<p><span style="color: #000000;"><strong>(ភ្នំពេញ)៖</strong> ដើម្បីមានភាពងាយស្រួល ដល់បងប្អូនប្រជាពលរដ្ឋខ្មែរទូទាំងប្រទេស រឿងធ្វើអត្តសញ្ញាណប័ណ្ណនៅតាមមូលដ្ឋាន ដែលជាបញ្ហាដ៏ស្មុគស្មាញប្រចាំថ្ងៃនោះ នៅពេលនេះក្រសួងមហាផ្ទៃ បានដាក់វិធានការថ្មីមួយទៀត គឺការដាក់លេខទូរស័ព្ទសម្រាប់ទំនាក់ទំនង នៅតាមស្នងការដ្ឋាននគរបាលរាជធានី-ខេត្តទាំង២៥ បូករួមទាំងលេខទូរស័ព្ទ របស់មន្រ្តីនគរបាលនៅនាយកដ្ឋានអត្តសញ្ញាណប័ណ្ណផងដែរ។</span></p>
<p><span style="color: #000000;">សូមបញ្ជាក់ថា រឿងធ្វើអត្តសញ្ញាណប័ណ្ណនេះ បានក្លាយជាប្រធានបទមួយដ៏ក្តៅមួយ សម្រាប់ប្រជាពលរដ្ឋខ្មែរ មួយចំនួនធំផងដែរ ដោយសារតែពួកគេ មហាសែនពិបាកក្នុងការទទួលសេវានៃការធ្វើអត្តសញ្ញាណប័ណ្ណ។ អ្នកខ្លះខំទៅថត ទៅធ្វើតែត្រូវរង់ចាំរយះពេលដ៏យូរ ខ្លះមួយឆ្នាំ និងខ្លះទៀតរហូតដល់២ទៅ៣ឆ្នាំក៏មាន។ អ្នកខ្លះទៀតបានរអ៊ូរទាំថា នៅពេលទៅធ្វើម្តងៗ គឺត្រូវចំណាយលុយលើសអ្វីដែលរដ្ឋបានកំណត់ទៀតផង។ ដោយសារតែមានភាពស្មុគស្មាញបែបនេះហើយ ទើបប្រជាពលរដ្ឋបានរៀបរាប់នូវបញ្ហានេះ ជូនទៅនាយករដ្ឋមន្រ្តី សម្តេចតេជោ ហ៊ុន សែន តាម Facebook រហូតសម្តេចបានបញ្ជាឲ្យក្រសូងមហាផ្ទៃត្រូវចាត់ការរឿងនេះជាបន្ទាន់។</span></p>
<p><span style="color: #000000;">ក្រសួងមហាផ្ទៃ ក៏បានបង្ហាញនូវគេហទំព័រដើម្បីឲ្យប្រជាពលរដ្ឋអាចចូលទៅសួរនាំបានតាមរយៈគេហទំព័រ www.gdi.gov.kh និង Facebook Page <a href="https://www.facebook.com/gdi.gov.kh/"><span style="color: #000000;">https://www.facebook.com/gdi.gov.kh/</span></a>។ ខាងក្រោមនេះ ជាលេខទូរស័ព្ទសម្រាប់ទំនាក់ទំនង បើសិនមានចម្ងល់ណាមួយចំពោះរឿងអត្តសញ្ញាណប័ណ្ណនេះ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/19/2-19-05-2016--08-15-37.png"><img src="/FileManager/Articles/mce/2016/5/19/2-19-05-2016--08-15-37.png" alt="" /></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>