<p><span style="color: #000000;"><strong>(ត្បូងឃ្មុំ)៖</strong> រថយន្តចំនួន៣គ្រឿង ដែល២គ្រឿងជារថយន្តយោធា របស់អង្គភាពកងពលដឹកជញ្ជូនលេខ៩៩ ដែលមានលោកឧត្តមសេនីយ៍ទោ ហ៊ុល សំអុន ជាមេបញ្ជាការ និងមួយគ្រឿងទៀត ជារថយន្តសារ៉ែនយោធា ត្រូវបានកម្លាំងនគរបាលខេត្តត្បូងឃ្មុំ ចាប់ឃាត់នៅព្រឹកថ្ងៃទី១៣ ខែមិថុនា ឆ្នាំ២០១៦នេះ ពេលកំពុងដឹកជញ្ជូនឈើប្រណិត (ឈើក្រញូង)។</span></p>
<p><span style="color: #000000;">លោក ម៉ៅ ពៅ ស្នងការនគរបាលខេត្តត្បូងឃ្មុំ បានប្រាប់អង្គភាព Fresh News ថា ក្រោយទទួលបានព័ត៌មាន ពីសកម្មភាពដឹកឈើទាំងនេះ កម្លាំងនគរបាលជំនាញ សហការជាមួយកម្លាំងពាក់ព័ន្ធ បានចុះទៅស្ទាក់ និងឃាត់រថយន្តទាំង៣គ្រឿង សុទ្ធតែរថយន្តរបស់យោធាតែម្តង។</span></p>
<p><span style="color: #000000;">ស្នងការនគរបាលបានបញ្ជាក់ថា រថយន្តទាំង៣គ្រឿងនេះ ត្រូវបានរកឃើញថា បានដឹកឈើជាច្រើនម៉ែត្រគូប ជាប្រភេទឈើក្រញូង ប្រុងនាំទៅកាន់ប្រទេសវៀតណាម។</span></p>
<p><span style="color: #000000;">សូមបញ្ជាក់ថា បើទោះពីជាមានការទប់ស្កាត់ទ្រង់ទ្រាយធំ លើសកម្មភាពដឹកជញ្ជូន នឹងនាំចេញឈើប្រណិតក៏ដោយ តែការលួចដឹកជញ្ជូនទាំងនេះ ត្រូវបានគេមើលឃើញថា នៅតែកើតមានឡើងជាបន្តបន្ទាប់ ដោយមានការពាក់ព័ន្ធជាមួយមន្រ្តីមួយចំនួន៕</span></p>
<p><span style="color: #000000;"><img src="http://image.freshnewsasia.com/2016/006/fn-2016-06-13-12-49-13-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/fn-2016-06-13-12-49-18-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/fn-2016-06-13-12-49-28-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/fn-2016-06-13-12-49-32-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>