<p><span style="color: #000000;"><strong>(កំពត)៖</strong> ផ្ទះប្រជាពលរដ្ឋអ្នកប្រកបរបរលក់គ្រឿង និងជួសជុលម៉ូតូ ត្រូវភ្លើងឆេះម៉ត់ដោយមិនដឹងមូលហេតុ គិតជាទឹកប្រាក់អស់ប្រមាណចំនួន៧ម៉ឺនដុល្លារនៅវេលាម៉ោង១២ពាក់កណ្តាលអាធ្រាត្រ ថ្ងៃទី១២ ឈានចូលថ្ងៃទី១៣ ខែធ្នូ ឆ្នាំ២០១៦ នៅចំណុច ភូមិគោគវែង ឃុំត្នោតចុងស្រង់ ស្រុកបន្ទាយមាសខេត្តកំពត ។</span></p>
<p><span style="color: #000000;">លោកវរសេនីយ៍ទោ ហែម ចាន់ដារ៉ា មេបញ្ជាការរង ជាប្រធានមន្ទីរយុត្តិធម៌(អហ)ខេត្តកំពត បានប្រាប់ឲ្យដឹងថា ជនរងគ្រោះជាម្ចាស់ផ្ទះ ឈ្មោះ ក្រុល សាត ភេទប្រុសអាយុ៣០ឆ្នាំ មុខរបរជាងជួសជុល និងលក់គ្រឿងម៉ូតូ មានទីលំនៅភូមិ ឃុំ កើតហេតុខាងលើ។</span></p>
<p><span style="color: #000000;">លោកវរសេនីយ៍ទោបានបន្ថែមទៀតថា សម្ភារខូចខាត និងបាត់បង់ដោយសារភ្លើងឆេះនោះ រួមមាន៖ ផ្ទះឈើលាយដែកប្រក់សង្កសី ទំហំ១២×១៥ម៉ មួយខ្នង,រថយន្តកាមរីបាឡែន០១គ្រឿង និង គ្រឿងបន្លាស់ កង់ ម៉ូតូ នឹងសម្ភារ:ក្នុងផ្ទះទាំងស្រុង សរុបឋវិកាប្រមាណ ៧០.០០០$។</span><br /> </p>
<p><span style="color: #000000;">បច្ចុប្បន្ន កម្លាំងអាវុធហត្ថ បាន និងកំពុងសហការគ្នាជាមួយកម្លាំងនគរបាលជំនាញ ធ្វើការស្រាវជ្រាវរកមូលហេតុបង្កឲ្យកើតឆេះផ្ទះនេះហើយ៕</span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-13-15-51-56-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-13-15-51-56-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-13-15-51-56-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>