<p><span style="color: #000000;">ព័ត៌មានកីឡា៖ កីឡាករ Cristiano Ronaldo បានរំឮកអនុស្សាវរីយ៍អតីតកាល ក្នុងកំលុងពេល នៅជាមួយក្លឹបធំ Man United ដែលស្ថិតក្រោមការដឹកនាំរបស់លោក Alex Ferguson អំពីចំណេះដឹង ដែលបន្សល់ទុកមកពេលបច្ចុប្បន្ន ដែលធ្វើឲ្យកីឡាករ មានភាពល្បីល្បាញ។ </span></p>
<p><span style="color: #000000;">Cristiano Ronaldo បានប្ដូរចេញពីក្លឹប Sporting CP ចូលមកកាន់ Man United កាលពីឆ្នាំ ២០០៣ ហើយគ្រានោះផងដែរ ក៏ជាពេលចាប់ផ្ដើមហ្វឹកហាត់ខ្លួន ជាមួយកីឡាករល្បីៗលើពិភពលោកជាច្រើន ដែលកីឡាករបានកោតសរសើរមិនដាច់ពីមាត់ ពួកគេទាំងនោះគឺមានដូចជា Paul Scholes, Gary Neville និង Ryan Giggs ដែលកីឡាករទទួចថា គឺជាមនុស្សសំខាន់ដែលបាន អាចដឹកនាំកីឡាករឲ្យឈានមកដល់ពេលនេះ ។</span></p>
<p><span style="color: #000000;">កីឡាករបានថ្លែងថា " Man United គឺជាប្រភពផ្ដល់ចំណេះដឹងយ៉ាងពិតប្រាកដមកលើខ្ញុំ ។ មានមនុស្សជាច្រើនដែលតែងតែចូលមកហ្វឹកហាត់ មុនពេលចាប់ផ្ដើម ការងារពួកគេគឺ Paul Scholes, Gary Neville និង Ryan Giggs ។ សម្រាប់អ្នកទាំងនោះ Gary Neville គឺជាកីឡាករដ៏ឆ្នើមបំផុត ដែលខ្ញុំបានជួបក្នុងឆាកជីវិតរបស់ខ្ញុំ នេះហើយជាមូលហេតុដែល កីឡាករម្នាក់នេះ អាចមានកេរ្តិ៍ជាកីឡាករឆ្នើម លេងបានល្អរហូតដល់ទៅ ១០ ឆ្នាំ ក្នុងអាជីពរបស់គាត់ ។ ចំណែក អ្នកដទៃទៀត ក៏ដូច្នេះដែរ ខ្ញុំបានមកហ្វឹកហាត់មុនពេល មុនម៉ោងជារៀងរាល់ថ្ងៃ ជាមួយពួកគេ ចំណេះដឹងជាច្រើនដែលខ្ញុំបានធ្វើគឺ ដូចជាការហាត់ប្រាណ ការពង្រឹងកម្លាំង នឹងផ្សេងជាច្រើនទៀត។ ពេលខ្លះ មានរឿងដែលត្រូវសាក ល្បងហើយមានភាពខុសប្លែកគ្នា ពួកគេតែងតែពន្យល់ប្រាប់ ដូចជាការបញ្ជាបាល់យ៉ាងដូច្នោះដែរ ។ ក្រៅពីនោះទៅទៀត ដូចជាទម្លាប់នៃការរៀបចំខ្លួន មាន ការញ៉ាំអាហារ ការគេង ការគ្រប់គ្រងពេលវេលា នឹងទម្លាប់ផ្សេងទៀត ដែលអាចនឹងចង្អុល បង្ហាញផ្លូវបានយ៉ាង ១០០% ដល់ខ្លួនខ្ញុំ " ។ </span></p>
<p><span style="color: #000000;">ទោះបីយ៉ាងណាក៏ដោយ Ronaldo ក៏មិនបានបំភ្លេចគុណរបស់លោក Alex Ferguson ផងដែរ ដោយកីឡាករ និយាយថា លោក Alex Ferguson ក៏មានគុណលើគាត់ច្រើនផងដែរ ក្នុងពេលនោះ គាត់តែងតែអប់រំទូន្មានកីឡាករជានិច្ច។ លោក Alex Ferguson បានណែនាំកីឡាករថា "ការសម្រចចិត្ដ" គាត់បាននិយាយទៀតថា កីឡាករគឺជាមនុស្សពិសេស ប៉ុន្ដែកីឡាករគឺខ្វះការសម្រេចចិត្ដ ពាក្យមួយឃ្លាទៀត ដែលប្រើភ្ជាប់គ្នាគឺ " ការប៉ះបាល់ដ៏ឆ្កួតឡប់អើយ របស់ Ronaldo " ឃ្លានេះគឺតែងតែប្រើពេល ដែលកីឡាករមានកំហុស ដែលជាហេតុធ្វើឲ្យកីឡាករ ចងចាំគ្មានថ្ងៃភ្លេចបាន ។ </span></p>
<p><span style="color: #000000;"><a class="thickbox" title="" href="/FileManager/Commons/2015/11/2/11-2-2015-10-28-02-am-02-11-2015--10-34-48.png"><img src="/FileManager/Articles/mce/2015/11/2/11-2-2015-10-28-02-am-02-11-2015--10-34-48.png" alt="" /></a><br /></span></p>
<p style="text-align: right;"><span><span>ដោយ៖ អឿ អ៊ុយ</span></span></p>
<p style="text-align: right;"><span><span>ប្រភព៖ onefootball</span></span></p>