<p><span style="color: #000000;"><strong>(ភ្នំពេញ)៖</strong> សពលោក បណ្ឌិត កែម ឡី នឹងដង្ហែរទៅកាន់ខេត្តតាកែវនៅថ្ងៃអាទិត្យទី១៧ ខែកក្កដា ឆ្នាំ២០១៦ ដោយមានក្បួនរថយន្ត និងថ្មើរជើង តាមផ្លូវសំខាន់ៗមួយចំនួន។ចំណែក ពិធីបុណ្យ៧ថ្ងៃ នឹងធ្វើនៅថ្ងៃសុក្រទី១៥ ខែកក្កដា ឆ្នាំ២០១៦។ នេះបើយោងតាម Facebook Page របស់លោក កែម ឡី ដែលបានផ្សព្វផ្សាយឲ្យដឹងនៅមុននេះបន្តិច។</span></p>
<p><span style="color: #000000;">Facebook Page ផ្លូវការរបស់លោក កែម ឡី បានបង្ហោះឲ្យដឹងថា <strong>«ពិធីបុណ្យ៧ថ្ងៃ នឹងធ្វើនៅថ្ងៃសុក្រទី១៥ ខែកក្កដា ឆ្នាំ២០១៦។ កម្មវិធីលំអិតនឹង ជម្រាបជូននៅពេលក្រោយ។កម្មវិធីដង្ហែរសព៖ សពនឹងដង្ហែរទៅកាន់ខេត្តតាកែវនៅថ្ងៃអាទិត្យទី១៧ ខែកក្កដា ឆ្នាំ២០១៦។ ក្បួននឹងចេញដំណើរចេញ ពីវត្តចាស់ម៉ោង៧ ព្រឹក ដោយក្បួនរថយន្ត និងថ្មើរជើង តាមផ្លូវមុន្នីវង្ស-សហព័ន្ឋរុស្សី-ដល់រង្វង់ មូលចោមចៅ ទើបបន្ថែមល្បឿនយានយន្ត ដំណើរឆ្ពោះទៅខេត្តតាកែវតាមផ្លូវជាតិលេខ៣។ លុះដល់អង្គតាសោម ក្បួនហែរនឹងបន្ថយល្បឿនដោយដំណើរយឺត នឹងថ្មើរជើងវិញរហូត ដល់គោលដៅ នៅភូមិអង្គតាកុប ឃុំលាយបូរ ស្រុកត្រាំកក់ ខេត្តតាកែវ»</strong>។</span></p>
<p><span style="color: #000000;">គួរបញ្ជាក់ថា នៅក្នុងពិធីបុណ្យសពនោះក៏មាន ព្រះសង្ឃនៅក្រៅប្រទេសមួយព្រះអង្គ បានឧបត្ថម្ភគ្រែទឹកកក ជូនដល់គ្រួសារសព ដើម្បីទុករក្សាសាកសព លោក កែម ឡី ផងដែរ។</span></p>
<p><span style="color: #000000;">កន្លងមកគ្រួសារលោក កែម ឡី នៅមិនទាន់ច្បាស់ថា នឹងបញ្ចុះថ្ងៃណាឡើយ។ ប៉ុន្តែអ្នកគាំទ្រលោក កែម ឡី នៅតែទទូចស្នើសុំឲ្យគ្រួសារសព បន្តរក្សាសាកសព លោក កែម ឡី ទៀត ដើម្បីឲ្យបងប្អូនប្រជាពលរដ្ឋ អាចមកអុកធូប និងគោរពវិញ្ញាណក្ខន្ធបានក្នុងរយៈពេលយូរទៀត៕</span></p>
<p><span style="color: #000000;"><img src="http://image.freshnewsasia.com/2016/020/fn-2016-07-13-17-54-27-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>