<p><span style="color: #000000;"><strong>(ភ្នំពេញ)៖ </strong>អគ្គនាយកទូរទស្សន៍ជាតិ (ទទក) លោក កឹម គុណវឌ្ឍ បានបញ្ជាក់ប្រាប់អង្គភាព Fresh News នៅមុននេះបន្តិចថា លោកបណ្ឌិត ខៀវ ថវិកា បានទទួលមរណភាព នៅវេលាម៉ោងប្រមាណ៣រសៀលថ្ងៃទី២១ ខែធ្នូ ឆ្នាំ២០១៦នេះ ដោយរោគាពាធ។</span></p>
<p><span style="color: #000000;">នៅមុននេះបន្តិចលោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានសរសេរនៅលើ Facebook ផ្លូវការរបស់លោកជាភាសាអង់គ្លេសថា ៖ Goodbye my beloved brother. I am sure now you're in the peaceful and very worryless world. Dad and Mum are there។</span></p>
<p><span style="color: #000000;">លោក កឹម គុណវឌ្ឍ បានបញ្ជាក់យ៉ាងដូច្នេះថា<strong> «លោកបណ្ឌិតបានលាពួកយើងជារៀងរហូតហើយ គ្មានថ្ងៃវិលត្រឡប់។ ស្តាយមហាស្តាយ យ៉ាងណាខ្ញុំ ទ.ទ.ក និងមន្រ្តី បុគ្គលិក សូមឧទ្ទិសជូនវិញាណក្ខន្ធ លោកបណ្ឌិត ថវិកា បានស្ងប់ និងសុខក្នុងសុគតិភព ។ ខ្ញុំស្រឡាញ់ និង ស្រឡាញ់»</strong>។</span></p>
<p><span style="color: #000000;">សូមបញ្ជាក់ថា លោកបណ្ឌិត ខៀវ ថវិកា ដែលបច្ចុប្បន្នមានអាយុជាង៥០ឆ្នាំ ជាប្អូនបង្កើតរបស់លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-21-15-28-59-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>