<p><span style="color: #000000;"><strong>(វ៉ាស៊ីនតោន)៖</strong> យោងទៅតាមប្រភពព័ត៌មាន វិទ្យាសាស្រ្ត Science Daily នាថ្ងៃទី១២ ខែធ្នូ ឆ្នាំ ២០១៦ បានឲ្យដឹងថា ពពួកស្វាឪអាចញញឹម យ៉ាងស្ងាត់ស្ងៀម ដូចជាមនុស្សដែរ។</span></p>
<p><span style="color: #000000;">យោងទៅតាមការសិក្សាថ្មី ដែលត្រូវបានចុះផ្សាយនៅក្នុងទស្សនាវដ្តី PLOS ONE របស់សហរដ្ឋអាមេរិកបានបង្ហាញថា ការប្រាស្រ័យទាក់ទងគ្នា របស់ពពួកស្វាឪ មានលក្ខណៈស្រដៀង នឹងមនុស្ស។</span></p>
<p><span style="color: #000000;">ដោយឡែក នាយកនិពន្ធនៃមហាវិទ្យាល័យ Portsmouth អ្នកស្រី Marina Davila-Rossបាននិយាយថា មនុស្សមានភាពប្រែប្រួល ដើម្បីបង្ហាញស្នាមញញឹមរបស់ពួកគេ ទាំងពេលនិយាយ និងពេលសើច។ អ្នកស្រី Marina Davila-Ross ក៏បានបន្តទៀតថា នេះគឺជាសមត្ថភាពក្នុងការផ្លាស់ប្តូរទឹកមុខ ដែលអាចធ្វើឲ្យមានទំនាក់ទំនងល្អ ជាមួយនឹងអ្នកដទៃ។</span></p>
<p><span style="color: #000000;">ទោះបីជាយ៉ាងណាក្តី រហូតដល់បច្ចុប្បន្នពួកយើង មិនទាន់ដឹងនៅឡើយទេថា ពពួកស្វាឪអាចមានសមត្ថភាព ប្រែប្រួលទឹកមុខដូចជាមនុស្សដែរឬអត់។ ម្យ៉ាងវិញទៀត នៅក្នុងការសិក្សាថ្មី អ្នកស្រី Davila-Ross និង ក្រុមការងាររបស់គាត់បានថតរូបរបស់ស្វាឪ ចំនួន ៤៦ក្បាល នៅឧស្យានសត្វព្រៃ Chimfunshiនៃសាធារណរដ្ឋ ហ្សាមប៊ៀរ ក្នុងអាហ្វ្រិចខាងត្បូង ដើម្បីធ្វើការសិក្សាអំពីការប្រែប្រួល ទឹកមុខរបស់ពួកវា។</span></p>
<p><span style="color: #000000;">ជាក់ស្តែង ការសិក្សានេះបានបង្ហាញថា ស្វាឪទាំងនោះបាន បង្ហាញស្នាមញញឹមដូចគ្នាចំនួន ១៤ប្រភេទ ដោយពពួកមិនបានបញ្ចេញសំលេងអ្វីទាំងអស់។ ជាមួយគ្នានេះដែរ ក្រុមអ្នកស្រាវជ្រាវបាននិយាយថា ទឹកមុខពេលសើចរបស់មនុស្ស មានលក្ខណៈដូចទៅនឹងទឹកមុខ សើចបើកមាត់របស់ពពួកស្វាឪដែរ។</span></p>
<p><span style="color: #000000;">តែទោះបីជាយ៉ាងណាក្តី ក៏នៅតែមានភាពខុសគ្នា មួយចំនួនរវាង មនុស្ស និង សត្វស្វាឪ៕</span></p>
<p><span style="color: #000000;"><img class="irc_mi iAXuM2iP9v3g-pQOPx8XEepE" src="http://ichef.bbci.co.uk/wwfeatures/wm/live/1280_640/images/live/p0/2t/fj/p02tfjrm.jpg" alt="លទ្ធផលរូបភាពសម្រាប់ Like humans, chimps can smile silently: study" width="786" height="393" /></span></p>
<p><span style="color: #000000;"><img class="irc_mi iAXuM2iP9v3g-pQOPx8XEepE" src="http://i.dailymail.co.uk/i/pix/2014/05/06/article-0-0242A040000005DC-337_634x389.jpg" alt="លទ្ធផលរូបភាពសម្រាប់ Like humans, chimps can smile silently: study" width="734" height="400" /></span></p>
<p><span style="color: #000000;"><img class="irc_mi iAXuM2iP9v3g-pQOPx8XEepE" src="http://i.dailymail.co.uk/i/pix/2012/06/01/article-0-1366EF33000005DC-603_634x441.jpg" alt="លទ្ធផលរូបភាពសម្រាប់ Like humans, chimps can smile silently: study" width="765" height="393" /></span></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>