<p><span style="line-height: 1.8; color: #000000;"><strong>(ភ្នំពេញ)៖</strong> ក្រោយពីបញ្ចប់កិច្ចប្រជុំនាព្រឹកថ្ងៃទី១២ ខែកុម្ភៈនេះ សាលារាជធានីភ្នំពេញ និងក្រុមប្រឹក្សាសកម្មភាពជនពិការ បានឯកភាពសម្រេចមិនឲ្យបងប្អូនជនពិការ ប្រគុំតន្រ្តីរៃអង្គាសប្រាក់ នៅតាមភ្លើងស្តុបទៀតនោះទេ ដើម្បីរក្សាសណ្តាប់ធ្នាប់តាមទីសាធារណៈ ប៉ុន្តែនឹងជួយរៀបចំបណ្តុះបណ្តាល និងជួយរកការងារឲ្យបងប្អូនជាជនពិការធ្វើនៅតាមទីកន្លែងសមរម្យ ដើម្បីជីវភាពរស់នៅថ្លៃថ្នូរប្រសើរជាង នេះបើយោងតាមមន្រ្តី ដែលចូលរួមកិច្ចប្រជុំ នៅសាលារាជធានីភ្នំពេញ។</span></p>
<p><span style="color: #000000;">ការសម្រេចមិនអនុញ្ញាតឲ្យបងប្អូនជនពិការ ប្រគុំតន្រ្តីនៅតាមភ្លើងស្តុបនេះ ធ្វើឡើងនៅក្នុងកិច្ចប្រជុំមួយរវាង លោក ប៉ា សុជាតិវង្ស អភិបាលរាជធានីភ្នំពេញ និងលោក ឯម ច័ន្ទមករា អគ្គលេខាធិការ ក្រុមប្រឹក្សាសកម្មភាពជនពិការ និងមន្រ្តីមួយចំនួនផងដែរ នៅសាលារាជធានីភ្នំពេញ។</span></p>
<p><span style="color: #000000;">លោក ឯម ច័ន្ទមករា បានបញ្ជាក់ទៀតថា អគ្គលេខាធិការដ្ឋានក្រុមប្រឹក្សាសកម្មភាពជនពិការ និងធ្វើការកោះប្រជុំជាមួយក្រុមតន្រ្តីជនពិការទាំងអស់ ឲ្យយល់អំពីគុណតំលៃ និងសិក្សាអំពីតម្រូវការចាំបាច់ ដើម្បីមានភាពងាយស្រួលក្នុងការដោះស្រាយបញ្ហាជូនជនពិការ។</span></p>
<p><span style="color: #000000;">លោក ឯម ច័ន្ទមករា ក៏បានឲ្យដឹងថា កន្លងមកមានឈ្មួញនៅពីក្រោយខ្នងក្រុមតន្រ្តីជនពិការ ដែលឈ្មួញទាំងនោះជាជនពិការផង និងជនមិនពិការផង ព្រមទាំងជាម្ចាស់ជួលឧបករណ៍តន្រ្តី ដែលបាននិងកំពុងប្រើបា្រស់រូបភាពឲ្យក្រុមតន្រ្តីជនពិការ សម្តែងនៅតាមទីសាធារណៈដើម្បីរ៉ៃអង្គាសប្រាក់យកទៅឲ្យពួកគេជាថ្នូរនៃកម្រៃពី ៨០.០០០រៀល ទៅ១០០.០០០រៀលក្នុងមួយថ្ងៃ ទៅឲ្យជនពិការម្នាក់ៗដែលបានប្រគុំតន្រ្តីនៅទីតាំងនីមួយៗ។</span></p>
<p><span style="color: #000000;"><strong>លោកអគ្គលេខាធិការរូបនោះបានថ្លែងថា លោកនិងចាត់វិធានការតាមផ្លូវច្បាប់ដល់ជនណា ដែលកំពុងធ្វើសកម្មភាពក្នុងរូបភាពបែបនេះ ព្រោះថាជាការកេងប្រវ័ញ្ចលើជនពិការ ដែលផ្ទុយនឹងច្បាប់ស្តីពីកិច្ចការពារ និងលើកកម្ពស់សិទ្ធជនពិការ។</strong></span></p>
<p><span style="color: #000000;">អភិបាលរាជធានីភ្នំពេញ លោក ប៉ា សុជាតិវង្ស បានបញ្ជាក់អំពីគោលជំហរមិនអនុញ្ញាតឲ្យមានការប្រគុំតន្រ្តីរបស់ជនពិការ នៅតាមទីសាធារណៈនោះទេ ដោយលោកយល់ថា មិនចង់ឲ្យជនពិការក្លាយទៅជាជនរងគ្រោះ ហើយដែលយើងត្រូវរកដំណោះស្រាយ ឲ្យបានល្អដើម្បីជួយ ដល់ជនពិការទាំងនោះ តាមរយៈការជួយរកការងារសមរម្យឲ្យជនពិការបានធ្វើ ការដាក់ចេញនូវគោលការណ៍ឲ្យសាលាខណ្ឌ សាលាសង្កាត់ ចុះសិក្សាដោយផ្ទាល់ពីជីវភាពរស់នៅប្រចាំថ្ងៃរបស់ជនពិការ ហើយយកចិត្តទុកដាក់បន្ថែម ដើម្បីឲ្យជនពិការមានអារម្មណ៍កក់ក្តៅ។</span></p>
