<div class="item-page">
<p><span style="color: #000000;"><strong>(កំពង់ធំ)៖</strong> ស្តូបមិត្តភាពកម្ពុជា-វៀតណាម និងសួនច្បារដំរីជាន់ខ្លា ស្ថិតនៅកណ្ដាលក្រុងស្ទឹងសែន ខេត្តកំពង់ធំ បានបើកការជួសជុលប្រើរយៈពេល៦ខែ ដោយចំណាយអស់ទឹកប្រាក់ ជាង៥ម៉ឺនដុល្លារ ក្រោមកិច្ចខិតខំជួសជួលរបស់រដ្ឋបាលខេត្តកំពង់ធំ និងក្រុមប្រឹក្សារណសិរ្សសាមគ្គីអភិវឌ្ឍន៍មាតុភូមកម្ពុជា។</span></p>
<p><span style="color: #000000;">សំណង់អនុស្សាវរីយ៍ទាំងពីរនេះ ត្រូវបានបើកសម្ពោធជាផ្លូវការ នៅថ្ងៃទី០៤ ខែមករា ឆ្នាំ២០១៧ ក្រោមអធិបតីភាព លោក ញ៉ែម វ៉ាលី អនុរដ្ឋលេខាធិការក្រសួងធម្មការ និងសាសនា និងជាអគ្គលេខាធិការស្តីទី ក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា ដោយមានការចូលរួមពី លោក អ៊ុត សំអន អភិបាលខេត្តកំពង់ធំ លោកឧត្តមសេនីយ៍ទោ ដុ កាន់ អនុប្រធានទទួលបន្ទុកអគ្គនាយកនយោបាយវៀតណាម និងមន្រ្តីពាក់ព័ន្ធ ជាង៥០០នាក់។</span></p>
<p><span style="color: #000000;">លោក អ៊ុត សំអន បានឲ្យដឹងថា ការជួសជុលសំណង់អនុស្សាវរីយ៍ទាំងពីរនេះ ធ្វើឡើងចាប់ពីថ្ងៃទី២២ ខែមេសា ឆ្នាំ២០១៦ ដល់ថ្ងៃទី២០ ខែតុលា ឆ្នាំ២០១៦ ដោយចំណាយអស់ថវិកា ជាង៥ម៉ឺនដុល្លារ។</span></p>
<p><span style="color: #000000;">លោក ញ៉ែម វ៉ាលី បានថ្លែងអំណរគុណដល់កងទ័ពស្ម័គ្រចិត្តវៀតណាម ដែលបានជួយរំដោះប្រជាពលរដ្ឋខ្មែរ ឲ្យរួចផុតពីរបបប្រល័យពូជសាសន៍ ទង្វើទាំងអស់នេះ ធ្វើឲ្យប្រជាជនកម្ពុជាមិនអាចបំភ្លេចបាន នូវភាពរស់រានឡើងវិញ ដោយសារគុណូបការៈ។</span></p>
<p><span style="color: #000000;">លោក ដុ កាន់ ក៏បានថ្លែងអំណរគុណ ដល់ក្រុមប្រឹក្សារណសិរ្សសាមគ្គីអភិវឌ្ឍន៍មាតុភូមកម្ពុជា និងអាជ្ញាធរខេត្តកំពង់ធំដែលបានតែងតែយកចិត្តទុកដាក់ទទួលស្វាគមន៍ប្រទេសវៀតណាម ក្នុងការជីករុករកអដ្ឋិធាតុកងទ័ពស្ម័គ្រចិត្តវៀតណាម ដែលបានពលីជីវិតនៅកម្ពុជា និងមានកិច្ចសហការមិត្តភាពល្អ ព្រមទាំងបានកសាងនូវស្តូបអានុស្សាវរីយ៍នេះ៕</span></p>
<p><span style="color: #000000;"><img src="http://image.freshnewsasia.com/2017/January/fn-2017-01-04-18-30-28-0.png" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/January/fn-2017-01-04-18-30-28-1.png" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/January/fn-2017-01-04-18-30-28-2.png" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/January/fn-2017-01-04-18-30-29-3.png" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/January/fn-2017-01-04-18-30-29-4.png" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/January/fn-2017-01-04-18-30-29-5.png" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/January/fn-2017-01-04-18-30-29-6.png" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>
</div>