<p><span style="color: #000000;"><strong>(ភ្នំពេញ)៖</strong> នេះជាដំណឹងល្អ! សម្រាប់បងប្អូនប្រជាពលរដ្ឋខ្មែរ ព្រោះថាក្រុមហ៊ុន Royal Railway និងក្រួសួងសាធារណការ និងដឹកជញ្ជូន បានស្រុះស្រួលព្រមព្រៀងគ្នា ឲ្យដំណើរការរថភ្លើងដឹកអ្នកដំណើរពីភ្នំពេញ ទៅព្រះសីហនុ និង ពីព្រះសីហនុ មកភ្នំពេញ ពេលលេញឡើងវិញហើយ បន្ទាប់ពីរត់សាកស្បងរយៈពេល ៩ថ្ងៃ នៅថ្ងៃទី៩ ដល់ទី១៧ ខែមេសា ឆ្នាំ២០១៦រួចមក។</span></p>
<p><span style="color: #000000;">ដំណឹងល្អនេះ បញ្ជាក់ឡើងក្រោយជំនួនរវាង លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន (MPWT) ជួបពិភាក្សាការងារជាមួយលោក John Guiry នាយកប្រតិបត្តិក្រុមហ៊ុន រ៉ូយ៉ាល់ រេលវេ (Royal Railway) នៅរសៀលថ្ងៃទី២២ ខែមេសា ឆ្នាំ២០១៦នេះ ដើម្បីពិភាក្សាអំពីការផ្តល់សេវាផ្លូវដែក ពីភ្នំពេញទៅខេត្តព្រះសីហនុ។</span></p>
<p><span style="color: #000000;">ប៉ុន្តែបើទោះបីជារថភ្លើងដឹកជញ្ជូនអ្នកដំណើរនេះ នឹងត្រូវដំណើរការឡើងវិញក្តី ក៏ក្រុមហ៊ុនមិនទាន់បញ្ជាក់ពីពេលវេលាច្បាស់លាស់នៃការផ្តើមឡើងវិញនៅឡើយទេ គ្រាន់តែបញ្ជាក់ថា ក្នុងពេលឆាប់ៗនេះ។</span></p>
<p><span style="color: #000000;">យោងតាមសេចក្តីប្រកាសព័ត៌មាន របស់ក្រសួងសាធារណៈការ និងដឹកជញ្ជូន នាយកប្រតិបត្តិក្រុមហ៊ុន រ៉ូយ៉ាល់ រេលវេ លោក Guiry បានជម្រាបជូន លោកទេសរដ្ឋមន្រ្តី ស៊ុន ចាន់ថុលថា៖ សេវារថភ្លើងដឹកអ្នកដំណើរទៅមក ពីភ្នំពេញទៅខេត្តព្រះសីហនុ នឹងដំណើរការនៅថ្ងៃសុក្រ ថ្ងៃសៅរ៍ និងថ្ងៃអាទិត្យ ចេញដំណើរពីស្ថានីយ៍រាជធានីភ្នំពេញនៅម៉ោង ០៧៖០០ព្រឹក ជាមួយនឹងការឈប់សំចតនៅស្ថានីយ៍ចំនួនពីរក្នុងខេត្តតាកែវនិងកំពត។ រថភ្លើងពីខេត្តព្រះសីហនុទៅភ្នំពេញចេញដំណើរនៅម៉ោង០៧៖០០ព្រឹក ជាមួយនឹងការឈប់សំចត នៅស្ថានីយ៍ចំនួនពីរនៅក្នុងខេត្តកំពតនិងតាកែវ។ សំបុត្រធ្វើដំណើរម្តង មួយមានតម្លៃ៦ដុល្លារ។ ទូរថភ្លើងទាំងនេះអាចផ្ទុកអ្នកដំណើរបានជាង២០០នាក់ ហើយការធ្វើដំណើរអាចចំណាយពេលប្រហែល៧ម៉ោង។</span></p>
<p><span style="color: #000000;">ជាមួយគ្នានេះ ទេសរដ្ឋមន្ត្រី ស៊ុន ចាន់ថុល បានស្នើឲ្យក្រុមហ៊ុន រ៉ូយ៉ាល់ រេលវេ (Royal Railway) ធ្វើការជាមួយក្រសួងក្នុងការកំណត់ លទ្ធភាពនៃការបង្កើនល្បឿនមានសុវត្ថិភាព ដើម្បីកាត់បន្ថយពេលវេលា នៃការធ្វើដំណើរមកនៅត្រឹមប្រហែល៥ ម៉ោង។ ទេសរដ្ឋមន្ត្រីបានស្នើឱ្យក្រុមហ៊ុន វាយតម្លៃលទ្ធភាពនៃការផ្តល់សេវាដឹក រថយន្តផ្ទាល់ខ្លួនរបស់អ្នកធ្វើដំណើរនៅលើរថភ្លើង ដើម្បីឱ្យអ្នកដំណើរអាចមានរថយន្ត របស់ពួកគេប្រើប្រាស់នៅពេលដល់គោលដៅ។ លោក Guiry បានស្វាគមន៍គំនិតនេះ និងធ្វើការពិនិត្យមើលលទ្ធភាពនេះ។</span></p>
<p><span style="color: #000000;">លោក Guiry ក៏បានជម្រាបជូន លោកទេសរដ្ឋមន្រ្តី ស៊ុន ចាន់ថុល ផងដែរអំពីសេវាដឹកជញ្ជូនទំនិញទៅមក ពីខេត្តព្រះសីហនុដែលបានដំណើរការជារៀងរាល់ថ្ងៃ។ ទោះជាយ៉ាងណាក៏ដោយ ទំហំនៃការដឹកជញ្ជូនមិនទាន់ឈានដល់កម្រិតល្អប្រសើរនៅឡើយទេ។</span></p>
