<p><span style="color: #000000;"><strong>(ភ្នំពេញ)៖</strong> យោងតាមបណ្តឹងនៅសមត្ថកិច្ចខណ្ឌពោធិ៍សែនជ័យ បានបញ្ជាក់ឲ្យដឹងនៅថ្ងៃទី១៦ ខែវិច្ឆិកានេះថា ជនរងគ្រោះជិះរថយន្តព្រុសឈ្មោះ ខែម ប៊ុនឃីម ភេទប្រុស ៣២ឆ្នាំ បានសម្រេចដាក់ពាក្យបណ្តឹងប្តឹងមនុស្សប្រហែល១០នាក់ ដែលបានជិះរថយន្ត៤គ្រឿង, ដោយក្នុងនោះមានរថយន្តមួយគ្រឿងពាក់ស្លាកលេខ៖ <strong>ភ្នំពេញ 2AL.7397 មានកាំភ្លើងខ្លី២ដើម អត់ស្គាល់ម៉ាក</strong>។ ចំណែកជនរងគ្រោះមិនបានអះអាងថា ម្ចាស់រថយន្តពាក់ស្លាកលេខ 2AP.9090 មានកាំភ្លើង ដូចគេឃើញក្នុងវិដេអូនោះទេ។</span></p>
<p><span style="color: #000000;">លោក ខែម ប៊ុនឃីម បានបញ្ជាក់នៅក្នុងពាក្យបណ្តឹងយ៉ាងដូច្នេះថា <strong>«សំណើសុំប្តឹងជនសង្ស័យមានគ្នាប្រហែល១០នាក់ ភេទប្រុស ជិះរថយន្តបួនគ្រឿង មានមួយគ្រឿង ម៉ាកកាមរីបាឡែន ពណ៌ស ស៊េរី២០០៣ ពាក់ស្លាក់លេខ 2AL.7397 ភ្នំពេញ មានអាវុធខ្លីពីរដើមអត់ស្គាល់ម៉ាក បានធ្វើសកម្មភាពវ៉ែមកលើខ្ញុំ របួសធ្ងន់ធ្ងរ និងខូចរថយន្តកាលពីម៉ោង ២៣៖០០នាទី ថ្ងៃទី១១ ខែវិច្ឆិកា ឆ្នាំ២០១៦»</strong>។ </span></p>
<p><span style="color: #000000;">កាលពីម្សិលមិញបុរសម្នាក់ដែលជាម្ចាស់រថយន្ត 2AP.9090 បានស្នើសុំការបំភ្លឺជូនសារធារណជនថា ខ្លួនមិនបានប្រើប្រាស់កាំភ្លើងដូច្នេះគេបង្ហោះលើ បណ្តាញសង្គមនោះទេ ប៉ុន្តែរូបគាត់បានអះអាងថា គាត់ពិតជាបានចូលរួមក្នុងហេតុការណ៍នោះមែន។ ប៉ុន្តែការចេញផ្សាយព័ត៌មាននេះត្រូវបានបងប្អូន នៅលើបណ្តាញមួយចំនួនមើលច្រឡំថា «នៅក្នុងហេតុការណ៍នោះមិនបានប្រើប្រាស់កាំភ្លើងទៅវិញ, ការពិតអត្តបទព័ត៌មានម្សិលមិញរបស់ Fresh News គ្រាន់តែជាការបំភ្លឺរបស់ម្ចាស់រថយន្ត 2AP.9090 តែបុគ្គលម្នាក់ប៉ុណ្ណោះថា <strong>«ខ្លួនមិនមានកាំភ្លើងទេ គឺអ្នកផ្សេងទេជាអ្នកប្រើកាំភ្លើង»</strong>។</span></p>
<p><span style="color: #000000;"><strong>* ទោះបីយ៉ាងណា ស្នើសុំអាជ្ញាធរមានសមត្ថកិច្ច ចាត់វិធានការតាមផ្លូវច្បាប់ចំពោះការប្រព្រឹត្តិអំពើហិង្សាវាយតប់បែបនេះ ដើម្បីសណ្តាប់ធ្នាប់សង្គម៕</strong></span></p>
<p><span style="color: #000000;"><img src="https://scontent-hkg3-1.xx.fbcdn.net/v/t1.0-9/15095690_1690078391306525_1238051330009749806_n.jpg?oh=9a0d951f5340c810826fb65bd51941a3&oe=588FC213" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>