<p><span style="color: #000000;">ព័ត៌មានកីឡា៖ ប្រភពព័ត៌មាននៅតែចេញផ្សាយជាបន្ដបន្ទាប់ មិនព្រមដាច់ស្រឡះពី កាលប្រកួតរបស់កីឡាករទាំង ២ រហូតទល់ពេលនេះ ដោយផ្អែកលើការបង្ហាញរបស់គេហទំព័រកីឡាអន្ដរជាតិមួយ ឈ្មោះថា slam.canoe.ca នៅតែលើកឡើងថា ប៉ាក់ គីអៅ ព្យាយាមបន្ដការទាមទា ឲ្យ Floyd សម្រេចចិត្ដឲ្យបានច្បាស់ និង ព្រមចុះហត្ថលេខាលើកិច្ចសន្យារើសពេលប្រកួតនៅ ថ្ងៃទី ២ ខែឧសភា ឆ្នាំ ២០១៥ ឲ្យមុនដាច់ខែនេះ បើមិនដូច្នោះទេ គម្រោងនៃការប្រកួតនេះ និងត្រូវលុបចោល ។ </span></p>
<p><span style="color: #000000;">ប៉ាក់ គីអៅ បានរៀបរាប់ប្រាប់អ្នកសារព័ត៌មានថា រូបគាត់ ព្រមទាំងអ្នកជំវិញខ្លួន បានសម្រេចចិត្ដគ្នាត្រឹមត្រូវអស់ហើយ ដោយយល់ព្រមលើលក្ខខ័ណគ្រប់យ៉ាងដែល Folyd ទាមទាចង់បាន ។ អ្វីដែលពួកគាត់ត្រូវការវិញនោះ គឺការសម្រេចចិត្ដឲ្យត្រឹមត្រូវ និង ការហត្ថលេខាលើកាលបរិច្ឆេទប្រកួតតាមពេលដែលគាត់បានលើកឡើងខាងលើ ។ បន្ថែមពីលើនេះទៅទៀត កីឡាករបានបន្ដទៀតថា វាគឺជារឿងមួយពិបាកអះអាងខ្លាំងណាស់ថា ការប្រកួតពិតជាកើតមានមែន ក្រោយពីមើលឃើញទិដ្ឋភាពជាក់ស្ដែងនាពេលនេះ។ ប៉ុន្ដែមិនជាថ្វីនោះទេថាគួរបន្ដ ឬ អត់ ដោយពួកយើងនឹងដឹងច្បាស់ក្នុងពេលឆាប់ៗ ពីព្រោះគេមានពេលសម្រេចចិត្ដត្រឹមតែក្នុងខែនេះតែប៉ុណ្ណោះ ប្រសិនបើគេមិនវៃនោះទេ គាត់អាចស្វែងរកដៃគូរថ្មីទៀតក៏បានដែរ ។ </span></p>
<p><span style="color: #000000;">ស្របនឹងភាពរកាំរកូតដូច្នោះ មានសំណួរជាច្រើនបានកើតឡើង ចំពោះកីឡាករ ប៉ាក់ គីអៅ ប៉ុន្ដែគាត់មិនអាចបកស្រាយឲ្យបានច្បាស់លាស់នៅឡើយទេ ។ ដោយឡែក កាលពីពេលមុនគាត់ធ្លាប់បាន និយាយប្រាប់អ្នកការសែតរួចម្ដងហើយ ពីព្រឹត្ដិការណ៍មួយនេះ ថាប្រាកដជាកើតមាន ក្រោយពីទទួលបានសំណើររបស់ Floyd ជាច្រើនក្នុងលក្ខខ័ណនៃការប្រកួត តែពេលនេះ តាមការមើលឃើញលើឥរិយាបទ និង ការសុំសេចក្ដីបញ្ជាក់ឲ្យពិតប្រាកដពីកីឡាករ គឺបានកែប្រែទាំងស្រុងនូវអ្វីដែលធ្លាប់រំពឹងទុកកន្លងមក ។ហេតុដូច្នេះហើយ ទើគាត់សម្រេចចិត្ដទុកពេលវេលា ត្រឹមចុងខែនេះ ជាពេលចុងក្រោយនៃការសម្រេចរបស់ Floyd ដើម្បីបញ្ចប់បន្ទិលសង្ស័យដែលកើតមានទៀត។ </span></p>
<p><span style="color: #000000;"><a class="thickbox" title="" href="/FileManager/Commons/2015/1/20/1-20-2015-11-48-34-am-20-01-2015--11-52-51.png"><img src="/FileManager/Articles/mce/2015/1/20/1-20-2015-11-48-34-am-20-01-2015--11-52-51.png" alt="" /></a></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ slam.canoe.ca</span></p>
<p style="text-align: right;"> </p>
<p style="text-align: right;"> </p>
<p> </p>