<p><span style="color: #000000;">លោក Guiry បានស្នើឲ្យ លោកទេសរដ្ឋមន្រ្តី ស៊ុន ចាន់ថុល ជួយលុបបំបាត់ឧបសគ្គរារាំងដល់បរិមាណនៃការដឹកជញ្ជូនទំនិញតាមផ្លូវដែកនេះ។ លោកទេសរដ្ឋមន្ត្រីបានប្តេជ្ញា ធ្វើការយ៉ាងជិតស្និទ្ធជាមួយក្រុមហ៊ុនផ្លូវដែក ដើម្បីធ្វើឲ្យប្រសើរឡើងនូវសេវារថភ្លើង ក្នុងគោលបំណងជួយកាត់បន្ថយការចំណាយ លើការដឹកជញ្ជូននៅក្នុងប្រទេសកម្ពុជា។</span></p>
<p><span style="color: #000000;">គួរបញ្ជាក់ថា កិច្ចប្រជុំនេះបានពិភាក្សាផងដែរ អំពីការស្តារឡើងវិញនូវផ្លូវរថភ្លើងភាគខាងជើង ពីរាជធានីភ្នំពេញទៅប៉ោយប៉ែត ដើម្បីតភ្ជាប់ផ្លូវដែករបស់យើង ទៅកាន់ផ្លូវដែករដ្ឋនៃប្រទេសថៃ។ លោកទេសរដ្ឋមន្រ្តី បានសន្យាពិនិត្យឡើងវិញ និងពន្លឿនការស្តារឡើងវិញនូវផ្លូវរថភ្លើងភាគខាងជើងនេះឲ្យបានឆាប់តាមដែលអាចធ្វើទៅបាន៕</span></p>
<p> </p>
<p><img src="https://scontent-kul1-1.xx.fbcdn.net/hphotos-xap1/v/t1.0-9/13015220_514373438747001_7792539658086874963_n.jpg?oh=a10b278ded7107f6fc2eed715a292ad2&oe=57724A96" alt="" width="730" /></p>
<p><img src="https://scontent-kul1-1.xx.fbcdn.net/hphotos-xlt1/v/t1.0-9/13062124_514373525413659_7425773569874271687_n.jpg?oh=2f22ba116af61082fd87243c4265d3ca&oe=57AA12BF" alt="" width="730" /></p>
<p><img src="https://scontent-kul1-1.xx.fbcdn.net/hphotos-xfa1/v/t1.0-9/13076796_514373435413668_3313612922664416738_n.jpg?oh=c45a0811c5f827749b13b7cc51d6f9dd&oe=57A66A1B" alt="" width="730" /></p>
<p><img src="https://scontent-kul1-1.xx.fbcdn.net/hphotos-xpa1/v/t1.0-9/13051683_514373532080325_961952955309431688_n.jpg?oh=cd2bd21c5e5c5746c539798ebcadc149&oe=5772F618" alt="" width="730" /></p>
<p><img src="https://scontent-kul1-1.xx.fbcdn.net/hphotos-xpa1/v/t1.0-9/13001270_514373518746993_2661902154470300139_n.jpg?oh=36558b2e1786d771c142f31b7842ed99&oe=57A48859" alt="" width="730" /></p>
<p><img src="https://scontent-kul1-1.xx.fbcdn.net/hphotos-xat1/v/t1.0-9/13083143_514373602080318_2561769997662947197_n.jpg?oh=8fee8332d7219c1391cd2fa5fe22d3d8&oe=577384B4" alt="" width="730" /></p>
<p><img src="https://fbcdn-sphotos-b-a.akamaihd.net/hphotos-ak-xap1/v/t1.0-9/13082722_514373612080317_5878586423848552005_n.jpg?oh=f1bcaf21edf554604503ff44073198af&oe=57A3A6E2&__gda__=1471344446_bbdc6416c9825107be760eae67aff3f8" alt="" width="730" /></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>