<p><span style="color: #000000;"><strong>(កំពង់ឆ្នាំង)៖</strong> បុរសម្នាក់បានវាយប្រពន្ធរបស់ខ្លួន រហូតដល់សន្លប់ស្ដូកស្ដឹង បាត់ស្មារតី បង្កការភ្ញាក់ផ្អើលដល់អ្នកធ្វើដំណើរតាមផ្លូវ នៅវេលាម៉ោង១៖៤០នាទី ថ្ងៃទី២៣ ខែកញ្ញា ឆ្នាំ២០១៦នេះ ត្រង់ចំណុចលើផ្លូវជាតិលេខ៥ ទល់មុខខណ្ឌរដ្ឋបាលព្រៃឈើកំពង់ឆ្នាំង ស្ថិតក្នុងភូមិទី១ សង្កាត់ខ្សាម ក្រុង-ខេត្តកំពង់ឆ្នាំង។</span></p>
<p><span style="color: #000000;">សាក្សីនៅកន្លែងកើតហេតុបានឱ្យដឹងថា គេបានឃើញស្ត្រីម្នាក់ដើរពីកើតទៅលិច លុះដល់ចំណុចកើតហេតុ គេឃើញបុរសម្នាក់ ដែលអះអាងថាជាប្តី បានវាយស្រ្តីរូបនោះបណ្តាលឱ្យដួលសន្លប់ស្តូកស្តឹង ហើយមានហូរឈាមតាមច្រមុះទៀតផង។ បុរសជាប្ដីមានឈ្មោះ ស្នា រស់នៅភូមិឃ្លាំងប្រាក់ សង្កាត់ប្អេរ ក្រុង-ខេត្តកំពង់ឆ្នាំង បានអះអាងថា រូបគេមិនបានវាយទៅលើប្រពន្ធទេ តែប្រពន្ធដើរបាត់ៗពីផ្ទះហើយបានក្រញ៉ៅមុខរបស់ខ្លួនជាប្ដីទៀតផង។</span></p>
<p><span style="color: #000000;">ក្រោយកើតហេតុ មានមនុស្សម្នាឈរចោមរោមមើលជាច្រើន ប៉ុន្តែមិនឃើញមានសមត្ថកិច្ចមកអន្តរាគមន៍ឡើយ លុះក្រោយមកទើបមានម៉ូតូគូកនមកដឹកស្ត្រីរូបនោះ ទៅព្យាបាលនៅមន្ទីរពេទ្យ៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-24-14-23-13-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-24-14-23-13-1.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>