<p><span style="color: #000000;"><strong>(ភ្នំពេញ)៖</strong> លោកតា ស៊ុយ ចាន់ ហៅនាយ ប៉ិគួក ដែលទស្សនិកជន ធ្លាប់តែផ្ទុះសំណើច តាមរយៈការសម្ដែងនៅលើឆាកតន្ត្រី និងក្នុងភាពយន្តផ្សេងៗ កំពុងតែជួបប្រទះ នូវការខ្វះខាតយ៉ាងខ្លាំង ក្នុងកម្រិតជីវភាពរស់នៅ ប្រចាំថ្ងៃរបស់គាត់ បើទោះបីជាលោកតា បានចូលប្រឡូកក្នុងវិស័យសិល្បៈ ជាច្រើនឆ្នាំយ៉ាងណាក្ដី។</span></p>
<p><span style="color: #000000;">ក្នុងសំឡេងខ្សាវៗ និយាយមិនចង់ចេញ លោកតា ប៉ិគួក បានលើកដៃប្រណម សំពះសុំក្ដីមេត្តា ពីសប្បុរសជននានា ទាំងក្នុង និងក្រៅប្រទេស ជួយឧបត្ថម្ភដល់លោកតាផង ខណៈដែលជីវភាពរបស់គាត់ និងក្រុមគ្រួសារមានការខ្វះខាតខ្លាំង ពោលគឺរស់មួយថ្ងៃដើម្បីមួយថ្ងៃ ហើយចំណូលបានមកពីវិស័យសិល្បៈ ក៏មិនគ្រប់គ្រាន់ តាមតម្រូវការដែរ ។ ជាពិសេសនោះ លោកតាក៏កាន់តែមានវ័យចាស់ជរាណាស់ហើយ កម្លាំងពលំ ក៏ខ្សោយទៀត ពុំអាចរកចំណូលផ្គត់ផ្គង់ គ្រួសារទាំងមូលបានទៀតទេ ។</span></p>
<p><span style="color: #000000;">ក្នុងវីដេអូឃ្លីបប្រមាណជាង១នាទី ដែលបានចែកចាយក្នុងបណ្ដាញសង្គម Facebook លោកតា ប៉ិគួក បានអំពាវនាវដល់សប្បុរសជន ជួយឧបត្ថម្ភដល់រួមគាត់ ក៏ដូចជាក្រុមគ្រួសារទាំងមូល ខណៈដែលជីវភាពរស់នៅប្រចាំថ្ងៃ កំពុងតែខ្វះខាតខ្លាំង ។</span></p>
<p><span style="color: #000000;">សូមបញ្ជាក់ថា តារាកំប្លែង ប៉ិគួក ឈ្មោះ ដើម ស៊ុយ ចាន់ មានស្រុកកំណើតនៅខេត្តបាត់ដំបង ពេលនេះមានអាយុ៧២ឆ្នាំ និងមានកូនស្រីចំនួន៣នាក់។ លោកតាបានចូលបំរើវិស័យសិល្បៈ និងជាតារាកំប្លែងតាំងពីទសវត្សឆ្នាំ៦០ និងទទួលនូវភាពល្បីល្បាញគ្រាន់បើ បើប្រៀបធៀបនឹងតារាកំប្លែងជើងចាស់ដទៃទៀត។ ប៉ុន្តែរហូតមកដល់បច្ចុប្បន្នជីវភាពរបស់តារាកំប្លែងរូបនេះ នៅតែជួបការលំបាក បើទោះបីជាតារាកំប្លែងដទៃទៀត នៅកម្ពុជាកំពុងមានជីវភាពគ្រាន់បើក្តី។</span></p>
<p><span style="color: #000000;">សូមទស្សនាវីដេអូឃ្លីប នៃការអំពាវនាវរបស់លោកតា ប៉ិគួកជាមួយ ទំព័រកំសាន្ត ទាំងអស់គ្នា៖</span></p>
<div id="fb-root"></div>
<script type="text/javascript">// <![CDATA[
(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = "//connect.facebook.net/en_GB/sdk.js#xfbml=1&version=v2.3"; fjs.parentNode.insertBefore(js, fjs);}(document, 'script', 'facebook-jssdk'));
// ]]></script>
<div class="fb-video" data-allowfullscreen="1" data-href="/dina.kheav/videos/vb.100002506884974/898506516909569/?type=3">
<div class="fb-xfbml-parse-ignore">
<blockquote><a href="https://www.facebook.com/dina.kheav/videos/898506516909569/"></a>
<p>សូមជួយShareឱ្យលោកអុំផងសព្វថ្ងៃគាត់មានជីវភាពខ្វះខាត</p>
Posted by <a href="https://www.facebook.com/dina.kheav">Dina Kheav</a> on Thursday, 29 October 2015</blockquote>
</div>
</div>
<p><span style="color: #000000;"><br /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>