<div class="article-content">
<p><strong>ភ្នំពេញ ៖</strong> ម្ចាស់ហាង យីហោនីតាសាច់ គោអាំង ដែលមានទីតាំងស្ថិតនៅចំណុចផ្ទះ លេខ៧៦<br /> ផ្លូវលេខ៣ ភូមិគោកឃ្លៀង សង្កាត់ ភ្នំពេញថ្មី ខណ្ឌសែនសុខ កញ្ញាសាត នីតា អាយុ១៧ឆ្នាំ និង<br />ឪពុករបស់ខ្លួន ឈ្មោះនី សាត អាយុ៤៩ឆ្នាំ បានរងរបួសធ្ងន់ទាំងពីរ នាក់ ក្រោយពីឧកញ៉ាញ៉ែម<br /> កុសល បានបើក រថយន្ដបំបុក ប៉ុនប៉ងសម្លាប់ចោល នៅមុខ ហាងរបស់ខ្លួន បន្ទាប់ពីភាគីទាំង<br />ពីរដែលជា មនុស្សស្គាល់គ្នាផងនោះ បានមានទំនាស់ ពាក្យសំដីពេលកំពុងផឹកស៊ីជាមួយគ្នា<br /> កាល ពីវេលាម៉ោងប្រមាណ១១និង៣០នាទីយប់ ថ្ងៃទី១៦ ខែមិថុនា ឆ្នាំ២០១៣ ។</p>
<p>យោងតាមសេចក្ដីរាយការណ៍ពីកន្លែង កើតហេតុបានឱ្យដឹងថា ក្រោយពីបង្កអំពើ ហិង្សាដោយ<br />ចេតនា ប៉ុនប៉ងមនុស្សឃាតខាង លើនេះ ឧកញ៉ា ញ៉ែម កុសល បានបើករថ យន្ដរបស់ខ្លួនគេច<br />ភ្លាមៗពីកន្លែងកើតហេតុ ដោយមិនទទួលខុសត្រូវ ចំពោះទង្វើនេះ ឡើយ ខណៈដែលជនរង<br />គ្រោះជាម្ចាស់ហាង ឪពុកនិងកូនរួមជាមួយ ស្ដ្រីម្នាក់ដែលមានផ្ទះ ជាប់ហាង ដែលរថយន្ដរបស់<br />ខ្លួនត្រូវឧកញ៉ា រូបនេះថយរថយន្ដមកប៉ះនោះ បាននឹងកំពុង រៀបចំដាក់ពាក្យបណ្ដឹងទៅអធិការ<br />ដ្ឋាននគរ បាល ខណ្ឌសែនសុខ និងស្នងការដ្ឋាននគរ បាលរាជធានីភ្នំពេញ ដើម្បីចាត់ការរឿង <br />នេះតាមផ្លូវច្បាប់ ។</p>
<p>សេចក្ដីរាយការណ៍ពីកន្លែងកើតហេតុ ដដែលបានឱ្យដឹងថា នៅវេលាម៉ោងប្រមាណ ១១និង<br />៣០នាទីយប់ថ្ងៃទី១៦ ខែមិថុនា ឆ្នាំ ២០១៣ ស្ថិតនៅក្នុងហាង យីហោ នីតាសាច់ គោអាំង ជន<br />រងគ្រោះនី សាត អាយុ៤៩ឆ្នាំ ជាឪពុក និងកូនស្រីរបស់ខ្លួនឈ្មោះសាត នីតា និងឧកញ៉ាញ៉ែម<br /> កុសល ព្រមទាំងមនុស្សពីរ បីនាក់ផ្សេងទៀត ដែលជាមនុស្សស្គាល់គ្នា នោះ បាននាំគ្នាអង្គុយ<br />ផឹកស៊ីជុំគ្នានៅផ្ទះអ្នកជិតខាងក្បែរខាង ប៉ុន្ដែមួយ សន្ទុះក្រោយមកស្រាប់តែមានជម្លោះកើត <br />ឡើង ដោយគេពុំទាន់ដឹងថា ផ្ដើមចេញពីមូល ហេតុអ្វី នោះឡើយ ខណៈដែលប្រភពព័ត៌ មាន<br />ខ្លះ អះអាងថា ជារឿងជំពាក់លុយ ។ ក្រោយពីពួក គេ មានទំនាស់ពាក្យសំដីបង្កឱ្យមានការ<br />ភ្ញាក់ ផ្អើល ហើយនៅពេលនោះ ឧកញ៉ាញ៉ែម កុសល បានចេញមកមុខហាងឡើង ទៅក្នុង <br />រថយន្ដ ខណៈដែលបុរសរងគ្រោះជាឪពុក និងកូនស្រី ដែលជាម្ចាស់ហាង បានចេញមក <br />តាមក្រោយ ដោយឈរមុខហាង ។</p>
<p>សេចក្ដីរាយការណ៍បានបន្ដទៀតថា ដោយ សារតែកំហឹងលាយជាមួយគ្រឿងស្រវឹងផងនោះ <br />ឧកញ៉ាដែលមានឈ្មោះល្បីគួរសមខាង រកស៊ីទិញលក់ផ្ទះ បានឡើង ទៅលើរថយន្ដ ហើយ<br />ជាន់ហ្គែរ បើកបំបុកជនរងគ្រោះទាំង ពីរនាក់ឪពុកកូន បណ្ដាលឱ្យរងរបួសធ្ងន់ ក្នុង នោះបុរស<br />ជាឪពុកដាច់សរសៃកែងជើងខាង ឆ្វេង រីឯ កូនស្រីជាម្ចាស់ហាងបាក់ដៃខាងស្ដាំ។ ពេលនោះ<br />រថយន្ដមិនទាន់អស់ល្បឿនក៏ជ្រុល ទៅបុកផើងផ្កានៅមុខហាង បណ្ដាលឱ្យបែកអស់ជាច្រើន<br />ផើង រួចហើយ ឧកញ៉ាញ៉ែម កុសល បានជាន់ហ្គែរថយន្ដក្រោយយ៉ាងលឿន ក៏ទៅប៉ះរថយន្ដ<br />កាមរីបាឡែន ពណ៌ត្រីឆ្លូញ ពាក់ស្លាកលេខ ភ្នំពេញ 2W-1376 របស់អ្នក ស្រីហែម ស៊ីថា <br />ដែលរស់នៅផ្ទះលេខ៧២ នៅជាប់ផ្ទះជនរងគ្រោះ បណ្ដាលឱ្យរងការ ខូចខាត ។</p>
