<p>ព័ត៌មានអន្តរជាតិ ៖ អ្នកវិទ្យាសាស្ត្រ និង អ្នកស្រាវជ្រាវជីវៈចម្រុះកំពូលៗ រាប់រយនាក់នៅលើសកល លោក កំពុងតែធ្វើការអំពាវនាវ ទៅដល់រដ្ឋាភិបាលអូស្ត្រាលី ឲ្យបញ្ឈប់នូវនយោបាយ ចាប់ត្រីឆ្លាម និង សម្លាប់ចោលទៀតទៅ ។</p>
<p><a class="thickbox" title="" href="/FileManager/Commons/2014/7/5/7391733973917135-05-07-2014--09-40-47.jpg"><img src="/FileManager/Articles/mce/2014/7/5/7391733973917135-05-07-2014--09-40-47.jpg" alt="" /></a></p>
<p>ទីភ្នាក់ងារព័ត៌មានចិន ស៊ិនហួ បានចេញផ្សាយ នៅថ្ងៃសុក្រ ទី០៤ ខែកក្កដា នេះថា អាជ្ញាធរ ការ ពារ បរិស្ថានភាគខាងលិច អូស្ត្រាលី (EPA) បានប៉ាន់ប្រមាណ អំពីកម្មវិធីបន្តចំពោះមុខ រយៈពេល ៣ឆ្នាំ ប៉ុន្តែ អ្នកជំនាញ ដែនទឹក ប្រមាណជាង ២៥០នាក់ បានជំទាស់ថា វាគ្មានភស្តុតាងទេថា ការ សម្លាប់ត្រី ឆ្លាមនោះ នឹងធ្វើឲ្យតំបន់ឆ្នេរសមុទ្រមានសុវត្ថិភាពនោះ ។</p>
<p>អ្នកតំណាងវិទ្យាសាស្ត្រ មកពីអាម៉េរិក គឺបណ្ឌិត អ៊ែលលីយ៉ូត ណស ដែលធ្លាប់បានបម្រើ ការងារ ជូន ប្រធានាធិបតីអាម៉េរិកមួយចំនួន និង ក៏ធ្លាប់ជាទីប្រឹក្សាលោក អូបាម៉ា ផងដែរ បានជំទាស់ថា “ខ្ញុំ គិតថា ការសម្លាប់ត្រីឆ្លាម មិនមែនជាគំនិតល្អនោះទេ ។ ខ្ញុំគិតថា ការសម្លាប់ ត្រីឆ្លាម កំពូល ស៊ី សាច់ ជាអាហារ ដូចជាត្រីខ្លាមខ្លានោះ ជាគំនិតមួយដែលពិបាកទទួលយក” ។</p>
<p><a class="thickbox" title="" href="/FileManager/Commons/2014/7/5/animal-pictures-sharks-wallpapers-hd-photos-shark-wallpaper-3-05-07-2014--09-40-56.jpg"><img src="/FileManager/Articles/mce/2014/7/5/animal-pictures-sharks-wallpapers-hd-photos-shark-wallpaper-3-05-07-2014--09-40-56.jpg" alt="" /></a></p>
<p>គួរបញ្ជាក់ថា រដ្ឋបាលទីក្រុង ភឺត ភាគនិរតី របស់ប្រទេសអូស្ត្រាលី បានបង្កើតនយោបាយដ៏ចម្រូង ចម្រាស មួយ បន្ទាប់ពីអ្នកវិទ្យាសាស្ត្រខ្លួន បានសិក្សាឃើញថា ចំនួនមនុស្សរងគ្រោះ ដោយសារតែ ត្រីឆ្លាមបាន កើនឡើង គួរឲ្យកត់សម្គាល់នៅរយៈពេល ១០ឆ្នាំចុងក្រោយនេះ ។</p>
<p>ឆ្លើយតបចំពោះបញ្ហានេះ អ្នកវិទ្យាសាស្ត្រមួយបានលើកឡើងថា កោះហាវ៉ៃ របស់អាម៉េរិក ធ្លាប់បាន ប្រើ ប្រាស់នយោបាយឆ្កួតឡប់បែបនេះដែរ កាលពីប៉ុន្មានឆ្នាំមុន ដោយពេលនោះ គេបានចំណាយ ពេល ១៦ ឆ្នាំ ដើម្បី កាប់សម្លាប់ត្រីឆ្លាមប្រភេទ Tiger ដូចដែលអូស្ត្រាលីគ្រោង ធ្វើនេះដែរ ប៉ុន្តែវា គ្មាន ប្រសិទ្ធ ភាព ដែលអាចកាត់បន្ថយចំនួនគ្រោះថ្នាក់ ដែលបង្កឡើងដោយត្រីឆ្លាម ដូចខាង លើ នេះឡើយ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ិនហួរ និង ដើមអម្ពិល</p>