<p><span style="color: #000000;"><strong>ភ្នំពេញ ៖</strong> ជនរងគ្រោះម្នាក់ ត្រូវបានជនពាលមួយក្រុម ជិះរថយន្តមួយគ្រឿង ដេញបុក ហើយចាក់ក្បាល ពោះ មួយដែកឆាប បណ្តាលឲ្យរងរបួសធ្ងន់ កាលពីវេលាម៉ោង ១០និង៤០នាទីយប់ថ្ងៃទី២៧ ខែសីហា ឆ្នាំ២០១៥ តាមបណ្តោយផ្លូវជាតិលេខ៤ មុខបុរីសែនមនោរម្យ ស្ថិតក្នុងភូមិអូដឹម សង្កាត់ចោមចៅ ខណ្ឌពោធិសែនជ័យ ។ សមត្ថកិច្ចបានឲ្យដឹងថា ជនរងគ្រោះមានឈ្មោះ ឈីវ ស៊ីដេត អាយុជាង៣០ឆ្នាំ មុខរបរបើកគ្រឿងចក្រកាប់ដី និងមានស្រុកកំណើតនៅខេត្តពោធិ៍សាត់ ។</span></p>
<p><span style="color: #000000;">បើតាមការរៀបរាប់ ពីអ្នកដែលបានឃើញ ហេតុការណ៍បានប្រាប់ថា មុនកើតហេតុជន រងគ្រោះបានទៅ អង្គុយផឹកស៊ី នៅហាងមួយកន្លែង ជិតបុរីសែនមនោរម្យ លុះផឹកបានមួយសន្ទុះគេបានឃើញ បុរសរងគ្រោះ ដើរចេញមកវិញក្នុងគោលបំណងមក កន្លែងស្នាក់នៅពេល ដើរឆ្លងថ្នល់បានបន្តិច មានរថយន្តឆ្លាមមួយគ្រឿង ពណ៌ស្ករ មិនចាំស្លាកលេខ បានបើកមកបុកពីក្រោយដួលបន្តិច តែមិនរងរបួសធ្ងន់ធ្ងរនោះទេ។</span></p>
<p><span style="color: #000000;">បន្ទាប់ពីបុកហើយ រថយន្តឆ្លាមនោះបានបើកចេញទៅវិញបាត់ ហើយជនរងគ្រោះបន្តនៅឈរកន្លែង ដែលគេបុក នោះទៀត ស្រាប់តែបានប្រហែក១០នាទី រថយន្តឆ្លាមនោះបានបើកមកវិញ ឃើញបុរសនោះឈរនៅ កន្លែងដដែល បានឈប់ឡានយកដែកឆាបមកចាក់ចំពោះលេចមួយដែកឆាប រួចក៏បើក ឡានជិះគេចខ្លួនបាត់ ទៅបន្សល់ទុកនៅជនរងគ្រោះ ដេកននៀលដោយភាពចុកចាប់បំផុត ឃើញសភាពបែបនេះមិត្តភក្តិ របស់ជន រងគ្រោះ បានហៅកង់បីដឹកមកសង្រ្គោះ បន្ទាន់នៅមន្ទីពេទ្យ ដើម្បីជួយសង្រ្គោះអាយុជីវិត៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/28/8-28-2015-11-17-32-am-28-08-2015--11-23-52.png"><span style="color: #000000;"><img src="/FileManager/Articles/mce/2015/8/28/8-28-2015-11-17-32-am-28-08-2015--11-23-52.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/8/28/8-28-2015-11-17-52-am-28-08-2015--11-24-03.png"><span style="color: #000000;"><img src="/FileManager/Articles/mce/2015/8/28/8-28-2015-11-17-52-am-28-08-2015--11-24-03.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/8/28/8-28-2015-11-18-52-am-28-08-2015--11-24-33.png"><span style="color: #000000;"><img src="/FileManager/Articles/mce/2015/8/28/8-28-2015-11-18-52-am-28-08-2015--11-24-33.png" alt="" /></span></a></span></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span></p>