<p><span style="color: #000000;"><strong>(សៀងហៃ)៖</strong> ក្លឹបបាល់ទាត់អាជីព Shanghai របស់ចិន បានកំពុងត្រៀមកញ្ចប់ថវិកាច្រើនមហាសាល ៧៤លានដុល្លារ (ប្រមាណ ៦០លានផោន) ដើម្បីទិញកីឡាករខ្សែបម្រើប្រយុទ្ធ Oscar ពីក្លឹបតោខៀវ Chelsea ក្នុងអំឡុងទិញ-ដូរកីឡាករនាខែមករា ឆ្នាំ២០១៧ ខាងមុខនេះ។</span></p>
<p><span style="color: #000000;">តាមរយៈសារព័ត៌មាន BBC របស់អង់គ្លេសបានចេញផ្សាយនៅព្រឹកថ្ងៃពុធ ទី២១ ខែធ្នូ ឆ្នាំ២០១៧ នេះថា កីឡាករវ័យ ២៦ឆ្នាំ ជនជាតិប្រេស៊ីល អាចនឹងក្លាយជាកីឡាករទី៣ ដែលមានតម្លៃខ្លួនថ្លៃបំផុតដែល ផ្លាស់ទៅលេងក្នុងលីគកំពូល របស់ចិន ដោយនឹងទទួលបានប្រាក់ពលកម្មជាតិ ៥០ម៉ឹនដុល្លារក្នុង១សប្តាហ៍។</span></p>
<p><span style="color: #000000;">តែយ៉ាងណាក៏ដោយ ការផ្ទេរនេះអាចនឹងកើតមានឡើង គ្រាដែលកីឡាករវ័យក្មេង Oscar មិនសូវបានគ្រូបង្វឹកថ្មី Antonio Conte ដាក់ចូលលេងនោះទេនារដូវកាលនេះ បន្ទាប់ពីខ្សែប្រយុទ្ធ Diego Costa កំពុងតែឡើងជើងខ្លាំង និងបានជួយឲ្យក្លឹបឈរនៅកំពូលតារាងដាច់ ៦ពិន្ទុនោះ។</span></p>
<p><span style="color: #000000;">Oscar នឹងក្លាយជាកីឡាករទី៦ ដែលបានចាកចេញពីទឹកដីអឺរ៉ុប ផ្លាស់មកលេងនៅទឹកដីទ្វីបអាស៊ីវិញ ជាមួយនឹងកីឡាករឆ្នើមៗរបស់ពិភពលោកមានដូចជា Hulk, Alex Teixeira, Jackson Martinez, Ramires និងកីឡាករ Elkeson ជាដើម៕</span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-21-11-26-52-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-21-11-27-03-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>