<p><span style="color: #000000;"><strong>ភ្នំពេញ៖</strong> ជាការពិតនៅពេលទស្សនិជន បានស្តាប់ឮបទចម្រៀងពីរោះៗ ប្រមាណជា៤-៥បទដូចជា បទ «Block បងចោលទៅ, Baby របស់បង គឺសង្សារចាស់អូន, Baby របស់អូនគឺសង្សារចាស់បង,ពេលគ្មានអូនបងចង់ឆ្កួត និង បទក្នុងបេះដូងអូននៅនឹកគេមែនទេ» របស់ផលិតកម្មដាយមិន ភ្លាម មនុស្សភាគច្រើនពិតជាបានស្គាល់ និង គិតដល់ម្ចាស់បទចម្រៀងនីមួយៗហើយមានតិចណាស់ ដែលបាននឹកគិតដល់កវីនិពន្ធ ដែលមានស្នាដៃខំប្រឹងចំណាយពេលដើម្បីសរសេរតាក់តែង ឲ្យមានភាពល្បីល្បាញ រហូតទទួលបានការគាំទ្រ នៅលើទីផ្សារសិល្បៈ។</span></p>
<p><span style="color: #000000;">យ៉ាងណាមិញ នៅថ្ងៃនេះគេហទំព័រ LookingTODAYនឹងនាំអារម្មណ៍ប្រិយមិត្ត ឲ្យទៅស្គាល់កវីនិពន្ធមួយរូប ដ៏មានស្នាដៃប្រចាំផលិតកម្មដាយមិន ដែលបានបង្ហើបប្រាប់ ពីបទពិសោធន៍ និងជោគជ័យការងារខ្លះៗ ដែលលោកខំប្រឹងតស៊ូរយៈពេល៣ឆ្នាំ សម្រាប់ឆាកជីវិត នៅពេលបានក្លាយជាអ្នកនិពន្ធ មកទល់ពេលសព្វថ្ងៃនេះ ។</span></p>
<p><span style="color: #000000;">ជាអ្នកមានស្រុកកំណើត នៅខេត្តបាត់ដំបង លោក មុំ មុន្នីរិទ្ធិ ចាប់តាំងពីឆ្នាំ២០១២ រហូតមកទល់បច្ចុប្បន្ន បានក្លាយជាកវី និពន្ធទំនុកបទចម្រៀង កំពុងល្បីឈ្មោះ និងលេចមុខគួរសម ប្រចាំផលិតកម្មដាយមិន ។ ខណៈពេលបច្ចុប្បន្ននេះបទចម្រៀងរបស់លោក ក៏កំពុងដាក់លក់នៅលើទីផ្សារ ជាហូរហែ។ លោកជាកូនប្រុសច្បង ក្នុងចំណោមបងប្អូនពីរនាក់ ហើយរហូតមកដល់បច្ចុប្បន្ននេះ លោក មុំ មុន្នីរិទ្ធិ ទើបមានអាយុ២៨ឆ្នាំ ប៉ុណ្ណោះ។ ក្រៅពីការងារ ជាអ្នកនិពន្ធចម្រៀង លោក មុំ មុន្នីរិទ្ធិ ក៏ជាអ្នកដឹកនាំតួសម្តែង ដ៏មានសមត្ថភាពម្នាក់ ប្រចាំផលិតខាងលើនេះដែរ។ មុំ មុន្នីរិទ្ធិ បានបញ្ចប់ការសិក្សា ផ្នែកសំណង់ស៊ីវិល នៅសាកលវិទ្យាល័យន័រតុន។</span></p>
<p><span style="color: #000000;">ថ្លែងប្រាប់គេហទំព័រ LookingTODAYឲ្យដឹងតាមទូរស័ព្ទ នៅរសៀលថ្ងៃទី២៧ ខែវិច្ឆិកា នេះ លោក មុំ មុន្នីរិទ្ធិ និយាយថា «គិតមកទល់ពេលនេះ ខ្ញុំនិពន្ធទំនុកច្រៀង និងជាអ្នកគ្រប់គ្រងតួចំនួន ៣ឆ្នាំហើយ។ ខ្ញុំមានអារម្មណ៍សប្បាយចិត្ត នឹងការងារ ដែលខ្ញុំទទួលបានសព្វថ្ងៃ ព្រោះជាចំណង់ចំណូលចិត្តរបស់ខ្ញុំ និងសេចក្តីប្រាថ្នា តាំងពីតូចមកម្ល៉េះ។ នេះក៏ជាជោគជ័យមួយ សម្រាប់ជីវិតខ្ញុំផងដែរ..»។</span><br /><span style="color: #000000;">កវីនិពន្ធ មុំ មុន្នីរិទ្ធ បានបង្ហើបពីគោលបំណង នាថ្ងៃអនាគតរបស់ខ្លួនថា «ក្រៅពីការនិពន្ធទំនុកច្រៀង ខ្ញុំមានគម្រោងបង្កើត Businees (មុខជំនួញ) មួយផ្ទាល់ខ្លួន នៅក្នុងពេលឆាប់ៗនេះហើយ »។ ប៉ុន្តែគម្រោងនេះ មិនត្រូវបានលោកបញ្ជាក់ ប្រាប់ទេថា ជាមុខរបរអ្វីនៅឡើយទេ..។</span></p>
<p><span style="color: #000000;">បទចម្រៀងដែលជាស្នាដៃ និពន្ធរបស់លោក មុំ មុន្នីរិទ្ធិ ដែលបានដាក់ចររាចណ៍ លក់លើទីផ្សាររួចមកហើយនោះ គឺហាក់ទទួលបាន ការចាប់អារណ៍ គាំទ្រច្រើនគួសម ពីសំណាក់ទស្សនិកជន ។ ជាពិសេសកំពុងពេញនិយមសម្រាប់ស្រទាប់យុវវ័យ ។ ក្នុងនោះមានបទ Block បងចោលទៅ, មនុស្សដំបូងធ្វើឲ្យខ្ញុំយំ, Baby របស់បង គឺសង្សារចាស់អូន, Baby របស់អូន គឺសង្សារចាស់បង,ពេលគ្មានអូនបងចង់ឆ្កួត និង បទក្នុងបេះដូងអូននៅនឹកគេមែនទេ? ជាដើម ៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/28/10-28-11-2015--08-47-12.jpg"><img src="/FileManager/Articles/mce/2015/11/28/10-28-11-2015--08-47-12.jpg" alt="" /></a></span></p>
<p><a class="thickbox" title="" href="/FileManager/Commons/2015/11/28/10a-28-11-2015--08-47-21.jpg"><img src="/FileManager/Articles/mce/2015/11/28/10a-28-11-2015--08-47-21.jpg" alt="" /></a></p>
<p><a class="thickbox" title="" href="/FileManager/Commons/2015/11/28/10b-28-11-2015--08-47-36.jpg"><img src="/FileManager/Articles/mce/2015/11/28/10b-28-11-2015--08-47-36.jpg" alt="" /></a><span style="color: #000000;"><br /></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>