" alt="" /></a></span></p>
<p><a class="thickbox" title="" href="/FileManager/Commons/2015/3/21/61-21-03-2015--10-32-54.jpg"><img src="/FileManager/Articles/mce/2015/3/21/61-21-03-2015--10-32-54.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/3/21/60-21-03-2015--10-32-47.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>