<p><span style="color: #000000;"><strong>(មែនឆេស្ទើ)៖</strong> ក្លឹបបិសាចក្រហម Manchester United បានប្រកាសតែងតាំងគ្រូបង្វឹកថ្មីលោក Jose Mourinho ជាផ្លូវការហើយ ដើម្បីបន្តដឹកនាំជំនួសកៅអីលោក Louis van Gaal ដែលត្រូវបានបណ្តេញចេញពីតំណែងពីពេលនេះ តទៅ ។</span></p>
<p><span style="color: #000000;">សារព័ត៌មាន BBC បានផ្សាយថា អតីតគ្រូបង្វឹក Chelsea រូបនេះបានចុះកិច្ចសន្យាដឹកនាំ Man Utd រយៈពេល៣ឆ្នាំ ពោលគឺនឹងផុតកិច្ចសន្យារហូតដល់ឆ្នាំ២០២០ខាងមុខនៅកីឡដ្ឋាន Old Trafford បន្ទាប់ពីបើកកិច្ចចរចារយៈពេល ៣ថ្ងៃមកនេះ ។</span></p>
<p><span style="color: #000000;">ជាមួយនឹងការទើបទទួលបានការងារថ្មី បន្ទាប់ពីទំនេរអស់រយៈពេលជិត៧ខែមកតាំងពីចុងឆ្នាំ២០១៥ គ្រូបង្វឹកវ័យ ៥៣ឆ្នាំបានថ្លែងថា <strong>«ការបានដឹកនាំក្លឹប Man Utd វាប្រពៃខ្លាំងណាស់សម្រាប់ខ្ញុំ ដែលវាបានស្ថិតក្នុងគោលដៅរបស់ខ្ញុំ យូរមកហើយ»</strong> ។</span></p>
<p><span style="color: #000000;">ទន្ទឹមនឹងនោះដែរអនុប្រធានប្រតិបត្តិក្លឹបលោក Ed Woodward ក៏បានឲ្យដឹងដែរថា <strong>«Jose ជាគ្រូបង្វឹកដ៏ល្អបំផុត ក្នុងក្លឹប Man Utd ចាប់ពីថ្ងៃនេះតទៅ យើងនឹងធ្វើការ និងទទួលជោគជ័យរួមគ្នា»</strong> ។</span></p>
<p><span style="color: #000000;">សូមបញ្ជាក់ផងដែរ Manchester United ជាក្លឹបទី២ដែលលេងនៅ Premier League គ្រូបង្វឹកវ័យ៥៣ឆ្នាំ Jose Mourinho បានដឹកនាំ បន្ទាប់ពី Chelsea ក្រៅពីក្លឹបធំៗមានដូចជា FC Porto របស់ព័រទុយហ្គាល់, Inte Milan របស់អ៊ីតាលី និងក្លឹប Real Madrid របស់អេស្ប៉ាញ ៕</span></p>
<p><span style="color: #000000;"><img src="http://ichef.bbci.co.uk/onesport/cps/800/cpsprodpb/053D/production/_89814310_gettyimages-534638950.jpg" alt="" width="730" /></span></p>
<p><span style="color: #000000;">លោក Jose Mourinho</span></p>
<p><span style="color: #000000;"><img src="http://static.standard.co.uk/s3fs-public/styles/story_large/public/thumbnails/image/2016/01/12/06/LouisVanGaal.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>