<p><span style="color: #000000;"><strong>(កណ្តាល)៖</strong> លោក គួយ ប៊ុនធឿន ប្រធានមន្ទីរសុខាភិបាល ខេត្តកណ្តាល បានប្រាប់អង្គភាព Fresh News នៅល្ងាចថ្ងៃនេះថា ការធ្វើតេស្តឈាមជូនដល់ប្រជាពលរដ្ឋ ភូមិពាម ឃុំសំបួរមាស ស្រុកមុខកំពូល ខេត្តកណ្តាល ដើម្បីរកមេរោគអេដស៍បានបិទបញ្ចប់ហើយនៅម៉ោង ៥៖០០ល្ងាចថ្ងៃទី២២ ខែកុម្ភៈ ឆ្នាំ២០១៦នេះ។ មានប្រជាពលរដ្ឋ ២៧៩នាក់ បានទៅធ្វើតេស្តឈាម ហើយមានពលរដ្ឋ ៤នាក់ ត្រូវបានរកឃើញថា មានផ្ទុកមេរោគអេដស៍។</span></p>
<p><span style="color: #000000;">ការធ្វើតេស្តឈាមអ្នកភូមិពាមនាពេលនេះ បានធ្វើឡើងបន្ទាប់ពីប្រជាពលរដ្ឋក្នុងភូមិនេះចំនួន ១៤នាក់ ត្រូវបានមន្ទីរពេទ្យសម្តេចឪ ក្នុងរាជធានីភ្នំពេញ បានពិនិត្យ និងរកឃើញថា ពួកគេបានឆ្លងមេរោគអេដស៍។</span></p>
<p><span style="color: #000000;">ទោះជាយ៉ាងណា មន្រ្តីសុខាភិបាលមិនទានហ៊ានអះអាងថា ពលរដ្ឋ ៤នាក់ ដែលរកឃើញផ្ទុកមេរោគអេដស៍នៅថ្ងៃនេះ គឺជាពលរដ្ឋក្នុងចំណោមពលរដ្ឋ ១៤នាក់ ដែលអះអាងដោយមន្ទីរពេទ្យសម្តេចឪថា ផ្ទុកមេរោគអេដស៍នោះ ឬយ៉ាងណា?។</span></p>
<p><span style="color: #000000;">បើតាមប្រធានមន្ទីរសុខាភិបាលខេត្តកណ្តាល បានឲ្យដឹងផងដែរថា មានប្រជាពលរដ្ឋនៅក្នុងភូមិនេះមួយចំនួនទៀត មិនទាន់មកធ្វើតេស្តឈាម ស្វែងរកមេរោគអេដស៍នៅឡើយនោះទេ៕</span></p>
<p style="text-align: center;"><span style="color: #000000;"><img src="https://fbcdn-sphotos-a-a.akamaihd.net/hphotos-ak-xpt1/v/t1.0-9/12734186_1561356117512087_7605865093843882614_n.jpg?oh=8225ff060fa677ecffaf19f44b8843da&oe=5762133C&__gda__=1462005948_4b6f14dee45848316b1e000b4df55f61" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/v/t1.0-9/10363130_1561356124178753_8594480783241036857_n.jpg?oh=81d19e4a975b70d0a1587f3bc4a125b9&oe=575E2209" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlp1/v/t1.0-9/12729173_1561356390845393_3010299892841465927_n.jpg?oh=e96cb507ba93a2116801bc5643f0c59a&oe=57280D10" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xtp1/v/t1.0-9/12715203_1561356120845420_2791579500556885203_n.jpg?oh=f64e1529a0a786d7bb7451dcde0ab9e4&oe=57583FF0&__gda__=1466130646_760ab993118179c5eee6a3737509235b" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>