<p><span style="color: #000000;"><strong>ភ្នំពេញ៖</strong> ក្រុមការងារកំណត់ត្រាពិភពលោក (Guinness World Records) បានធ្វើដំណើរមកដល់ខេត្តសៀមរាប ហើយ នៅរសៀលថ្ងៃទី១២ ខែមេសា ឆ្នាំ២០១៥នេះ ដើម្បីរង់ចាំវាយតម្លៃទៅលើនំអន្សមយក្សរបស់ខ្មែរ ដែល មានទម្ងន់ ៣,២តោន។</span></p>
<p><span style="color: #000000;">លោក សម រតនា មន្រ្តីសហភាពសហព័ន្ធយុវជនកម្ពុជា (ស.ស.យ.ក) ដែលជាអ្នកនាំពាក្យអង្គរសង្ក្រាន្ត បានឱ្យ ដឹងថា តំណាងស្ថាប័ន Guinness World Records បានមកដល់ក្រុងសៀមរាប នៅវេលាម៉ោងជាង ៣រសៀល ថ្ងៃនេះ ដើម្បីត្រួតពិនិត្យអន្សមយក្សរបស់កម្ពុជា ដើម្បីដាក់បញ្ចូលទៅក្នុងកំណត់ត្រាពិភពលោក។</span></p>
<p><span style="color: #000000;">លោក សម រតនា បានឲ្យដឹងថា ក្រុមការងារ Guinness World Records នឹងផ្តល់ ពានរង្វាន់កំណត់ត្រាពិភព លោកដល់កម្ពុជាភ្លាមៗតែម្តង បើសិនជាពួកគេពិនិត្យរកឃើញថា នំអន្សមនេះ មានលក្ខណៈពិសេស និង ប្លែក លើសគេលើពិភពលោក ។</span></p>
<p><span style="color: #000000;">សូមបញ្ជាក់ថា នំអន្សមយក្សរបស់កម្ពុជា ដែលនឹងយកទៅដាក់តាំងមុខប្រាសាទអង្គរ ក្នុងព្រឹត្តិការណ៍ «អង្គរ សង្ក្រាន្ត» ឆ្នាំនេះ មានទម្ងន់រហូតដល់ ៣,២តោន ដោយមានអង្កត់ផ្ចិតប្រវែង ១ម៉ែត្រ បណ្តោយ ៥ម៉ែត្រ និងមាន ទំហំធំជាងឆ្នាំមុនផងដែរ។</span></p>
<p><span style="color: #000000;">នំអន្សមយក្ស ត្រូវបានផលិតលើកដោយចុងភៅកម្ពុជាប្រមាណ ១០០នាក់ និង បែងចែកជាច្រើនក្រុម។ នំអន្សម យក្សត្រូវបានវេចខ្ចប់រួចរាល់ និងដាក់ស្ងោរកាលពីថ្ងៃទី១០ ខែមេសា ឆ្នាំ២០១៥កន្លងទៅនេះ រហូតមដល់ល្ងាចថ្ងៃ ទី១២ ខែមេសា នំត្រូវបានចំអិនរួចរាល់ និងត្រៀមស្រង់ចេញហើយ។</span></p>
<p><span style="color: #000000;">លោក ឡុង បូរ៉ា អនុប្រធានសមាគមន៍ចុងភៅកម្ពុជា បានប្រាប់ឲ្យដឹងថា នំអន្សមយក្ស នៅឆ្នាំនេះ និង មានលក្ខ ណៈល្អប្រសើរជាងឆ្នាំកន្លងទៅ ដោយឆ្នាំនេះ ក្រុមការងារបានបង្កើតពុម្ព ព្រមទាំងមានបច្ចេកទេសចំអិនបានល្អ ជាងឆ្នាំមុនថែមទៀតផង។ បើតាមលោក ឡុង បូរ៉ា នំអន្សមយក្សនេះ អាចរក្សាទុកបានរហូតដល់ថ្ងៃទី១៦ ខែមេ សា៕</span></p>
<p><a class="thickbox" title="" href="/FileManager/Commons/2015/4/13/62-13-04-2015--11-16-57.jpg"><img src="/FileManager/Articles/mce/2015/4/13/62-13-04-2015--11-16-57.jpg" alt="" /></a></p>
<p><a class="thickbox" title="" href="/FileManager/Commons/2015/4/13/61-13-04-2015--11-17-06.jpg"><img src="/FileManager/Articles/mce/2015/4/13/61-13-04-2015--11-17-06.jpg" alt="" /></a></p>
<p><a class="thickbox" title="" href="/FileManager/Commons/2015/4/13/60-13-04-2015--11-17-13.jpg"><img src="/FileManager/Articles/mce/2015/4/13/60-13-04-2015--11-17-13.jpg" alt="" /></a></p>
<p><span style="color: #000000;"><object width="489" height="419" data="http://www.youtube.com/v/0umdYmoE1gw&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/0umdYmoE1gw&rel=1" /></object><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>