<p><span style="color: #000000;"><strong>(ភ្នំពេញ)៖</strong> លោក ប៉ា សុជាតិវង្ស អភិបាលរាជធានីភ្នំពេញ នៅថ្ងៃទី០៨ ខែតុលានេះ បានប្រកាសថា រដ្ឋបាលរាជធានីភ្នំពេញ នឹងប្រកាសផ្អាកគ្រប់ការដ្ឋានសាងសង់ និងការចរាចររថយន្តដឹកជញ្ជូនសម្ភារសាងសង់ធំៗទាំងអស់ ក្នុងរាជធានីភ្នំពេញ ចាប់ពីថ្ងៃទី១២ ដល់ថ្ងៃទី១៦ ខែវិច្ឆិកា ឆ្នាំ២០១៦ ដើម្បីបង្កលក្ខណៈងាយស្រួល ដល់បងប្អូនប្រជាពលរដ្ឋ ដែលមកកម្សាន្តក្នុងព្រះរាជពិធីបុណ្យអុំទូក។</span></p>
<p><span style="color: #000000;">ការប្រកាសរបស់លោក ប៉ា សុជាតិវង្ស ធ្វើឡើងបន្ទាប់ពីរដ្ឋបាលរាជធានីភ្នំពេញ នៅព្រឹកថ្ងៃទី០៨ ខែវិច្ឆិកានេះ បានប្រជុំការងារលម្អិតសម្រាប់ព្រះរាជពិធីបុណ្យអុំទូកខាងមុខនេះ ដើម្បីទទួលបងប្អូនប្រជាពលរដ្ឋ និងភ្ញៀវជាតិ-អន្តរជាតិឱ្យបានសប្បាយរីករាយប្រកបដោយសុខសុវត្ថិភាព។</span></p>
<p><span style="color: #000000;">លោក ប៉ា សុជាតិវង្ស បានសរសេរលើ Facebook ផ្លូវការរបស់លោកថា «<strong> ខ្ញុំសូមប្រកាសផ្អាកគ្រប់ការដ្ឋានសាងសង់ និងការចរាចររថយន្តដឹកជញ្ជូន សម្ភារសាងសង់ធំៗទាំងអស់ ក្នុងរាជធានីភ្នំពេញ ចាប់ពីថ្ងៃទី១២ ដល់ថ្ងៃទី១៦ ខែវិច្ឆិកា ឆ្នាំ២០១៦តែម្តង»</strong>។</span></p>
<p><span style="color: #000000;">លោកបានលើកឡើងថា<strong> «យើងបានត្រៀមរួចជាស្រេចដើម្បីដោះស្រាយបញ្ហានានា ដែលរួមមានទាំងការងារសន្តិសុខ សណ្ដាប់ធ្នាប់ ការងារគ្រប់គ្រងទូក ការងាររចនាតុបតែង និងអនាម័យ ការងារផ្សព្វផ្សាយ ព័ត៌មាន សិល្បៈ និងប្រទីប ការងារសង្គ្រោះបន្ទាន់ ការងារចរាចរណ៍ ទាំងការងារសណ្ដាប់ធ្នាប់លក់ដូរ និងចំណត ជាដើម ជូនបងប្អូន»</strong>។</span></p>
<p><span style="color: #000000;">សូមជម្រាបថា ក្នុងឱកាសប្រារព្ធព្រះរាជពិធីបុណ្យអុំទូក ដែលរៀបចំឡើងចាប់ពីថ្ងៃទី១៣-១៤-១៥ ខែវិច្ឆិកា ឆ្នាំ២០១៦ សមត្ថកិច្ចត្រៀមកម្លាំងជាង១មឺុននាក់ ដើម្បីការពារសន្តិសុខ និងសណ្តាប់ធ្នាប់៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14938127_1153763474660056_5579192537596117302_n.jpg?oh=f35708b2ec49fcd44e0292ff2f9ba3ed&oe=58D513F4" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14925647_1153763407993396_4792412841758123656_n.jpg?oh=471363b6878c56503fa3dfb11ca43764&oe=58D56520" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14963149_1153763591326711_3443640059765593070_n.jpg?oh=46238c3b743038d733d10d9ce8b9adfb&oe=588CD103" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xap1/v/t1.0-9/14991837_1153763621326708_6850233549559536874_n.jpg?oh=188580d5e9431d259af481cd639b679a&oe=588C4E35&__gda__=1489883148_6378257de006b5562ac59c8af7a1ff5e" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>