<p><span style="color: #000000;"><strong>(វ៉ាស៊ីនតោន)៖</strong><span> ប្រធានាធិបតីអាមេរិក លោក បារ៉ាក់ អូបាម៉ា បានប្រកាសថា សហរដ្ឋអាមេរិក មិនបានចំណាយប្រាក់ ៤០០លានដុល្លារ </span>ដើម្បីលោះយកចំណាប់ខ្មាំងពីអ៉ីរ៉ង់ ដូចការចោទប្រកាន់ពីសារព័ត៌មានមួយចំនួននោះឡើយ ហើយវាក៏មិនមែនជារឿងសម្ងាត់អ្វី ដែលត្រូវលាក់បាំងនោះដែរ។ នេះបើតាមការចេញផ្សាយនៅមុននេះបន្តិច ដោយវែបសាយ VOX នារសៀលថ្ងៃសុក្រ ទី០៥ ខែសីហា ឆ្នាំ២០១៦។</span></p>
<p><span style="color: #000000;"><a class="thickbox" title="" href="/FileManager/Commons/2016/8/6/12-06-08-2016--10-04-26.jpg"><img src="/FileManager/Articles/mce/2016/8/6/12-06-08-2016--10-04-26.jpg" alt="" /></a><br /></span></p>
<p><span style="color: #000000;">គួរបញ្ជាក់ថា កាលពីថ្ងៃទី១៧ ខែមករា ដើមឆ្នាំ២០១៦នេះ សារព័ត៌មានអន្តរជាតិមួយចំនួនបានចេញផ្សាយថា ប្រអប់ឈើមួយចំនួន ត្រូវបានគេបញ្ជូនមកដល់ ព្រលានយន្តហោះ Mehrabad នៃទីក្រុងតេហេរ៉ង់ ប្រទេសអ៊ីរ៉ង់។ អំណោយជាប្រអប់ទាំងនោះ ត្រូវបានគេជឿជាក់ថាមានបង្កប់នូវសាច់ប្រាក់ ៤០០លានដុល្លារសហរដ្ឋអាមេរិកហើយ ដែលប្រភពរបស់វានោះ គឺមកពីសហរដ្ឋអាមេរិក។</span></p>
<p><span style="color: #000000;">ការចោទប្រកាន់ជាច្រើនត្រូវបានធ្វើឡើង ដោយមន្ត្រីគណបក្សប្រឆាំងនៅអាមេរិក ដូចជាលោក Paul Ryan និង Donald Trump ជាដើម បានធ្វើការចោទប្រកាន់លើ រដ្ឋបាលប្រធានាធិបតីលោក បារ៉ាក់ អូបាម៉ា ថាបានរៀបចំការ ដោះដូរដោយសម្ងាត់ជាមួយនឹងរដ្ឋាភិបាលអ៉ីរ៉ង់ ដើម្បីដោះលែងអ្នកទោសជនជាតិអាមេរិក ដែលត្រូវបានអ៉ីរ៉ង់កាត់ទោសនោះ។ ការបញ្ជូនប្រអប់សម្ងាត់នោះ បានកើតឡើងចំថ្ងៃដូចគ្នាដែលជនជាតិអាមេរិក ដែលបានជាប់ឃុំនៅ អ៉ីរ៉ង់ ត្រូវបានអាជ្ញាធរប្រទេសមួយនេះ សម្រេចដោះលែងវិញដូចគ្នា។</span></p>
<p><span style="color: #000000;">យ៉ាងណាក៏ដោយ ការចោទប្រកាន់របស់ប្រធានរដ្ឋសភាអាមេរិក លោក Paul Ryan ត្រូវបានកាសែត Wall Street Journal អះអាងថាខុស ព្រោះការបង់ប្រាក់របស់អាមេរិកខាងលើនេះ គឺជាលទ្ធផលនៃការកាត់ក្តីរបស់តុលាការ អន្តរជាតិលើករណីកាលពី ៣៥ឆ្នាំមុន ហើយវាគ្មានអ្វីពាក់ព័ន្ធនឹងការដោះលែងជនជាតិអាមេរិក នោះទេ។ វាជារឿង ងាយយល់នោះទេ ព្រោះការបង់ប្រាក់របស់អាមេរិក ទៅអ៉ីរ៉ង់នោះគឺជាការសងត្រឡប់ទៅវិញ ក្រោយពីខ្លួនមិនបានបំពេញ ទៅតាមកិច្ចព្រមព្រៀងលក់អាវុធទៅឲ្យអ៉ីរ៉ង់ ចាប់តាំងពីសម័យបដិវត្តន៍ អ៉ីរ៉ង់ឆ្នាំ ១៩៧៩ មកនោះ៕</span></p>
<p><span style="color: #000000;"><br /><br /></span></p>
<p style="text-align: right;"><span style="color: #000000;">ប្រភព ៖ វីអូអិច</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>