<p><span style="font-size: 12px; color: #000000;">មិនទាំងបានរយៈពេលប៉ុន្មានថ្ងៃផង ទូរសព្ទ Samsung Galaxy Note 9 បានមានវត្ដមាននៅក្នុងដៃរបស់អ្នកប្រើប្រាស់មួយចំនួនទៅហើយ ប៉ុន្ដែអ្វីដែលគួរឱ្យចាប់អារម្មណ៍ គឺម្ចាស់ទូរសព្ទម៉ូដែលថ្មីសន្លាងនេះ មួយចំនួន បានរកឃើញបញ្ហាមួយគួរឱ្យរំខានចិត្ដ។</span></p>
<p><span style="color: #000000;">តាមបណ្ដោយគែមអេក្រង់ទូរសព្ទខាងឆ្វេង អ្នកប្រើប្រាស់ បានឃើញពន្លឺចាំងៗចេញមកក្រៅ មើលទៅហាក់ដូចជាលេចធ្លាយចេញពន្លឺតាមគែមនោះអ៊ីចឹង ដែលកត្ដានេះក្លាយជាការរំខានអារម្មណ៍ ដល់អ្នកប្រើប្រាស់ទូរសព្ទ Galaxy Note 9 នេះ។ ការលេចចេញពន្លឺនេះ កើតឡើង នៅពេលដែលពន្លឺគែមអេក្រង់ជះប៉ះនឹងស៊ុមដែក។</span></p>
<p><span style="color: #000000;"><a class="thickbox" title="" href="/FileManager/Commons/2018/8/28/1-28-08-2018--16-01-05.png"><img src="/FileManager/Articles/mce/2018/8/28/1-28-08-2018--16-01-05.png" alt="" /></a><br /></span></p>
<p><span style="color: #000000;">អ្នកប្រើប្រាស់ Galaxy Note 8 និង Galaxy S9 បាននិយាយថា បញ្ហាដូចគ្នានេះ ក៏កើតមានចំពោះទូរសព្ទរបស់ពួកគេផងដែរ។ ប៉ុន្ដែបញ្ហានេះ ដូចជាមិនគួរឱ្យបារម្ភអ្វីប៉ុន្មាននោះទេ។ មានម្ចាស់ទូរសព្ទ Galaxy Note 9 មួយចំនួនជឿថា អ្វីដែលគេមើលឃើញថា ជាការលេចចេញពន្លឺនោះ ពិតណាស់គឺជាការបញ្ឆោតភ្នែក ដែលចេញមកដោយសារតែភាពកោងនៃអេក្រង់ និងចំណាំងចេញពីខាងក្នុងអេក្រង់។</span></p>
<p><span style="color: #000000;"><a class="thickbox" title="" href="/FileManager/Commons/2018/8/28/2-28-08-2018--16-01-13.png"><img src="/FileManager/Articles/mce/2018/8/28/2-28-08-2018--16-01-13.png" alt="" /></a><br /></span></p>
<p><span style="color: #000000;">បើតាមការរាយការណ៍ ក្រុមហ៊ុន Samsung កំពុងត្រួតពិនិត្យមើលលើបញ្ហានោះ ហើយនៅពេលដែលក្រុមហ៊ុនេះ ចេញសេចក្ដីថ្លែងការណ៍របស់ខ្លួនជុំវិញបញ្ហានេះ យើងនឹងជម្រាបជូនលោកអ្នកបន្ដ ៕ </span></p>
<p><span style="color: #000000;"><a class="thickbox" title="" href="/FileManager/Commons/2018/8/28/3-28-08-2018--16-01-19.png"><img src="/FileManager/Articles/mce/2018/8/28/3-28-08-2018--16-01-19.png" alt="" /></a></span></p>
<p><br /><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/8/28/mekongnet-28-08-2018--16-01-28.PNG" alt="" /></a><span style="color: #000000;"><a class="thickbox" title="" href="/FileManager/Commons/2018/8/28/3-28-08-2018--16-01-19.png"></a><br /></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ phonearena</span></p>