<p><span style="color: #000000;">កុំព្យូរទ័រ ៖ <span style="font-size: 12px;">Avast ដែលជាក្រុមហ៊ុន ផ្គត់ផ្គង់កម្មវិធីកម្ចាត់វីរុសឈានមុខគេ បានព្រមានកាលពីថ្ងៃព្រហស្បតិ៍ប្រឆាំងនឹងការវាយប្រហារទៅលើ គ្រឿងអេឡិកត្រូនិកក្នុងផ្ទះ ដែលតភ្ជាប់បណ្ដាញអ៊ីនធឺណិត ដោយក្រើនរំលឹកថា ពួក Hacker កំពុងផ្ដោតគោលដៅគម្រាមកំហែងទៅលើ Router ក្នុងផ្ទះរបស់អតិថិជន។</span></span></p>
<p><span style="color: #000000;"> ប្រធានផ្នែកបច្ចេកវិទ្យារបស់ក្រុមហ៊ុន Avast លោក Ondrej Vlcek បាននិយាយថា មនុស្សកាន់តែច្រើនឡើង បាននិងកំពុងប្រើប្រាស់ ឧបករណ៍ ដែលអាចភ្ជាប់អ៊ិនធឺណិតបាន ដែលលោកបានរៀបរាប់ថា វាជា«សុបិនដ៏អាក្រក់ នៅពេលនិយាយដល់កត្ដាសន្ដិសុខ"។</span><br /><span style="color: #000000;"> យោងតាមក្រុមហ៊ុននេះ ដែលមានមូលដ្ឋាន នៅទីក្រុង Prague បានឱ្យដឹងថា គ្រឿងប្រើប្រាស់ ដែលងាយរងគ្រោះទាំងនោះរួមមានដូចជា ទូរទស្សន៍ ប្រព័ន្ធអូឌីយ៉ូ ម៉ាស៊ីនកាហ្វេ និងប្រដាប់ក្មេងលេង ដែលជារៀងរាល់ខែ ក្រុមហ៊ុននេះ បានចុះឈ្មោះអ្នកប្រើប្រាស់ចំនួន ៤៤៤ លាននាក់ និងការពារការវាយប្រហារមេរោគចំនួន ៣,៥ ពាន់លាន ហើយអ្នកប្រើប្រាស់ ៥០០ លាននាក់ចូលមើលគេហទំព័ដ៏គ្រោះថ្នាក់។</span></p>
<p><span style="color: #000000;">កាលពីខែកុម្ភៈ ប៉ូលីសទីក្រុងឡុងដ៍ បានចាប់ខ្លួនជនជាតិអង់គ្លេសម្នាក់ ដោយសង្ស័យថា គេធ្វើការវាយប្រហារអ៊ីនធឺណិត ទៅលើរ៉ោតទ័តាមផ្ទះជាច្រើន ដែលគ្រប់គ្រងដោយក្រុមហ៊ុនទូរគមនាគមន៍ Deutsche Telekom កាលពីខែវិច្ឆិកាឆ្នាំ ២០១៦ ដែលធ្វើឱ្យគ្រួសារអាល្លឺម៉ង់ ប្រមាណជា ១ លានគ្រួសារ ត្រូវផ្អាកប្រើអ៊ីនធឺណិត។</span><br /><span style="color: #000000;"> លោក Steckler នាយកប្រតិបត្ដិរបស់ Avast បាននិយាយថា ក្រុមហ៊ុនរបស់លោក បាន Hack ចូលទៅក្នុង Router មួយ នៅឯការតាំងបង្ហាញថ្មីមួយ នៅសហរដ្ឋអាមេរិក ដើម្បីបង្ហាញពីគ្រោះថ្នាក់ ដែលការវាយប្រហារបែបនេះ អាចធ្វើបាន។</span></p>
<p><br /><span style="color: #000000;"><a class="thickbox" title="" href="/FileManager/Commons/2017/5/19/1-19-05-2017--15-51-11.png"><span style="color: #000000;"><img src="/FileManager/Articles/mce/2017/5/19/1-19-05-2017--15-51-11.png" alt="" /></span></a></span></p>
<p><span style="color: #000000;">ក្រុមហ៊ុន Avast បានផ្លាស់ប្តូរ firmware របស់ Router គ្រប់គ្រង TV Set និងកំណត់ឱ្យទូរទស្សន៍ចាក់បញ្ចាំងតែសុន្ទរកថារបស់លោក អូបាម៉ា សារចុះឡើង។</span><br /><span style="color: #000000;"> លោក Steckler ថ្លែងថា៖ «បើទោះបីជាអ្នកបិទទូរទស្សន៍ Router ក៏នៅតែបើកទូរទស្សន៍ត្រឡប់មកវិញដដែល ហើយអ្នកប្រើមិនអាចមើលឃើញអ្វី ផ្សេងក្រៅអំពីសុន្ទរកថារបស់ លោកអូបាម៉ា ឡើយ ហើយបន្ទាប់មក ពួក Hacker នឹងអាចគ្រប់គ្រងលើទូរទស្សន៍ ហើយជម្រិតទារប្រាក់លោះ។</span></p>
<p><span style="color: #000000;">លោក បាននិយាយទាំងអស់សំណើចថា៖ "ខ្ញុំដឹងថា មនុស្សភាគច្រើន ជាពិសេសជនជាតិអាមេរិក តែងខ្វល់ច្រើនអំពីទូរទស្សន៍របស់ពួកគាត់ ជាងខ្វល់អំពីទិន្នន័យរបស់ពួកគាត់ទៅទៀត។ ពួកគាត់ប្រហែលជានឹងបង់ប្រាក់លោះលឿនជាងអ្វីផ្សេង" ។</span><br /><span style="color: #000000;"> សន្ដិសុខអ៊ីនធឺណិត បានក្លាយជាប្រធានបទក្តៅគគុក កាលពីថ្ងៃសុក្រ នៅពេលដែលការវាយប្រហារ ransomware បានវាយលុកកុំព្យូទ័រ ជាង ៣០០,០០០ គ្រឿង នៅទូទាំងពិភពលោក ធ្វើឱ្យប៉ះពាល់ដល់ សេវាសុខាភិបាលជាតិរបស់ចក្រភពអង់គ្លេស ក្រុមហ៊ុនយក្ស FedEx របស់សហរដ្ឋអាមេរិក និងបណ្តាញផ្លូវដែក Deutsche BAHN របស់ប្រទេសអាល្លឺម៉ង់៕</span></p>
<p><span style="color: #000000;"><br /><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2017/5/19/mkn-19-05-2017--15-51-28.png" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ AFP</span></p>