<p><span style="color: #000000;"><strong>(ចិន)៖</strong> បុរសជនជាតិចិនម្នាក់ ត្រូវបានគេចំអកឡកឡឺយ បន្ទាប់ពីគាត់បានចំណាយប្រាក់ អស់រាប់ពាន់ដុល្លារ ដើម្បីពង្រីកដើមទ្រូង ឲ្យមើលទៅដូចជានារី។ បុរសអាយុ៣០ឆ្នាំ ឈ្មោះ Ho រស់នៅទីក្រុង Zhuzhou បាននិយាយថា គាត់ពង្រីកដើមទ្រូង ដោយសារតែខ្លួន មិនអាចស្វែងរកការងារធ្វើ ហើយគាត់បានចំណាយប្រាក់ ប្រមាណ៦០០០ដុល្លារឲ្យគ្រូពេទ្យជំនាញ នៅឯមន្ទីរពេទ្យ Ruilan Medical Cosmetic កែដើមទ្រូង ឲ្យដូចស្រី ដើម្បីងាយស្រួលរកការងារធ្វើ ព្រោះជាមនុស្សប្រុស ពិបាកនឹងស្វែងរកការងារធ្វើណាស់។</span></p>
<p><span style="color: #000000;">អ្វីដែលគួរឲ្យហួសចិត្តនោះ គឺ Ho បានទទួលប្រាក់កម្ចី ក្នុងការវះកាត់ កែដើមទ្រូងនេះ ចំណែកម្តាយរបស់លោក នៅពេលដែលដឹងរឿងនេះ មានអារម្មណ៍រន្ធត់ចិត្តណាស់ ហើយគាត់ក៏ចាប់ផ្តើមយំ ដោយមិនចង់ឲ្យកូនប្រុស ទៅកែដើមទ្រូងធំ មើលទៅដូចជាមនុស្សស្រីឡើយ។</span></p>
<p><span style="color: #000000;">ទោះបីជាយ៉ាងណា Ho បានសម្រេចចិត្ត ឲ្យគ្រូពេទ្យជំនាញធ្វើការកែដើមទ្រូង ព្រោះតែគាត់អស់លទ្ធភាព នឹងរកការងារធ្វើបាន ហើយក្រោយពីធ្វើបែបនេះរួច ក្រុមគ្រួសារលោកក៏គំរាមកាត់កាល លែងទទួលស្គាល់ Ho ផងដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2016/10/7/20a-07-10-2016--16-23-47.jpg"><img src="/FileManager/Articles/mce/2016/10/7/20a-07-10-2016--16-23-47.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>