<p><span style="color: #000000;"><strong>(កណ្តាល)៖</strong> កុមារីអាយុ៨ឆ្នាំម្នាក់ ត្រូវបានអ្នកជិតឮសំឡេងស្រែក ខណៈយុវជនជាអ្នកឃ្វាលគោម្នាក់ ចាប់រំលោភនៅកណ្តាលវាលស្រែ ស្ងាត់ រួចបានឃាត់ខ្លួនយុវជនសង្ស័យ ប្រគល់ឲ្យនគរបាល និងបានជួយកុមារីរងគ្រោះ ឲ្យរួចផុតពីក្រញាំតណ្ហាជនសង្ស័យផងដែរ។</span></p>
<p><span style="color: #000000;">ហេតុការណ៍នេះកើតឡើងនៅម៉ោង ១២៖០០នាទី ថ្ងៃទី១៥ ខែកុម្ភៈ ឆ្នាំ២០១៦ ស្ថិតនៅចំណុចទួលចាន់ទឹក ក្នុងភូមិព្រែកលោក ឃុំព្រែកស្តី ស្រុកកោះធំ ខេត្តកណ្តាល។</span></p>
<p><span style="color: #000000;">កុមារីរងគ្រោះឈ្មោះ រ.ធ.រ ភេទស្រី អាយុ៨ឆ្នាំជាសិស្ស មានទីលំនៅក្នុងភូមិឃុំកើតហេតុខាងលើ។ ជនសង្ស័យឈ្មោះ កង ណូ ភេទ ប្រុស អាយុ២៤ឆ្នាំ មុខរបរកសិករ រស់នៅក្នុងភូមិឃុំកើតហេតុជាមួយគ្នា។</span></p>
<p><span style="color: #000000;">នគរបាលបានឲ្យដឹងថា មុនពេលកើតហេតុជនសង្ស័យ បានយកគោទៅឃ្វាល នៅចំណុចត្រពាំងធំ ក្នុងបរិវេណទួលចាន់ទឹក ពេលចងគោហើយ បានវិលត្រឡប់មកផ្ទះ មួយសន្ទុះក៏វិលត្រឡប់ទៅកន្លែងចងគោវិញ ពេលនោះក៏បានជួបនឹងក្មេងស្រីរងគ្រោះកំពុង នៅកន្លែងនោះដែរ ដោយឃើញឱកាសស្ងាត់ ជនសង្ស័យបានធ្វើសកម្មភាព ចាប់ក្មេងស្រីស្រាតខោរួចផ្តួល ទៅនឹងដីឡើងជិះពីលើ យកដៃខ្ទុប់មាត់ក្មេងកុំអោយស្រែក ប៉ុន្តែជនរងគ្រោះបានរើបំរះ ស្រែកយ៉ាងខ្លាំង ស្របពេលនោះមានឈ្មោះ នាថ ភេទស្រី ដែលជា</span><br /><span style="color: #000000;">ប្រជាពលរដ្ឋនៅក្បែរនោះដែរ បានឮសំឡេងស្រែកឲ្យជួយ ក៏ដើរមកមើល ស្រាប់ឃើញជនសង្ស័យ និងក្មេងស្រីរងគ្រោះក្នុងស្ថានភាព ននលគក ក៏បានឃាត់ខ្លួនជនសង្ស័យ ប្រគល់ឲ្យនគរបាល នាំខ្លួនមកកាន់ប៉ុស្ដិ៍រដ្ឋបាល ដើម្បីសាកសួរនិងបញ្ជូនបន្ត មកកាន់អធិការដ្ឋាន ដើម្បីចាត់ការទៅតាមនីតិវិធី៕</span></p>
<p><span style="color: #000000;"><a class="thickbox" title="" href="/FileManager/Commons/2016/2/16/18-16-02-2016--11-22-00.jpg"><img src="/FileManager/Articles/mce/2016/2/16/18-16-02-2016--11-22-00.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>