<div class="article-content">
<p><strong>ភ្នំពេញ ៖</strong> ហេតុការណ៍ភ្ញាក់ផ្អើលមួយ បានកើតឡើង ក្នុងខណៈដែលក្មេងប្រុស ជាអ្នកដើរ<br />រើសអេតចាយម្នាក់ បានប្រទះឃើញសពមួយ ត្រូវគេ សម្លាប់ យកមកទម្លាក់ចោល នៅក្នុងលូ<br /> តាមបណ្តោយផ្លូវសាក់អំពៅ ស្ថិតក្នុង ភូមិបាគូរ សង្កាត់ដង្កោ ខណ្ឌដង្កោ កាលពីវេលាម៉ោង <br />១០ និង ៣០ នាទីព្រឹក ថ្ងៃទី០៤ ខែមិថុនា ឆ្នាំ២០១៣ ។</p>
<p>ក្មេងប្រុស ដែលប្រទះឃើញសពខាងលើនេះ បាននិយាយថា នៅមុនពេលកើតហេតុ ជារៀង<br />រាល់ថ្ងៃ គេតែងតែ ដើរកកាយគំនរសំរាម ដើម្បីរករបស់ របរ ដែលជាប្រដាប់ប្រដារ ដែលអាច<br />លក់បានលុយ លុះដល់ម៉ោងកើតហេតុ រូបគេបានដើរមកដល់ចំណុចកើតហេតុ ឃើញមានដាវ<br /> ១ ចងរឹបម៉ាត់ យ៉ាង តឹង ខណៈនោះ រូបគេក៏បានស្រវាត ទៅទាញម៉ាត់ស្រាយ ដើម្បីរកមើល<br />របស់របរ ប៉ុន្តែពេលនោះ ក៏ផ្ទុះការភ្ញាក់ផ្អើលមួយ បានកើតឡើង ក្នុង ខណៈ ដែលក្មេងប្រុសនោះ<br />ឃើញសព ត្រូវគេសម្លាប់ច្រកក្នុងបាវ ចងម៉ាត់ យកមកទម្លាក់ចោល ។</p>
<p>បន្ទាប់ពីបានឃើញ ហេតុការណ៍នេះ ក្មេងប្រុសខាងលើ បានជូនដំណឹង ទៅអាជ្ញាធរ មូលដ្ឋាន<br /> មានសមត្ថកិច្ច កងរាជអាវុធហត្ថ ខណ្ឌដង្កោ ចុះមក ពិនិត្យ ដល់កន្លែងកើតហេតុ ដើម្បីចង់ដឹងថា<br /> សពនេះត្រូវបានគេ យកមក សម្លាប់ចោលតាំងពីពេលណា ? ។</p>
<p>លោក យឹម សារ៉ាន់ អធិការខណ្ឌដង្កោ ដែលចុះមកដល់កន្លែងកើតហេតុ លោកបានឲ្យដឹងថា <br />ពាក់ព័ន្ធនឹងការ ប្រទះឃើញសព ត្រូវគេច្រកបាវ ខាង លើនេះ លោកមិនទាន់ដឹងថា គេសម្លាប់<br />ដោយរបៀបណា ហើយជាមនុស្ស ប្រុស ឬក៏ស្រីឡើយ ជាពិសេស ក៏នៅមិនទាន់ដឹងថា ជាករ<br />ណីប្លន់សម្លាប់ ឬក៏ជាករណីគំនុំនោះទេ។ ដោយរង់ចាំ សមត្ថកិច្ចជំនាញ ចុះមកស្រាយមាត់បាវ<br /> ដើម្បីពិនិត្យ ធ្វើកោសល្យវិច្ច័យ ទៅលើខ្លួនប្រាណរបស់សពនេះ។</p>
<p>ជាជំហានដំបូង លោក អធិការ ក៏ដូចជាប្រជាពលរដ្ឋ ដែលរោមមើល សពច្រកបាវខាងលើនេះ<br /> បានសន្និដ្ឋានថា សពនេះ ត្រូវបានគេសម្លាប់ ហើយ ច្រកបាវ យកមកទម្លាក់ចោល ប៉ុន្តែមិនដឹង<br />ទម្លាក់ចោល តាំងពីពេលណា នោះទេ ព្រោះរហូតមកដល់ពេលនេះ សពស្អុយរលួយអស់ទៅ<br />ហើយ ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0059.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0060.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0061.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0062.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0063.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>