<p>ស្ដ្រីម្នាក់នៅហុងកុង មានឈ្មោះថា Tsang ត្រូវភ្ញាក់ពីដេកភ្លាមៗ នៅពេល iPhone 6 Plus របស់<br />នាង ផ្ទុះឆេះ។ ភ្លាមនោះ នាងក៏យកខ្នើយវាយពន្លត់ភ្លើង ហើយជាសំណាងល្អ ពុំមានអ្នកណា<br />រងរបួសនោះទេ។</p>
<p style="text-align: center;"><a class="thickbox" title="" href="/FileManager/Commons/2015/7/7/x1-07-07-2015--10-37-20.PNG"><img src="/FileManager/Articles/mce/2015/7/7/x1-07-07-2015--10-37-20.PNG" alt="" /></a></p>
<p>នាង Tsang បានឱ្យដឹងថា ទូរស័ព្ទរបស់នាង ត្រូវបានសាកបញ្ចូលថាមពលនៅវេលាម៉ោង ១<br />រំលោងអធ្រាត្រ ហើយបន្តសាករហូត ៨ម៉ោង ទើបមានករណីនេះកើតឡើង។</p>
<p>Tsang ប្រើប្រាស់ iPhone 6 Plus 128GB ប៉ុន្តែ ឆ្នាំងសាកដែលនាងបានប្រើសម្រាប់បញ្ចូល<br />ថាមពលនៅយប់នោះ គឺឆ្នាំងរបស់ iPad ។ យ៉ាងនេះក្ដី TSang អះអាងថា នោះគឺជាឆ្នាំងសាក<br />របស់ក្រុមហ៊ុន Apple ពិតៗ។</p>
<p>តាមការពិត ឆ្នាំងសាកដែលត្រូវបាន Apple ដាក់លក់សម្រាប់ iPhone 6 Plus មានថាមពល <br />1A ចំណែក ឆ្នាំងសាករបស់ iPad មានកម្លាំង 2.1A។ ដោយសារតែមានថាមពលខ្លាំងបែបនេះ<br /> ឆ្នាំងសាករបស់ iPad ប្រើពេលតិចក្នុងការបញ្ចូលថ្ម ធៀបនឹងឆ្នាំងសាករបស់ iPhone ។ បើ<br />តាមការឱ្យដឹងពី Apple ឆ្នាំងសាករបស់ iPad សុទ្ធតែអាចប្រើបានជាមួយ iPhone ឬ iPod។</p>
<p style="text-align: center;"><a class="thickbox" title="" href="/FileManager/Commons/2015/7/7/fire-07-07-2015--10-38-17.jpg"><img src="/FileManager/Articles/mce/2015/7/7/fire-07-07-2015--10-38-17.jpg" alt="" /></a></p>
<p>តាមការវិភាគរបស់ក្រុមអ្នកជំនាញ អំពីករណីនេះ បានថ្លែងថា មុខងារកាត់ផ្ដាច់ចរន្ធភ្លើងនៅ<br />ពេលថ្មពេញរបស់ម៉ាស៊ីននេះ បានជួបបញ្ហា ដូច្នេះ ថាមពលក្នុងថ្ម បានឡើងដល់ចំនុចកំពូល <br />បណ្ដាលឱ្យថ្មត្រូវផ្ទុះឆេះ ដោយសារកំដៅឡើងខ្ពស់ពេក។ បច្ចុប្បន្ន ខាងក្រុមហ៊ុន Apple មិន<br />ទាន់ចេញប្រតិកម្មណាមួយស្ដីអំពីករណីនេះនៅឡើយ៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ iphonehacks</p>