<p><span style="color: #000000;"><strong>កូរ៉េ៖</strong> កំពូលតារាសម្តែង រូបសង្ហា លោក Rain និងចាកចេញពីផលិតកម្ម Cube Entertainment បន្ទាប់ពីកុងត្រាពីរឆ្នាំត្រូវបានបញ្ចប់។ ព័ត៌មានពី Korea Times បានឲ្យដឹង នៅថ្ងៃទី៧ខែកញ្ញា ឆ្នាំ២០១៥នេះថា តារាម្តែងដ៏ល្បីល្បាញ វ័យ៣៣ឆ្នាំ Rain ដែលមានឈ្មោះ ពេញ Jung Ji Hoon និងមិនបន្តកុងត្រា ជាមួយផលិតកម្មCube ដែលជាទ្រនំចាស់ របស់ខ្លួននោះទេ បន្ទាប់ពីបានបញ្ចប់ នៅដើមខែកញ្ញានេះ ។</span></p>
<p><span style="color: #000000;">ប្រធានក្រុមហ៊ុន Cube Entertainment លោក Hong Seung Sung ក្រោយពីការព្រួយបារម្ភ ពីការចាកចេញ របស់Rain បានជូនពរ ដែរថា« ចាប់ផ្តើមនៅកន្លែងថ្មី ជាមួយនឹងការតាំងចិត្តថ្មី សូម ឲ្យចាប់ផ្តើមអ្វីៗ ដែលថ្មីសម្រាប់អនាគត និងជោគជ័យ»។</span></p>
<p><span style="color: #000000;">ប្រភពព័ត៌មានបាន ឲ្យដឹងទៀតថា Rain និងប្រធានក្រុមហ៊ុន Cube លោក Hong Seung Sungស្រលាញ់គ្នាដូចឪពុកនិងកូន ហើយ Cube Entertainment ក៏ជាកន្លែងដែលធ្លាប់ជួយ យិតយោង Rain បន្ទាប់ពីតារារូបនេះ បញ្ចប់កិច្ចការបម្រើទ័ព កាលពីឆ្នាំ២០១៣ ផងដែរ។ ក្រោយចប់កុងត្រា តារាតារាសម្តែង Rain នឹងចំណាយពេលវេលា ដើម្បីសាងអនាគតរបស់ខ្លួន ៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/8/35-08-09-2015--11-37-30.jpg"><img src="/FileManager/Articles/mce/2015/9/8/35-08-09-2015--11-37-30.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>