<p><span style="color: #000000;"><strong>(ភ្នំពេញ)៖</strong> ថ្នាក់ដឹកនាំមន្ទីរពេទ្យមិត្តភាព ខ្មែរ-សូវៀត ហៅមន្ទីរពេទ្យរុស្ស៊ី បានចេញមក បដិសេធភ្លាមៗ ចំពោះការចោទប្រកាន់មកលើ រថយន្តសង្គ្រោះបន្ទាន់របស់មន្ទីរពេទ្យថា បានដឹកអ្នកជម្ងឺម្នាក់ យកទៅទម្លាក់ចោល នៅស្រុកស្អាង ខេត្តកណ្តាល កាលពីល្ងាច ថ្ងៃទី៧ ខែមីនា កន្លងទៅនេះ ដោយគ្មានការទទួលខុសត្រូវ ។</span></p>
<p><span style="color: #000000;">សូមបញ្ជាក់់ថា មានការចុះ ផ្សាយលើបណ្តាញសារព័ត៌មាន ក្នុងស្រុកថា នៅល្ងាចថ្ងៃទី៧ ខែមីនា ឆ្នាំ២០១៦ រថយន្ត សង្គ្រោះបន្ទាន់ (ឡានសាមុយ)របស់មន្ទីរពេទ្យ បានដឹកអ្នកជម្ងឺម្នាក់ឈ្មោះ សន ប៉ោ អាយុ៤៩ឆ្នាំ ទៅទម្លាក់ចោលនៅលើចិញ្ចើមផ្លូវជាតិលេខ២១ ភូមិព្រែកខ្សេវ ឃុំរកាខ្ពស់ ស្រុកស្អាង ខេត្តកណ្តាល ដែលនាំឲ្យមានការរិះគន់យ៉ាងខ្លាំងពីសំណាក់ប្រជាពលរដ្ឋ។</span></p>
<p><span style="color: #000000;">ចំពោះការចោទប្រកាន់នេះលោក ធួន សេដ្ឋា នាយផ្នែកសាមុយ បានថ្លែងបដិសេធ នៅយប់ថ្ងៃទី៩ ខែមីនា ឆ្នាំ២០១៦នេះថា « យើងខ្ញុំជាក្រុមរថយន្តសង្គ្រោះ(សាមុយ) របស់មន្ទីរពេទ្យមិត្តភាព ខ្មែរ-សូវៀត សូមបដិសេធចំពោះការផ្សាយព័ត៌មាន បំផ្លើស ការពិតដែរថា (នៅថ្ងៃទី០៧ ខែមីនា ឆ្នាំ២០១៦ វេលាម៉ោង១៦ល្ងាច) បានដឹក អ្នកជម្ងឺឈ្មោះ សន បោ ភេទប្រុស អាយុ៤៩ឆ្នាំ ដឹកទៅទម្លាក់ផ្លុងចោល នៅលើចិញ្ចើម ផ្លូវជាតិលេខ២១បេ ក្នុងភូមិព្រែកខ្សេវ ឃុំរកាខ្ពស់ ស្រុកស្អាង ខេត្តកណ្តាល ដែលធ្វើឲ្យ ខូចកេរ្តិ៍ឈ្មោះ របស់ក្រុមសង្គ្រោះ (សាមុយ) នៃមន្ទីរពេទ្យមិត្តភាព ខ្មែរ សូវៀត យើងខ្ញុំ»។</span></p>
<p><span style="color: #000000;">បើតាមលោក ធួន សេដ្ឋា នៅថ្ងៃនោះរថយន្តសង្គ្រោះរបស់មន្ទីរពេទ្យ ពុំបានដឹកអ្នកជម្ងឺឈ្មោះនេះទេ៕</span></p>
<p><span style="color: #000000;"><a class="thickbox" title="" href="/FileManager/Commons/2016/3/10/10-10-03-2016--09-04-37.jpg"><img src="/FileManager/Articles/mce/2016/3/10/10-10-03-2016--09-04-37.jpg" alt="" /></a><br /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>