<p><span style="color: #000000;"><strong>ភ្នំពេញ ៖</strong> ស្ដ្រីម្នាក់ ត្រូវបានក្រុមចោរឆក់ ប្រដាប់អាវុធពីរនាក់ បាញ់បីគ្រាប់តែត្រូវ មួយគ្រាប់ ចំកំភួនដៃខាងឆ្វេង ក្រោយពីស្ដ្រី រងគ្រោះបានទៅប្រតាយប្រតប់ជាមួយពួក គេ ក្នុងគោលបំណងដណ្ដើមយកកាបូបរបស់ ខ្លួនមកវិញ ។</span></p>
<p><span style="color: #000000;">អំពើឆក់រហូតមានការផ្ទុះអាវុធបណ្ដាលឱ្យជនរងគ្រោះរងរបួសយ៉ាងដូច្នេះ បានបង្ក ឱ្យមានការ ភ្ញាក់ផ្អើល កាលពី វេលាម៉ោង ប្រមាណ៦និង៣០នាទីព្រឹកថ្ងៃទី២៣ ខែកុម្ភៈ ឆ្នាំ២០១៥ ស្ថិតនៅតាមបណ្ដោយផ្លូវវ៉េង ស្រេង ភូមិ ត្រពាំងថ្លឹង សង្កាត់ចោមចៅ ខណ្ឌ ពោធិ៍សែនជ័យ ។</span></p>
<p><span style="color: #000000;">អធិការនគរបាលខណ្ឌពោធិ៍សែនជ័យ លោកយឹម សារ៉ាន់ បានថ្លែងថា មុនពេល កើតហេតុ ស្ដ្រីរងគ្រោះជិះ ម៉ូតូតែម្នាក់ឯង តាមបណ្ដោយផ្លូវវ៉េងស្រេង ក្នុងគោលបំណង ទៅធ្វើការ ស្រាប់តែដល់មុខរោងចក្រ៦ជាន់ ក៏លេចមុខជនសង្ស័យពីរនាក់ ជិះម៉ូតូមួយ មិនចាំម៉ាកនិងស្លាកលេខ ធ្វើសកម្មភាពឆក់ យកកាបូប រួចបន្ដបើកគេចខ្លួនយ៉ាងលឿន។</span></p>
<p><span style="color: #000000;">លោកយឹម សារ៉ាន់ បានបញ្ជាក់ទៀតថា នៅពេលដែលពួកគេទាំងពីរកំពុងបើកម៉ូតូ គេចខ្លួននោះ ស្រាប់តែ ប្រជាពលរដ្ឋនៅតាម ផ្លូវ ក្រោយឮស្ដ្រីរងគ្រោះស្រែកឆោឡោនោះ ក៏បើកម៉ូតូបុកម៉ូតូពួកគេទាំងពីរនាក់ ដោយ គិតថា ប្រហែលជាគ្មានអាវុធ ។</span></p>
<p><span style="color: #000000;">នៅពេលដែលម៉ូតូទាំងប្រជាពលរដ្ឋនិងម៉ូតូចោរដួល នៅលើផ្លូវ ស្ដ្រីរងគ្រោះបានទៅដល់រួចក៏ប្រតាយ ប្រតប់ ដណ្ដើមកាបូបបានមកវិញ ប៉ុន្ដែ ត្រូវជនសង្ស័យបាញ់ចំនួន៣គ្រាប់ ក្នុងនោះ ត្រូវមួយគ្រាប់ បណ្ដាល ឱ្យរងរបួសត្រូវកំភួន ដៃខាងឆ្វេងមុនពេលដែលពួកគេ បើកម៉ូតូ គេចខ្លួនបាត់ដោយសុវត្ថិភាព ។</span></p>
<p><span style="color: #000000;">អធិការនគរបាលខណ្ឌពោធិ៍សែនជ័យ បានបន្ដទៀតថា ក្រោយមានករណីខាងលើ នេះកើតឡើងភ្លាម កម្លាំង នគរបាលរបស់ លោក ទាំងថ្នាក់ជំនាញនៅខណ្ឌ និងថ្នាក់មូល ដ្ឋានបានចុះទៅកាន់កន្លែងកើតហេតុ និងនាំ ស្ដ្រីរងគ្រោះទៅសង្គ្រោះនៅមន្ទីរពេទ្យនិង ធ្វើការសួរនាំពីដំណើរដើមទងនៃហេតុការណ៍ ក្នុងគោល បំណងបន្ដការស្រាវជ្រាវតាមចាប់ ជនល្មើសទាំងពីរនាក់ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/2/23/2-23-2015-9-54-01-am-23-02-2015--10-46-22.png"><img src="/FileManager/Articles/mce/2015/2/23/2-23-2015-9-54-01-am-23-02-2015--10-46-22.png" alt="" /></a></span></p>
<p><span style="color: #000000;"><a class="thickbox" title="" href="/FileManager/Commons/2015/2/23/2-23-2015-9-53-35-am-23-02-2015--10-46-35.png"><img src="/FileManager/Articles/mce/2015/2/23/2-23-2015-9-53-35-am-23-02-2015--10-46-35.png" alt="" /></a></span></p>
<p style="text-align: right;"><span style="color: #000000;">ផ្ដល់សិទ្ធដោយ ដើមអម្ពិល</span></p>