<div>
<p><span style="color: #000000;"><strong>(ក្រុងឡុងដ៍)៖</strong> គ្រូបង្វឹកដែលកំពុងអត់ការងារធ្វើ Jose Mourinho បានសរសេរសំបុត្រ១ច្បាប់ ដែលមាន៦ទំព័រផ្ញើទៅ កាន់ក្លឹប Manchester United ដើម្បីសុំធ្វើ ជាអ្នកចាត់ការថ្មីរដូវកាលក្រោយ ជំនួសកៅអីគ្រូបង្វឹកបច្ចុប្បន្នលោក Louis van Gaal នេះបើយោងតាមភ្នាក់ងារ Jorge Mendes របស់លោក Mourinho ថ្លែងប្រាប់ Mirror ថ្ងៃនេះ ។</span></p>
<p><span style="color: #000000;">ការសរសេរសំបុត្រសុំការងារធ្វើនោះដែរ គឹប្រហែលជាលោក Jose Mourinho បានមើលឃើញថា កៅអីរបស់លោក Louis van Gaal នៅកីឡដ្ឋាន Old Trafford កាន់តែក្តៅទៅៗ ពោលគឺក្រោយពេលដឹកនាំ Man Utd ចាញ់ក្រុមភ្ញៀវ Southampton ១-០ ក្នុងទឹកដីកាលពីរាត្រីថ្ងៃសៅរ៍សប្តាហ៍ មុន ហើយដើម្បីបានមុនគេ ផងដែរ គឺស្របពេលដែលគ្រូបង្វឹក Pep Guardiola និង Diego Simeone កំពុងតែត្រូវបាន Man Utd ចាប់អារម្មណ៍ដូចគ្នានោះ ។</span></p>
<p><span style="color: #000000;">អត្ថន័យសំខាន់ក្នុងសេចក្តីសំបុត្រទាំង៦ទំព័រនោះមានន័យថា “ខ្ញុំអាចដឹកនាំ Manchester United ឈ្នះពាន Premier League មកវិញ ដូច សម័យលោក Sir-Alex Ferguson ដែរ ប្រសិនបើខ្ញុំបានដឹកនាំក្រុមមួយនេះរដូវកាលក្រោយ ហើយសូមឲ្យថ្នាក់ដឹកនាំក្លឹបបិសាចក្រហមគិតឲ្យ មែនទែន ដោយខ្ញុំបាទជាមនុស្សសំខាន់ទី១ផងដែរ ក្នុងចំណោម បេក្ខជនដទៃ ក្នុងការជំនួសកៅអីគ្រូបង្វឹកហូឡង់ Louis van Gaal” ។</span></p>
<p><span style="color: #000000;">ទន្ទឹមនឹងនោះដែរ ភ្នាក់ងារ Jorge Mendes ក៏បានសង្កត់ធ្ងន់ថា គ្រូបង្វឹកវ័យ៥២ឆ្នាំខាងលើនេះ រឹតតែអន្ទះសារចង់ដឹកនាំ Man Utd មែនទែន តែក៏ត្រូវបានគេ រិះគន់ផងដែរថា មិនសមហេតុផល និងមានសីលធម៌ទាល់តែសោះ ខណៈ ដែលក្លឹបមិនទាន់បានបណ្តេញគ្រូបង្វឹកចាស់ចេញនៅឡើយ ហើយក៏មិនយល់មុខ គ្រូបង្វឹកដូចគ្នា ជាពិសេសលោក Louis van Gaal តែម្តង ។</span></p>
<p><span style="color: #000000;">តែយ៉ាងណាក៏ដោយ រយៈពេល២៤ម៉ោងមកនេះ Man Utd មិនទាន់មានប្រតិកម្ម ក៏ដូចជាការឆ្លើយតបយ៉ាងណានៅឡើយទេ ចំពោះសំណើរបស់គ្រូ បង្វឹកដែលត្រូវបាន Chelsea បណ្តេញចេញពីតំណែងកាលពីខែធ្នូ ឆ្នាំ២០១៥ នៅ ឡើយ ខណៈដែល Louis van Gaal បានកំពុងតែរងសម្ភាធ យ៉ាងខ្លាំង និងប្រឈមនឹងការបណ្តេញចេញដែរហើយ នោះ ៕</span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/01/24/19/304C6A4600000578-0-image-a-2_1453665404271.jpg" alt="" width="730" /></span></p>
<p style="text-align: center;"><span style="color: #000000;">លោក Jose Mourinho</span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/01/24/19/304C6E9C00000578-0-image-a-4_1453665520544.jpg" alt="" width="730" /></span></p>
<p style="text-align: center;"><span style="color: #000000;"><img src="http://i1.mirror.co.uk/incoming/article7232663.ece/ALTERNATES/s615b/Manchester-United-v-Southampton.jpg" alt="" width="730" /></span></p>
<p style="text-align: center;"><span style="color: #000000;">លោក Louis van Gaal</span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/01/23/18/3081940A00000578-0-image-a-11_1453573801266.jpg" alt="" width="730" /></span></p>
<p style="text-align: center;"><span style="color: #000000;">ក្រុមកីឡាករ Man Utd បាក់មុខ ក្រោយចាញ់ Southampton ១-០ ក្នុងទឹកដី</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>