<p>សេចក្ដីរាយការណ៍បានបន្ដទៀតថា ក្រោយពីបង្កអំពើហិង្សារួចហើយ ឧកញ៉ា ញ៉ែម កុសល<br /> ក៏បានបើក រថយន្ដរបស់ខ្លួន ម៉ាកឡង់រ៉ូវ៉ែ ពណ៌ស ពាក់ស្លាកលេខ ភ្នំពេញ 2W-2323 គេចខ្លួន<br />ចេញពីកន្លែង កើត ហេតុ បាត់ទៅ ខណៈដែលជនរងគ្រោះជាឪពុកនិង កូនស្រី ត្រូវបានសាច់<br />ញាតិជួយដឹកបញ្ជូន ទៅកាន់ មន្ទីរពេទ្យភ្លាមៗ ។</p>
<p>ទាក់ទិនករណីនេះ អ្នកស្រីហែម ស៊ីថា ដែលជាម្ចាស់រថយន្ដបាឡែនបង្កហេតុនោះ បាននិ<br />យាយថា អ្នកស្រី នឹងដាក់ពាក្យបណ្ដឹង ហើយទាមទារយករថយន្ដថ្មី ដែលមានតម្លៃ ១៨០០០<br />ដុល្លារ ពីឧកញ៉ាញ៉ែម កុសល ។</p>
<p>អ្នកស្រី នីហ្សា បានបន្ដទៀតថា បន្ទាប់ ពីឃើញស្ថានភាពបែបនេះ ប្ដីរបស់អ្នកស្រី រួមទាំងអ្នក<br />ស្រីផ្ទាល់ បានទៅជួយឃាត់ និង និយាយសម្របសម្រួល ស្រាប់តែ ឧកញ៉ា ញ៉ែម កុសល បាន<br />វាយចំកអ្នកស្រីចំនួន ២ កាឡាន (នំកាឡាន) បណ្ដាលឱ្យហើមក ។ បន្ទាប់មក លោកឧកញ៉ា<br /> ញ៉ែម កុសល បាន ឡើងទៅក្នុងរថយន្ដ សំដៅបុកក្រុមគ្រួសារ របស់អ្នកស្រី ដែលមានចំនួន <br />៤នាក់ បណ្ដាលឱ្យចំជើងប្ដីអ្នកស្រី ដាច់សរសៃកែង ខាងឆ្វេង និងជើងស្ដាំ ហើយបុកចំកូនស្រី<br /> របស់អ្នកស្រី ឈ្មោះ នីតា បណ្ដាលឱ្យបាក់ ដៃស្ដាំផងដែរ ។ នៅពេលសួរថា រឿងរ៉ាវ ទាំងនេះ <br />ផ្ដើមចេញពីក្រុមគ្រួសាររបស់អ្នក ស្រី ជំពាក់លុយឧកញ៉ា ញ៉ែម កុសល នោះ ត្រូវបានអ្នកស្រី<br /> នីហ្សា ឆ្លើយថា ឧកញ៉ា ញ៉ែម កុសល និងប្ដីរបស់ខ្លួនជាមិត្ដភ័ក្ដិនឹង គ្នា ហើយកាលពីពេលកន្លង<br />ទៅឧកញ៉ារូបនេះ បានប្រើឱ្យប្ដីរបស់អ្នកស្រីទៅទារលុយពីក្រុមហ៊ុន និងអ្នកដែលជំពាក់ដោយ<br />ឱ្យ កុំម៉ុយស្យុងខ្លះ ខណៈដែលឧកញ៉ារូបនេះ បានកត់ចូលបញ្ជីលុយដែលទារពីគេជាបន្ដ បន្ទាប់ <br />មិនដឹងតួលេខ ពិតប្រាកដ ធ្វើឱ្យគាត់ មួម៉ៅនៅពេលជួបបញ្ហាខ្វះខាតលុយ និង ដើរនិយាយ<br />ប្រាប់មិត្ដភ័ក្ដិជាហូរហែ ។ យ៉ាង ណាក៏ដោយ ចំពោះទង្វើបែបនេះក្រុម គ្រួសាររបស់ អ្នកស្រី<br />បាន និងកំពុងដាក់ពាក្យ បណ្ដឹងទៅសមត្ថកិច្ចចាត់ការតាមផ្លូវច្បាប់។</p>
<p>យ៉ាងណាក៏ដោយ រហូតមកដល់ព្រឹកថ្ងៃ ទី១៧ ខែមិថុនា ឆ្នាំ២០១៣នេះកម្លាំងនគរ បាលខណ្ឌ<br />សែនសុខ បាននឹងកំពុងចាត់ការ រឿងនេះតបតាមពាក្យ បណ្ដឹងរបស់ជនរង គ្រោះ ដែលពាក់<br />ព័ន្ធ ៕</p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0345.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0346.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0347.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>