<p><span style="color: #000000;"><strong>កណ្ដាល ៖</strong> យុវជន ជាកម្មកររោងចក្រ ចំនួន៤នាក់ បានរៀបចំគម្រោង ដោយនាំនារីរងគ្រោះយកបង្អកស្រា ហើយរំលោភ បូក លើនារីរងគ្រោះបានសម្រេច កាលពី៩យប់ ថ្ងៃទី១៦ ខែវិច្ឆិកា ឆ្នាំ២០១៥ នៅចំណុចភូមិដំណាក់ព្រីង ឃុំទំនប់ធំ ស្រុកពញាឮ ខេត្តកណ្តាល ប៉ុន្តែក្រោយកើតហេតុមួយថ្ងៃ គឺនៅថ្ងៃទី១៧ ខែវិច្ឆិកា ត្រូវសមត្ថកិច្ច ឃាត់ខ្លួនបានម្នាក់ និង៣នាក់ទៀត រត់ចោលភូមិអស់។</span></p>
<p><span style="color: #000000;">សមត្ថកិច្ចដដែលបានបញ្ជាក់ថា ជនសង្ស័យទី១មានឈ្មោះ សៀន សម្បត្តិ ភេទប្រុស អាយុ២៣ឆ្នាំ មុខរបរ កម្មករ ទីលំនៅភូមិអំពិលរូង ឃុំព្រះស្រែ ស្រុកឧដុង្គ ត្រូវបានឃាត់ខ្លួន ។ ទី២-ឈ្មោះ ពៅ គង់ ភេទប្រុស អាយុ២០ឆ្នាំ ជនជាតិខ្មែរ មុខរបរកម្មករ ទីលំនៅភូមិដំណាក់ព្រីង ឃុំទំនប់ធំ ស្រុកពញាឮ ,ទី ៣-ឈ្មោះ ថុល នៅភូមិកើតហេតុ និងទី៤-ឈ្មោះ កុយ នៅភូមិកើតហេតុ អ្នកទាំង៣បានរត់គេចខ្លួនអស់។ ចំណែកជនរងគ្រោះមានឈ្មោះ ម.រ.ឌ ភេទស្រី អាយុ១៤ឆ្នាំ មុខរបរកម្មការីនី ទីលំនៅភូមិ អំពិលដាំទឹក ឃុំវិហារលួង ស្រុកពញាឮ។</span></p>
<p><span style="color: #000000;">យោងតាមពាក្យបណ្ដឹង របស់ជនរងគ្រោះបានបញ្ជាក់ថា មុនពេលកើតហេតុ នៅម៉ោង១៦ ជនរងគ្រោះ ចេញពី ធ្វើការរោងចក្រ ហើយពេលនោះសង្ស័យទាំង៤នាក់ បានបបួលនាងទៅផឹកស៊ី នៅម្តុំជិតផ្សារឧដុង្គ ។ បន្ទាប់មកជនសង្ស័យ ឈ្មោះ ពៅ គង់ បានឌុបនារីរងគ្រោះទៅផ្ទះរបស់ខ្លួន នៅភូមិកើតហេតុ ហើយជនល្មើស បានទិញស្រាបៀរមកផឹកស៊ីបន្តទៀត ដោយបង្ខំជនរងគ្រោះឲ្យផឹករហូតស្រវឹង ។ លុះដល់ម៉ោង២១ ជនរងគ្រោះ បានដើរ ទៅបត់ជើងតូច នៅខាងក្រោយផ្ទះ ស្រាប់តែជនសង្ស័យ ឈ្មោះ សៀន សម្បត្តិ ដើរតាមពីក្រោយ ជនរងគ្រោះ បានចាប់បីជនរងគ្រោះ មកដាក់លើគ្រែក្នុងរោងបាយ ហើយក៏បានធ្វើសកម្មភាពរំលោភបូក ម្ដងម្នាក់ៗ រហូតបានសម្រេចបន្តបន្ទាប់គ្នា។</span></p>
<p><span style="color: #000000;">លុះដល់ថ្ងៃទី១៧ ខែវិច្ឆិកា ឆ្នាំ២០១៥ ទើបអាណាព្យាបាលជនរងគ្រោះ មកដាក់ពាក្យប្តឹងនៅប៉ុស្តិ៍ទំនប់ធំ ឈានដល់ការឃាត់ខ្លួន ជនសង្ស័យខាងលើបានម្នាក់ និងបន្តចាត់ការតាមនីតិវិធីច្បាប់ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/18/11-18-2015-11-38-46-am-18-11-2015--11-45-41.png"><span style="color: #000000;"><img src="/FileManager/Articles/mce/2015/11/18/11-18-2015-11-38-46-am-18-11-2015--11-45-41.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>