<p><span style="color: #000000;"><strong>(ភ្នំពេញ)៖</strong> លោក សៅ ពន្លឺ មេបញ្ជាការរងអាវុធហត្ថខេត្តកំពង់ស្ពឺ ត្រូវបានកម្លាំងអាវុធហត្ថរាជធានីភ្នំពេញ ចុះទៅឃាត់ខ្លួន នៅរសៀលថ្ងៃទី២៩ ខែកុម្ភ: ឆ្នាំ២០១៦នេះ នៅផ្លូវកាច់ជ្រុងសាលាសន្ធរម៉ុក ខណ្ឌទួលគោក ក្រោយពីលោកមេបញ្ជាការរងរូបនេះ កើតជម្លោះ និងគំរាមកំហែងស្រីស្នេហ៍របស់ខ្លួនយ៉ាងខ្លាំងៗ។</span></p>
<p><span style="color: #000000;">ក្រោយមានការឃាត់ខ្លួនពីកម្លាំងអាវុធហត្ថខណ្ឌទួលគោក លោក សៅ ពន្លឺ ត្រូវបានបញ្ជូនភ្លាមៗ ទៅកាន់ទីបញ្ជាការដ្ឋានអាវុធហត្ថរាជធានីភ្នំពេញ ហើយរហូតមកដល់យប់ថ្ងៃដដែលនេះ មិនទាន់ត្រូវបានអនុញ្ញាតឲ្យត្រឡប់ទៅវិញនៅឡើយទេ។</span></p>
<p><span style="color: #000000;">ជុំវិញការឃាត់ខ្លូនមេបញ្ជាការរងអាវុធហត្ថខេត្តកំពង់ស្ពឺខាងលើនេះ ទាំងលោក មាុំង សុខលុច នាយការិយាល័យប្រឆាំងបទល្មើសព្រហ្មទណ្ឌ និងនាយរងការិយាល័យ លោក ខ័ណ្ឌ ចាន់ណារ៉ា បានប្រាប់ Fresh News នៅយប់ថ្ងៃដដែលនេះថា លោកក្តាប់ព័ត៌មានមិនបានលំអិតនោះទេ។</span></p>
<p><span style="color: #000000;">មន្រ្តីអាវុធហត្ថខណ្ឌទួលគោក បានប្រាប់ថា ពិតជាមានការឃាត់ខ្លួន់លោក សៅ ពន្លឺ ពិតមែនប៉ុន្តែបាន បញ្ជូនទៅអាវុធហត្ថក្រុងភ្លាមៗផងដែរ ៕</span></p>
<p><span style="color: #000000;"><a class="thickbox" title="" href="/FileManager/Commons/2016/3/1/ab-01-03-2016--09-11-37.jpg"><img src="/FileManager/Articles/mce/2016/3/1/ab-01-03-2016--09-11-37.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<p> </p>