<p><span style="color: #000000;">លោក ប៉ា សុជាតិវង្ស បានប្តេជ្ញាធ្វើជាគំរូក្នុងការជ្រើសរើសជនពិការឲ្យមកបម្រើការនៅសាលារាជធានីភ្នំពេញ ជាពិសេសនៅការរិយាល័យ ច្រកចេញចូលតែមួយ របស់សាលារាជធានីភ្នំពេញ ហើយ លោក ប៉ា សុជាតិវង្ស ក៏បានស្នើដល់អគ្គលេខាធិការក្រុមប្រឹក្សាសកម្មភាពជនពិការ បញ្ជូនទិន្នន័យឬបញ្ជីឈ្មោះរបស់ក្រុមតន្រ្តីជនពិការ មកសាលារាជធានីភ្នំពេញ ដើម្បីងាយស្រួលគ្រប់គ្រង និងដោះស្រាយបញ្ហាបងប្អូនជនពិការ ហើយសាលារាជធានីភ្នំពេញ ធានាទទួលយកទៅបណ្តុះបណ្តាល និងជួយស្វែងរកការងារឲ្យបានសមរម្យជូនបងប្អូនជនពិការ។ ក្នុងករណីជនពិការខ្វះកន្លែងស្នាក់នៅសាលារាជធានីភ្នំពេញ នឹងអនុញ្ញាតឲ្យស្នាក់នៅក្នុងមជ្ឈមណ្ឌលរបស់សាលារាជធានីភ្នំពេញទៀតផង។</span></p>
<p><span style="color: #000000;"><strong>លោកអភិបាលរាជធានីភ្នំពេញបានបង្ហាញឆន្ទៈថា លោកក៏ចង់ឃើញពីការពង្រីកសមត្ថភាពក្រុមតន្រ្តីផងដែរ។ បន្ទាប់ពីការជួសជុលរោង អាយ៉ៃ នៅរមនីយដ្ឋានវត្តភ្នំរួច លោកក៏មានគម្រោងអនុញ្ញាតឲ្យក្រុមតន្រ្តីជនពិការធ្វើការប្រគុំ នៅទីនោះរៀងរាល់ថ្ងៃសៅរ៍ ឬអាទិត្យ។</strong></span></p>
<p><span style="color: #000000;">ក្នុងជំនួបរវាងលោក ឯម ច័ន្ទមករា អគ្គលេខាធិការក្រុមប្រឹក្សាសកម្មភាពជនពិការ និងលោក ប៉ា សុជាតិវង្ស អភិបាលរាជធានីភ្នំពេញ ក៏បានឯកភាពបង្កើតក្រុមប្រឹក្សាសកម្មភាពជនពិការសាលារាជធានីភ្នំពេញ ដើម្បីងាយស្រួលធ្វើកិច្ចសហការណ៍ និងដោះស្រាយបញ្ហាជូនជនពិការបានទាន់ពេលវេលា៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/12734044_1557184547929244_2304629296996628797_n.jpg?oh=8a1219b9c818b21ccc2f948e23ed7038&oe=5735FDB1" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xal1/v/t1.0-9/12647053_1557184574595908_7749668902757370084_n.jpg?oh=bfc0a491c792a74aeb06c81a572f4696&oe=5762BE98&__gda__=1466435252_931259db153c416a30101a5217217e75" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xtf1/v/t1.0-9/12717457_1557184541262578_3489623030376455296_n.jpg?oh=8ddec650798bcd1523e475ec974b3ae9&oe=5732F09C&__gda__=1463273268_3ee79b0935a54899563b05297acbd813" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfa1/v/t1.0-9/12687774_1557184537929245_2834635239260635914_n.jpg?oh=e1e57ed11edb2e7dd0e7e4335814e9cd&oe=576D63D0" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfa1/t31.0-8/12747443_1557162624598103_5167253987782253767_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfa1/t31.0-8/12698651_1557162627931436_1634990811613894046_o.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>